Nahum 1:7 - Q'eqchi Bible

⁷ Li Qaawa' a'an q'axal chaab'il cho'q re li kaw xch'ool chirix; a'an li kawilal sa' xhonalil li rahil ch'oolej ut narileb' li neke'oyb'enink rik'in

Li Santil hu

⁷ Li Ka̱cuaꞌ Dios, aꞌan cha̱bil. Naxqꞌue xcacuil xchꞌo̱leb li cuanqueb saꞌ raylal. Ut aꞌan naxnau aniheb li cauheb xchꞌo̱l riqꞌuin.

Nahum 1:7 ပူးပေါင်းရင်းမြစ်များ

2 Timoteo 2:19

Ab'anan li rub'elankil li xk'ehom li Yos a'an kaw rib', xaqxo sa' xna'aj ut kaaxtinb'il rik'in li aatin a'in: “Li Qaawa' naxnaw ruheb' li re”, ut: “Chixjunil li nayaab'ank re xk'ab'a' li Qaawa', chirisihaq rib' sa' li maa'usilal”.

San Juan 10:27

Eb' linkarneer neke'rab'i xyaab' inkux; laa'in nekeb'innaw ru ut eb' a'an nikine'xtaaqe.

Lamentaciones 3:25

Chaab'il li Qaawa' rik'ineb' li neke'yo'onink rik'in; A'an chaab'il rik'ineb' li neke'sik'ok re.

San Juan 10:14

“Laa'in li chaab'il aj k'aak'alenel, ut nekeb'innaw ru linkarneer ut eb' li we neke'xnaw wu,

Salmos 100:5

Xb'aan naq jwal chaab'il li Qaawa', li xrahom wank chi junelik; li xtiikilal xch'ool wanq junq'e junq'e kutan.

Salmos 27:5

Xb'aan naq a'an taak'uluq we sa' xmuheb'aal sa' li kutan naq wanqin sa' rahilal; tinxmuq chi us sa' li xloq'laj ochoch ut tinxk'e sa' xb'een jun saqoonak.

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Salmos 1:6

Xb'aan naq li Qaawa' naxk'aak'ale xb'eheb' li tiikeb' ru xyu'am, a'ut li xb'eheb' li ink'a' useb' taasachq chi junwaakaj.

Gálatas 4:9

A'ut anaqwan xenaw ru li Yos, malaj a'an b'an xnawok eeru laa'ex. Chan put ru naq texsutq'iiq wi' chik rub'el xwankil li k'a'aq re ru a'in li maak'a' xkawilal ut maak'a' na'ok wi'? K'a'ut naq teeraj xk'anjelankil wi' chik?

Isaías 25:4

Xb'aan naq chanchanat jun saqoonak cho'q re li lub'lub', laa'at xkawub' xch'ool li neb'a' naq wank sa' rahilal, laa'at nakatkolok chiru li hab' ut nakatmuheelank chiru xtiqwal li saq'e. Eb' li josq' aj poyanam chanchaneb' li b'ut'iha' sa' li hab'alq'e

1 Crónicas 16:34

“Chexyoxinq chiru li Qaawa' xb'aan naq chaab'il, li xrahom wank chi junelik!

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Salmos 86:7

Naq wankin sa' rahilal, ninyaab'a laak'ab'a', xb'aan naq nakawab'i lintz'aamahom.

Isaías 32:2

Li junjunq sa' xyanqeb' jo'kaq li na'ajej nakolok chiru li kawil iq' ut li hab'; kama'aq li roq nima' sa' li chaqich'och', chanchanaq jun nimla saqoonak chi muheelank sa' tiqwal ch'och'.

Salmos 25:8

Chaab'il ut tiik xch'ool li Qaawa': jo'kan naq naxk'ut li b'e chiruheb' laj maak.

Daniel 3:28

Toja' naq laj Nabukodonosor kixjap re chi yeeb'al: “Usilaatinanb'il taxaq li xYos laj Sidrak, laj Misak ut laj Abdénago, xb'aan naq xtaqla li x'ánjel chi xkolb'aleb' laj k'anjel chiru. Eb' li saaj al a'in k'ojk'o xch'ooleb' rik'in li xYos ut xe'xq'et li xtaqlahom li awab'ej; q'axal chik xe'xra li kamk chiru xloq'oninkil ut xk'anjelankil ru jalan chik yos li ink'a' xnawomeb' ru.

Salmos 71:3

Laa'at taxaq linsaqoonak, linkawil ochoch b'arwi' tinkol wib', xb'aan naq relik chi yaal naq laa'at linsaqoonak ut linkawil ochoch.

Salmos 91:15

Naq tixyaab'a link'ab'a', laa'in tinsume. Wanqin chi xk'atq sa' xq'ehil li rahilal; laa'in tinkoloq re ut tink'e xloq'al.

Salmos 59:16

Neke'xb'eeni rib' chi xsik'b'al k'aru te'xk'ux; naq toj maji' neke'nujak, neke'hanok yalaq b'ar.

