Nahum 2:13 - Q'eqchi Bible

¹³ Jo'ka'in xye li Nimajwal Yos: “Xinchalk chajuk'b'al. Tink'ateb' laab'eleb'aal ch'iich' ut sib' aj chik teb'inkanab' wi'. Tinsach ruheb' laawalal aak'ajol, twisi sa' laatenamit chixjunil laawelq'ahom ut ink'a' chik taa'ab'imanq xyaab' xkux laj yehol esil”.

Li Santil hu

¹³ Li nimajcual Dios quixye: —La̱in tinsach ruheb laj Nínive. Tincꞌat lix carruajeb re pletic. Chanchan nak na-osoꞌ li sib saꞌ ikꞌ, joꞌcan nak teꞌosokꞌ. Riqꞌuin chꞌi̱chꞌ teꞌosokꞌ chixjunileb re nak incꞌaꞌ chic teꞌelkꞌak. Ut incꞌaꞌ chic ta̱abi̱k li cꞌaꞌru teꞌxye li ani teꞌxtakla xban nak ma̱ anihakeb chic.

Nahum 2:13 ပူးပေါင်းရင်းမြစ်များ

Nahum 3:5

Xyehom li Nimajwal Yos: “Xinchalk chak'eeb'al sa' xutaan: twisi laawaq' chawix ut tatinkanab' chi t'ust'u; tink'ut laaxutaan chiruheb' li xninqal ru tenamit.

Jeremías 21:13

Laa'in, li Qaawa', yo tz'aqal injosq'il sa' eeb'een li nim eewankil chiru taq'a, jo'kex li saqoonak chiru li helhookil ru ch'och'. Laa'ex nekeye: Ani taachalq chi yalok qik'in? Ani toltawoq qe sa' li qakawub'resinb'il tenamit? chankex.

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

2 Reyes 19:23

Chi xtz'uumal reheb' laataql xahob' li Qaawa' ut xaye sa' laach'ool: «Rik'ineb' link'iila b'eleb'aal ch'iich' xintaqe'k sa' xb'eeneb' li tzuul, toj sa' xb'een Líbano li ink'a' naru wi' wulak. Xint'aneb' li yaw ninqeb' xteram ut eb' li xchaq'alil ru saqichaj, xinwulak toj sa' xjolom tzuul, sa' li raxraxil ru k'iche'.

Nahum 3:1

Ra chaalel sa' aab'een, at tenamit aj kamsinelat poyanam, nujenaqat chi tik'ti' ut raaxiik'! Maajoq'e nakakanab' li elq'ak.

Ezequiel 5:8

Jo'kan naq laa'in li Qaawa' ninye: Laa'in xik' ajwi' tatwil, a Jerusalén, ut tinraqoq aatin sa' aab'een chiruheb' li xninqal ru tenamit,

2 Reyes 19:9

Aran laj Senakerib kirab'i resil naq laj Tirhaká, awab'ej re Etiopía, yo chi xik chi yalok rik'ineb' laj Asiria. Toja' naq kixtaqlaheb' wi' chik li xtaql rik'in laj Esekías ut kixye reheb':

Josué 11:9

Laj Josué kixb'aanu jo' kiyehe'k re xb'aan li Qaawa': kixtoq roqeb' li xkawaayeb' ut kixk'at li xb'eleb'aal ch'iich'eb'.

Nahum 3:12

“Chixjunileb' laakawub'resinb'il ochoch chanchaneb' xtoonal li iig li wank ru: naq taachiq'chiq'i, taat'ane'q li ru sa' re li taatzekanq re.

Ezequiel 39:1

“At kaamel winq, aatina laj Gog sa' ink'ab'a' ut ye re: «Jo'ka'in xye li Qaawa': Yo injosq'il aawik'in, a Gog, xnimalat ru aj taqlanel sa' xb'eeneb' laj Mesek ut laj Tubal.

Ezequiel 38:3

Taaye re: «Jo'ka'in xye li Qaawa': Xik' chik nakatwil, a Gog, xnimalat ru aj taqlanel sa' xb'eeneb' laj Mesek ut laj Tubal.

Ezequiel 35:3

chi jo'ka'in: «Jo'ka'in xye li Qaawa': At tzuul Seír, laa'in xik' nakatwil. Tinye' li wuq' sa' aab'een re aarahob'tesinkil, ut chaqich'och' tatinkanab' wi'.

