Nahum 1:5 - Q'eqchi Bible

⁵ Eb' li tzuul neke'eek'ank sa' xna'aj chiru A'an, ut eb' li b'ool neke'xsiksiki rib'eb'. Chixjunil li ruuchich'och' nahetlok chi rilb'al, ut neke'xiwak jo'k'ihaleb' li wankeb' chisa'.

Li Santil hu

⁵ Riqꞌuin lix nimal xcuanquil, nequeꞌecꞌan li tzu̱l saꞌ xnaꞌaj ut nequeꞌhaꞌoꞌ xban lix cuanquil. Na-ecꞌan li ruchichꞌochꞌ xban lix cuanquil ut chixjunileb li cuanqueb saꞌ ruchichꞌochꞌ nequeꞌxucuac.

Nahum 1:5 ပူးပေါင်းရင်းမြစ်များ

Miqueas 1:4

Te'uq'e'q eb' li tzuul rub'eleb' li roq, chanchanaqeb' li waakab' naq naha'o' chi xk'atq li xam; te'jachje'q eb' li taq'a jo' tawi' setb'ilaqeb' xb'aan xkawil oq junaq nima'.

Jeremías 4:24

Kiwil eb' li k'iche' ut kink'e reetal naq neke'heetank sa' li xna'ajeb'; chixjunileb' li tzuul neke'chiq'lok sa' xna'ajeb'.

2 Samuel 22:8

“Toja' naq xchiq'chiq'iik li ruuchich'och' ut xwank li hiik, xlaje'eek'asiik li choxa toj sa' xchamal xna'aj, a' li Yos x'eek'asink reheb' sa' xjosq'il.

Habacuc 3:10

Neke'siksotk eb' li k'iche' naq nakate'ril; chanchan li b'ut'iha' naq xchalk sa' choxa. Kaw x'eek'ank xyaab' li palaw, ut najt nataqe'k li xkaw oq.

Salmos 68:8

At qaYos, naq xak'am chaq xb'e laatenamit chi elk Ejiipt ut xatnume'k chaq sa' li chaqich'och',

Jueces 5:5

Kilaje'eek'ank eb' li tzuul chiru li Qaawa', ki'eek'ank li Sinaí chiru li Qaawa', xYos laj Israel.

Salmos 114:6

K'a'ut naq nekexpisk'ok, ex tzuul, chanchanex wi' li chib'aat? Ut laa'ex kok' b'ool, k'a'ut naq nekex'eek'ank chanchanex wi' li karneer?

Salmos 114:4

Eb' li tzuul ke'pisk'ok chanchaneb' li chib'aat, ut eb' li kok' b'ool chanchaneb' li karneer.

Salmos 98:7

Chipumb'aq xyaab' li palaw ut chixjunil li wank chisa', chi'eek'anq li ruuchich'och' ut chixjunileb' li wankatqeb' chiru.

Salmos 46:6

Li Qaawa' wank sa' xyi li xtenamit, maak'a' taa'eek'asinq re; li Yos natenq'ank re chalen naq nasaqewk.

Éxodo 19:18

Nab'uquqnak xsib'el li tzuul xb'aan naq li Qaawa' xkub'eek sa' xb'een a'an sa' xam. Nataqe'k xsib'el jo' xsib'el junaq oorn, ut chixjunil li tzuul nahich'lok chi q'axal kaw.

Apocalipsis 20:11

Chirix chik a'an kiwil jun li nimla saqi k'ojarib'aal jo' ajwi' li k'ojk'o sa' xb'een. Chiru a'an ki'elelik li choxa ut li ruuchich'och', ut ink'a' chik kitawmank na'ajej cho'q reheb'.

San Mateo 28:2

Tikto kiwank jun nimla hiik: jun x'ánjel li Qaawa' kikub'e chaq sa' choxa, kinach'ok wan wi' li muqleb'aal, kixtolk'osi li pek ut kik'ojlaak sa' xb'een.