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Daniel 6:23

Toja' naq li awab'ej k'ajo' naq kisaho'k sa' xch'ool ut chi junpaat kixtaqla risinkil laj Daniel sa' xyanqeb' li kaqkoj. Naq ke'risi chaq sa' xyanqeb' li xul, maajun xtiq'ilal ke'xtaw, xb'aan naq k'ojk'o li xch'ool rik'in li xYos.

Romanos 11:22

K'e reetal naq chaab'il li Yos, ab'anan kaw ajwi' na'aatinak. Kaw na'aatinak rik'ineb' li ke't'ane'k, ab'an k'ajo' xchaab'ilal aawik'in wi junelik wanqat sa' li xchaab'ilal. Wi ink'a' jo'kan, tat-isiiq ajwi' laa'at.

2 Crónicas 32:21

Ut li Qaawa' kixtaqla chaq jun x'ánjel li kixsach ruheb' chixjunileb' laj puub' jwal kaweb' rib' chi yalok, eb' li xninqaleb' ru winq ut eb' li xjolomileb' laj puub' re li awab'ej re Asiria, ut a'in kisutq'iik sa' xtenamit chi k'ajo' xxutaan ut naq kox'okaq sa' rochoch li xyos, aran ajwi' kikamsiik chi ch'iich' xb'aaneb' li ralal.

San Mateo 27:43

Kaw xch'ool rik'in li Yos. Chikole'q anaqwan, wi yaal naq narahe'k, xb'aan naq kixye: «Ralalin li Yos»”.

San Mateo 7:23

Toja' naq tinye reheb': «Maajun wa xinnaw eeru. Elenqex chiwu, ex aj b'aanuhom maa'usilal!».

Esdras 3:11

Ke'xterq'usi xk'ab'a' li Qaawa' ut ke'yoxink chiru; wankeb' ke'b'ichank ut wankeb' ke'xsume chi kama'in: “Xb'aan naq A'an jwal chaab'il, li xrahom wank chi junelik rik'ineb' laj Israel”. Ut chixjunil li tenamit chajchookeb' re chi xnimankil ru li Qaawa', xb'aan naq li Loq'laj Ochoch ak wank chik li rub'elankil.

2 Crónicas 32:11

Laj Esekías yo cheb'alaq'inkil rik'in xyeeb'al naq li Qaawa' leeYos taakoloq eere sa' ruq' li awab'ej re Asiria. Naxye chi jo'kan yal re naq texkamq xb'aan tz'okaak ut chaqi'eel.

2 Crónicas 32:8

Yal winqeb' li rochb'een chaq, a'ut li qochb'een laa'o a'an li Qaawa' li qaYos, re qatenq'ankil chi yalok”, chan laj Esekías. Q'axal ke'ajk xch'ooleb' li tenamit naq ke'rab'i li aatin kixye laj Esekías, awab'ej re Judá.

1 Crónicas 5:20

ab'an ke'xyaab'a xk'ab'a' li Yos sa' li yalok, k'ojk'o xch'ooleb' rik'in li Qaawa', ut A'in kitenq'ank reheb'. Jo'kan naq eb' laj Agarén rochb'eeneb' li neke'okenk chirixeb' ke't'ane'k sa' ruq'eb'.

Salmos 20:1

Re li xjolomileb' laj b'ichanel. Xsaalm laj David.

Salmos 37:39

Rik'in li Qaawa' nachalk chaq xkolb'aleb' li tiikeb' xch'ool: A'an li xkawub' xch'ooleb' naq wankeb' sa' rahilal.

Salmos 37:40

Li Qaawa' natenq'ank reheb' ut narisiheb' sa' rahilal; narisiheb' sa' ruq' laj maak ut naxkoleb', xb'aan naq rub'el roq neke'muhenk.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Jeremías 17:17

At Qaawa', minaaxib'esi laa'at, xb'aan naq nikinaakol sa' xhonalil li raaxiik'.

Jeremías 24:5

“Laa'in li Qaawa', xYos laj Israel, ninye chi jo'ka'in: Laa'in twusila ruheb' laj Judá, li kiwisiheb' sa' li na'ajej a'in re naq ke'k'ame'k sa' xtenamiteb' laj Kaldeha. Jo'qeb' chaab'il iig cho'q we.

Joel 3:16

Naq li Qaawa' naxjap chaq re chi aatinak aran Sión ut li xyaab' xkux na'ab'imank Jerusalén, na'eek'ank sa' xna'aj li choxach'och'. A'ut li Qaawa' a'an li xmuheelahom li xtenamit, li neke'xkol wi' rib'eb' laj Israel.

Sofonías 3:12

Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.

2 Crónicas 13:18

Jo'ka'in naq eb' laj Israel ke'kub'siik xwankil sa'eb' li kutan a'an ut eb' laj Judá ke'numtaak sa' xb'eeneb', xb'aan naq k'ojk'o xch'ooleb' rik'in li Qaawa', xYos eb' li xxe'toonil yuwa'eb'.

Salmos 9:10

Li Qaawa' naxk'aak'ale li rahob'tesinb'ileb', a'an li nak'aak'alenk reheb' sa' xq'ehil li rahilal.

Salmos 46:2

Li Yos a'an qasaqoonak ut qakawilal, yo'oon wank chi qatenq'ankil sa' xq'ehil li rahilal.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.