Ezequiel 29:10

Jo'kan naq laa'in xik' chik nakatwil laa'at ut laanima'. Joxk' chik tinkanab' laach'och' ut xiwajelaq rilb'al, chalen chaq Mikdol toj Asuán, ut toj sa' xnub'ajlil Etiopía.

Ezequiel 29:3

«Laa'in xik' chik nakatwil, a Parahón, li awab'ej re Ejiipt, at xnimal xul li jiljookat sa' xyanqeb' laanima' ut nakaye: We li nima' Nilo, laa'in kinyiib'ank re, chankat.

Ezequiel 28:22

Ye re chi jo'ka'in: «Li Qaawa' xye chi jo'ka'in: Laa'in xik' chik nakatwil, a Sidón; ut rik'in li tinb'aanu sa' eeyanq, taak'ehe'q inloq'al. Naq tinraqoq aatin sa' aab'een ut tink'ut linsantilal chawu, taanawmanq naq laa'in li Qaawa'.

Ezequiel 26:3

“Jo'kan naq laa'in, li Qaawa', ninye chi jo'ka'in: At tenamit Tiro, laa'in xik' chik tatwil ut tintaqlaheb' li k'iila tenamit chasachb'al; jo' naq nawoqxink li palaw naq te'wulaq aawik'in.

Jeremías 51:25

Relik chi yaal naq yo injosq'il sa' aab'een, at xnimal ru tzuul aj juk'unel, li nakasach chixjunil li ruuchich'och' -chan li Qaawa'-. Twisi linjosq'il sa' aab'een, tatinjukuki sa' xb'eeneb' li saqoonak ut chanchanaqat chik li choqlenb'il k'iche' tatinkanab'.

Jeremías 50:31

“At q'etq'et aj tenamit, yo injosq'il aawik'in; xwulak laakutankil ut xtaw xq'ehil naq taatoj rix laamaak.

2 Crónicas 32:19

Ke'aatinak chirix li xYos eb' laj Jerusalén, jo' xjuntaq'eetankil rik'in li xyoseb' li xtenamitul li ruuchich'och', li yal yiib'anb'ileb' xb'aaneb' winq.

2 Reyes 18:19

Toja' naq li xnimal ru aj k'anjel aj Asiria kixye reheb': “Yehomaq li esil a'in re laj Esekías: Jo'ka'in xye chaq li xnimal ru awab'ej re Asiria: Ani nakakawu wi' laach'ool?

2 Reyes 18:17

Chirix chik a'an li awab'ej re Asiria kixtaqla jun xnimal ru aj k'anjel chiru, jo'wi' jun aj jolominel ut jun aj k'aak'alenel rochb'eeneb' jun teepeb' chi aj puub', re te'elq aran Lakix ut te'xik Jerusalén b'arwi' wank laj Esekías. Naq ke'wulak Jerusalén, koxe'kanaaq chi xk'atq li ha' wank chi tzuul, sa' li b'e naxik sa' li Xna'aj laj Puch'unel.

Josué 11:6

Tojo' naq li Qaawa' kixye re laj Josué: “Matxiwak xb'aan naq wulaj, sa' ajwi' li honal a'in, te'kamq chixjunileb' chiruheb' laj Israel. Ut laa'at taatoq roqeb' li xkawaayeb' ut taak'e xxamlel li xb'eleb'aal ch'iich'eb'”, chan li Yos.

Jeremías 46:14

“Yehomaq li esil a'in sa' li tenamit Ejiipt ut puktesihomaq resil aran Mikdol, Menfis ut Tafnes: «Kawresihomaq eerib' ut xaqlinqex xb'aan naq yo li kamsink chesutam!».

Ezequiel 13:8

Jo'kan naq laa'in, li Qaawa', ninye chi jo'ka'in: Moko yaal ta li moy u nekeril ut tz'aqal tik'ti' li nekeye; jo'kan naq yo injosq'il sa' eeb'een -chan li Qaawa'-.

Ezequiel 21:3

ut ye reheb': «K'ehomaq reetal naq xik' chik nekexwil. Twisi chaq linq'esnal ch'iich' ut tinkamsi li tiik xch'ool jo'wi' laj maak.

Nahum 2:12

Nínive jwal kaw rib' naq kiwank, jo' li kaqkoj naq naxkamsi li xtzak, naxch'oolaniheb' li ral ut naxnujob'resiheb' li xk'uuleb'aal rik'in junes tib'.

Nahum 3:15

Us ta tatk'ihanq jo' laj saak' malaj tattamq ta jo' laj raxq'een, tat-oso'q xb'aan li xam aran ut tatsache'q rik'in q'esnal ch'iich'.