Nahum 2:11 - Q'eqchi Bible

¹¹ B'ar wank anaqwan li xna'ajeb' li kaqkoj? K'aru xk'ul li xjob'eb' li kok' kaqkoj b'arwi' xe'wank, chi maajun naxib'esink reheb'?

Li Santil hu

¹¹ ¿Cꞌaꞌru xcꞌul li tenamit Nínive? Junxil chanchan xnaꞌajeb li cakcoj. X-osoꞌ lix naꞌajeb. ¿Ma incꞌaꞌ ta biꞌ chanchaneb li cakcoj nak queꞌcuan? Eb aꞌan ma̱ ani queꞌxxucua ru ut ma̱ ani naru naseꞌbesin reheb.

Nahum 2:11 ပူးပေါင်းရင်းမြစ်များ

Isaías 5:29

Chanchan li kaqkoj li xyaab'eb', jo' nayaab'ak li ral li kaqkoj; naxjap re naq naxtaw li xtzak, ut naxk'am chi maajun namaq'ok chiru.

Jeremías 2:15

K'a'ut naq xe'chalk eb' laj rahob'tesinel sa' xb'eeneb' chi japjookeb' re kama'eb' li kaqkoj? Xe'xk'ati chixjunil li na'ajej ut xe'xkanab' chi po'lemil, chi maajun chik wank aran.

Sofonías 3:3

Li xninqaleb' ru winq li wankeb' aran, chanchaneb' li kaqkoj chaajeb' re; eb' laj raqol aatin jo'keb' laj xojb' sa' li chaqich'och' li ink'a' neke'xkanab' xtib'eb' re wulaj.

Nahum 3:1

Ra chaalel sa' aab'een, at tenamit aj kamsinelat poyanam, nujenaqat chi tik'ti' ut raaxiik'! Maajoq'e nakakanab' li elq'ak.

Jeremías 50:44

“Relik chi yaal naq tinchalq chi junpaat: jo' junaq kaqkoj li na'elk chaq sa' li k'iche' chire li nima' Jordán ut naxik sa' li raxal pim chiru taq'a, jo'kan naq tink'eheb' chi elelik eb' laj Babilonia ut aran tinxaqab' cho'q aj k'amol b'e li ani tixk'ul linch'ool. Xb'aan naq ani chik junaq kama' laa'in? Ani junaq awab'ej taawanq chi xaqxo chiwu?

Jeremías 50:17

“Israel chanchan li karneer sachenaq, aanilasinb'il xb'aaneb' li kaqkoj. Xb'enwa xsache'k xb'aan li awab'ej re Asiria; chirix chik a'an, laj Nabukodonosor, li awab'ej re Babilonia, xchoyok re.

Jeremías 4:7

Ak xwakliik chaq laj sachonel tenamit, jo' jun li kaqkoj x'elk chaq sa' li xsok; chalk re sa' aab'een re xsachb'al laana'aj: nakirirnak te'kanab'aaq eb' laatenamit chi maajunaq chik li poyanam chisa'.

Isaías 31:4

Jo'ka'in kixye we li Qaawa': “Jo' naq li kaqkoj malaj li ral naxjap re sa' xb'een li xtzak ut ink'a' naxxiwa ruheb' laj ilol ketomq us ta te'xch'utub' rib' re raanilasinkil ut japjo'q reheb' chirix, jo'kan ajwi' naq taachalq li Nimajwal Yos chi yalok sa' li tzuul Sión.

Génesis 49:9

Laj Judá a'an ral li kaqkoj. Xatsutq'iik chaq aawochb'een laatzak, at walal: nakatunub' ut nakajilib' aawib' jo' junaq kaqkoj malaj ixqikaqkoj. Ani taak'ehoq re chi wakliik?

Números 23:24

Il li tenamit a'in: yo chi wakliik jo' jun li ixqi kaqkoj, naxxaqab' rib' jo' li teelom kaqkoj li ink'a' nahilank toj toxtaw li xtzak ut taaruk' xkik'el li xkames”.

Ezequiel 32:2

“At kaamel winq, b'icha li b'ich a'in re rahil ch'oolej chirix laj Parahón, li awab'ej re Ejiipt, ut ye re chi jo'ka'in: «Chanchanat li kaqkoj sa' xyanqeb' li tenamit; kama'at li xyuwa'il ayin sa' li palaw: nakatb'atz'unk sa' laanima', nakasulule ru ut nakayeq'i rik'ineb' laawoq.

Miqueas 5:6

Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.

Nahum 2:12

Nínive jwal kaw rib' naq kiwank, jo' li kaqkoj naq naxkamsi li xtzak, naxch'oolaniheb' li ral ut naxnujob'resiheb' li xk'uuleb'aal rik'in junes tib'.

Isaías 13:7

Jo'kan naq chixjunileb' maak'a'aq chik xmetz'eweb' ut te'ch'inanq xch'ool eb' li poyanam.

Joel 2:6

Q'axal neke'siksotk eb' li poyanam chi rilb'aleb', ut chixjunileb' neke'saqo'k xb'aaneb' xxiw.