Nahum 1:4 - Q'eqchi Bible

⁴ Naxch'iila li palaw ut naxk'e chi chaqik; naxchaqihob'resi ajwi' eb' li nima'. Chiru li Qaawa' neke'tz'umak li xpimul Basán ut Karmeel, ut neke'chaqik eb' li uutz'u'uj re Líbano.

Li Santil hu

⁴ Nak naxye aꞌan nak ta̱chakik li palau, nachakic ajcuiꞌ. Ut naxqꞌueheb ajcuiꞌ chi chakic li nimaꞌ. Quixsach ru li cha̱bil pim li cuan aran Basán ut quixsach ru li acui̱mk li cuan saꞌ li tzu̱l Carmelo. Ut quixsach ajcuiꞌ ru li cha̱bil cheꞌ li cuan aran Líbano.

Nahum 1:4 ပူးပေါင်းရင်းမြစ်များ

Isaías 33:9

Ra rilb'al li ruuchich'och' naq yo chi oso'k ut chi tz'uyink. Xtz'umaak li tzuul Líbano ut xchaqik chi junajwa. Jo' chaqich'och' xkanaak li xtaq'ahil Sarón; Basán ut li tzuul Karmeel xe'chaqik ru.

Salmos 106:9

Kixq'us li Kaqi Palaw, ut a'an kichaqik; kixnumsi li xtenamit sa' xyi li ha' chanchan sa' chaqich'och'.

Isaías 51:10

Ma ink'a' tab'i' laa'at katchaqihob'resink re li palaw ut li nimla ha', ut kate jun li b'e sa' xchamal li palaw re naq ke'nume'k li kakoleb' chaq?

Isaías 44:27

Laa'in wank inwankil chi xyeeb'al re li palaw: «Chatchaqiq! Maak'a'aq chik ha' sa' laachamal!».

Salmos 114:5

K'aru xak'ul, at palaw, naq yookat chi elelik, k'a'ut naq nakatq'ajk chawix, at Jordán?

Salmos 114:3

Li palaw kiril ut ki'elelik, li nima' Jordán kiq'ajk chirix.

Salmos 104:7

Ab'an kaq'useb' li ha', ut ke'ok chi elelik; jun xikikeb' naq ke'rab'i xyaab' laakaaq.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

San Mateo 8:26

Ut a'an kixye reheb': —K'a'ut naq nekexxiwak laa'ex li jwal kach'in leepaab'aal? Toja' naq kiwakliik, kixq'us li iq' ut li palaw, ut ch'anaamil kikanaak.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Amós 1:2

Kixye chi jo'ka'in: “Toj Sión naxjap chaq re li Qaawa'; toj Jerusalén na'ab'iik li xyaab' xkux. Eb' li xna'ajeb' li ketomq xe'chaqikje'k, ut xjoxk'o'k ru li tzuul Karmeel”.

Ezequiel 30:12

Tink'eheb' chi chaqik li nima' Nilo ut tinq'axtesi Ejiipt sa' ruq'eb' li jalanil tenamit li ink'a' useb' xna'leb', re naq taasache'q a'an ut chixjunil li k'a'aq re ru wank chisa'. Laa'in, li Qaawa', xinyehok re a'in.

Li xHu LAJ JOB 38:11

Ut kinye re: “Toj arin xatwulak; arin te'xpik'a rib' laakaw oq”.

Génesis 8:1

Li Yos kixtoq'ob'a ru laj Noé jo'wi' chixjunileb' li xul re li k'iche' ut eb' li ketomq li wankeb' rochb'een sa' li jukub' kab'l. Ut kixtaqla jun li iq' sa' xb'een li ruuchich'och' ut kisaak li ha'.

Josué 3:16

li roq li ha' nachalk chaq taqe'q kixaqliik ut kixtuub' rib', nach' rik'in li tenamit Adám li wank chi xk'atq li tenamit Sartán; ut li ha' li naxik taq'a sa' li palaw re Arabá (Atz'aminb'il Palaw ajwi' nayeemank re), ink'a' chik naxik, kixjach b'an rib' rik'in li wank taqe'q. Toja' naq li tenamit ke'nume'k junpak'al, sa' xka'yab'aal Jerikó.

2 Samuel 22:16

Toja' naq xk'utunk xchamal li palaw, x'ilmank li rub'elankil li ruuchich'och' naq xatjosq'o'k, at Qaawa', rik'in xnimal aawapusihom.

Isaías 42:15

Ok we chi xsachb'aleb' li tzuul ut eb' li b'ool, chaqi tinkanab' chixjunil li xrax pimul; tinchaqihob'resi eb' li nima', ut joxk' ch'och' aj chik tinkanab'eb' li kaqnaab'.

Ezequiel 38:20

Eb' li kar sa' li palaw, eb' li xik'anel xul, eb' li josq' aj xul ut eb' li k'anti' siksootqeb' chiwu; jo'kanaqeb' ajwi' chixjunileb' li poyanam sa' li ruuchich'och'. Te'uq'je'q chaq eb' li tzuul, te'tolk'oqje'q chaq eb' li saqoonak ut te't'anje'q eb' li suttz'ak.

Salmos 18:16

Toja' naq xk'utunk xchamal li palaw, x'ilmank li rub'elankil li ruuchich'och' naq xatjosq'o'k, at Qaawa', rik'in xnimal aawapusihom.