San Mateo 27:51

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k.

Apocalipsis 6:14

Li choxa ki'isiik kama' nab'ote'k junaq hu, ut chixjunileb' li tzuul ut li na'ajej sutsuukeb' xb'aan li palaw kilaje'eek'asiik sa' xna'ajeb'.

Salmos 18:7

Sa' linrahilal xinyaab'a xk'ab'a' li Qaawa', xintz'aamank, xin'elajink chiru linYos, ut A'an toj sa' li xloq'laj na'aj xinrab'i: lix yaab' inkux xwulak toj rik'in.

Isaías 5:25

Jo'kan naq xchalk xjosq'il li Qaawa' sa' xb'een li xtenamit ut xk'eheb' chi xtojb'al li xmaakeb'. Xe'eek'anje'k li tzuul sa' li xna'ajeb' ut t'ant'ookeb' sa' b'e xe'kanaak eb' li kamenaq jo'keb' li mul. Ab'anan li Qaawa' toj maji' naraqe'k li xjosq'il, ut toj yo ajwi' chi rahob'tesink.

Isaías 24:1

Ilomaq, li Qaawa' ok re chi xsachb'al li ruuchich'och': tixyamtesi, tixchiq'le ru ut tixcha'cha'i chixjunileb' li poyanam.

Isaías 24:20

Taktotq aj chik li ruuchich'och' jo' junaq kalajenaq, ut taat'uyleeq jo' na'uxk re li ab'. K'ajo' raalal li maak sa' xb'een: taat'ane'q ut ink'a' chik taawakliiq.

Joel 2:10

Hich'lotq li ch'och' sa' xna'aj naq yooqeb' chi chalk eb' laj saak'; li choxa taachiq'chiq'iiq, li saq'e ut li po taaq'oqyino'q ru, ut taa'aak'ab'o'q ruheb' li chahim.

Zacarías 4:7

Anihat laa'at, at xnimal tzuul? Chiru laj Sorobabel chanchanaqat aj chik jun nimla taq'a, ut aran taarisi chaq li pek re rub'elankil li kab'l, naq japjo'qeb' re chixjunileb' chi xyeeb'al: K'ajo' xch'ina'usal, k'ajo' xch'ina'usal!, cha'qeb'»”.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Li xHu LAJ JOB 9:5

Naq li Yos najosq'o'k, naxjal xna'ajeb' li tzuul ut naxt'aneb' chi maajun naxk'e reetal.

Li xHu LAJ JOB 26:11

Naq naq'usuk li Qaawa', neke'eek'ank sa' xna'aj li roqechal li choxa.

Salmos 18:8

Toja' naq xchiq'chiq'iik li ruuchich'och' ut xwank li hiik, xlaje'eek'asiik li tzuul toj sa' xchamal xna'aj: a' li Yos x'eek'asink reheb' sa' li xjosq'il.

Salmos 104:32

Naq naril li ruuchich'och', k'ajo' naq nahich'len! Ka'ajwi' naxtoch'eb' li tzuul, ut nab'utz'utz'nak xsib'el.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Ezequiel 38:20

Eb' li kar sa' li palaw, eb' li xik'anel xul, eb' li josq' aj xul ut eb' li k'anti' siksootqeb' chiwu; jo'kanaqeb' ajwi' chixjunileb' li poyanam sa' li ruuchich'och'. Te'uq'je'q chaq eb' li tzuul, te'tolk'oqje'q chaq eb' li saqoonak ut te't'anje'q eb' li suttz'ak.

Amós 9:5

Li Qaawa', li Nimajwal Yos, naxtoch' li ruuchich'och', ut naha'o'k; chixjunileb' li poyanam neke'ok chi yaab'ak. Nataqe'k ut nasob'e'k li ch'och' jo' naq nab'ut'irk ut nakub'eek li nima' Nilo.