Nahum 2:1 - Q'eqchi Bible

¹ At Nínive, we' chaq laj sachonel: yo chi chalk sa' aab'een. K'aak'alen chi us toj sa' li najt xteramil kab'l. Il chi us laab'e, b'ak' chasa' laaq'esnal ch'iich' ut kawresi aawib'.

Li Santil hu

¹ Xeꞌchal saꞌ e̱be̱n li teꞌsachok e̱re, la̱ex aj Nínive. Cauresihomak e̱rib. Qꞌuehomakeb laj ramonel saꞌ eb li be. Qꞌuehomak lix cꞌa̱mal e̱saꞌ ut cauresihomak e̱rib chi pletic.

Nahum 2:1 ပူးပေါင်းရင်းမြစ်များ

2 Crónicas 25:8

Wi te'xik chawix, us ta kawaq aach'ool chi yalok, ab'anan li Qaawa' tatxq'axtesi sa' ruq'eb' li xik' neke'ilok aawe, xb'aan naq li Yos wank xwankil chi kolok ut chi sachok”.

Jeremías 50:23

Kok'puk' xkanaak Babilonia li kaw nataqlank sa' xb'een chixjunil li ruuchich'och'; xiwajel ut xutaanal li rahilal xk'ulum sa' xyanqeb' li xninqal ru tenamit.

Isaías 14:6

li xe'tawasink reheb' li tenamit sa' josq'il ut ink'a' xe'ril xtoq'ob'aal ru eb' li poyanam, a'eb' li xe'numtaak sa' xb'eeneb' li tenamit chi maak'a'eb' xkuyum.

Jeremías 25:9

jo'kan naq tinb'oqeb' chaq chixjunileb' li tenamit li wankeb' chaq sa' xjayal releb'l iq' jo' ajwi' laj Nabukodonosor, li awab'ej re Babilonia, laj k'anjel chiwu, re naq te'chalq chi xsachb'al li na'ajej a'in ut chixjunileb' li poyanam wankeb' chisa' jo'wi' li wankeb' chi xsutam. Kok'putz' tinkanab'eb' chi junajwa; te'se'eeq xb'aaneb' chixjunil, xiwajelaq ut xutaanalaq rilb'al.

Salmos 50:14

Laa'in li Nimajwal Yos! Li mayej li taaq'axtesi we, a'an jun ch'oolej li naxnaw yoxink; chab'aanu chi tz'aqal li xayeechi'i we.

Salmos 65:2

At qaYos, aak'ulub' li loq'oniik arin Sión, tento xk'eeb'al aawe li k'aru xqayeechi'i,

Isaías 29:7

Chixjunileb' li k'iila tenamit li neke'yalok rik'in Ariel, eb' li neke'rahob'tesink re Jerusalén ut neke'xjuk'eb' li ochoch najt xteram, chanchanaqeb' aj chik li matk' ut li moy u naq te'oso'q.

Isaías 29:8

Taak'ulmanq jo' naxk'ul li yo xtz'okajik: naxmatk'e naq yo chi wa'ak, ut na'ajk ru chi maak'a' li wa sa' xsa'. Taak'ulmanq jo' naxk'ul li nachaqik re: naxmatk'e naq yo chi uk'ak, ut naq na'ajk ru, yo xchaqi'eel ut xtz'okajik. Jo'kan ajwi' te'xk'ul chixjunileb' li tenamit li neke'yalok rik'in li tzuul Sión.

Isaías 52:7

K'ajo' xchaq'al ru rilb'al sa' xb'eeneb' li tzuul li roqeb' laj yehol resil li tuqtuukil usilal, li nayehok chaab'il esilal, li napuktesink resil li kolb'a ib' ut naxye re Sión: “Ak yo chi awab'ejink laaYos!”.