Nahum 1:3 - Q'eqchi Bible

³ Li Qaawa' nab'ayk chi josq'o'k, ab'anan jwal nim li xwankil, ut junelik naxk'e chi xtojb'al xmaak li ani xmaakob'k. Nab'eek sa' li kaqsut-iq', ut eb' li choql a'aneb' li xpojtz'il li roq.

Li Santil hu

³ Li Ka̱cuaꞌ kꞌaxal nim xcuanquil ut kꞌaxal nim xcuyum. Ut naxqꞌue chixtojbal xma̱c li ani cuan xma̱c. Li Ka̱cuaꞌ kꞌaxal nim xcuanquil saꞌ xbe̱n li ca̱k-sut-ikꞌ ut li chok. Kꞌaxal nim xcuanquil chixba̱nunquil li cꞌaꞌru naraj aꞌan.

Nahum 1:3 ပူးပေါင်းရင်းမြစ်များ

Salmos 147:5

Q'axal nim xwankil li qaYos, k'ajo' naq kaw rib'; ink'a' naru xb'isb'al li xchamal li xna'leb'.

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Salmos 145:8

Li Qaawa' a'an aj uxtaan ut natoq'ob'ank u; nim li xkuyum ut numtajenaq li xrahom.

Salmos 104:3

ut kayiib' laamuheb'aal sa' xb'eeneb' li ha'. Kak'eheb' li choql cho'q aab'eleb'aal ch'iich', ut nakatb'eek sa' xb'een xxik'eb' li iq'.

Salmos 103:8

Li Qaawa' a'an chaab'il ut aj uxtaan, riil najosq'o'k ut numtajenaq xrahom.

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Zacarías 9:14

Li Qaawa' tixtenq'a li xtenamit ut jo'kaq li raq'kaaq naq tixkuti li ral xsimaj; A' li Yos taayaab'asinq li pur ut taaxik chi yalok sa' xyanq li kaqsut-iq' nachalk sa' li chaqich'och'.

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Li xHu LAJ JOB 9:4

Ani truuq tixkawu rib' chiru li Yos, ut us taa'elq chiru li xchoxahil na'leb' li Qaawa' jo'wi' chiru li xnimal xwankil?

Números 14:18

Li Qaawa' jwal timil najosq'o'k ut q'axal nim xchaab'ilal li xch'ool. Naxkuy li maa'usilal ut li q'etq'etil, us ta ink'a' naxkanab'eb' yal chi jo'kan li wankeb' xmaak, naxk'e b'an chi xtojb'al rix xmaak li yuwa'b'ej sa' xb'eeneb' li alal k'ajolb'ej toj sa' li rox ut xka xteepal riyajil li tenamit.

Apocalipsis 1:7

K'ehomaq reetal, we' chaq rochb'eeneb' li choql: chixjunil li xsa' uhej taa'iloq re, te'ril ajwi' eb' li ke'xeq'ok re; sa' xk'ab'a' a'an huyhutqeb' chixjunil li xteepaleb' li ruuchich'och'. Yaal ut jo'kan taak'ulmanq.

San Mateo 26:64

Kixye li Jesus re: —Hehe', laa'at xatyehok re. Ut laa'in ninye eere naq chalen anaqwan teeril li K'ajolb'ej k'ojk'ooq sa' xnim uq' li Nimajwal Yos, yooq chaq chi chalk sa' xb'eeneb' li choql sa' choxa.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Daniel 7:13

“Sa' ajwi' li q'oqyink a'an, sa' moy u, kiwil naq sa' choxa kikub'e chaq jun chanchan li winq: koho wan wi' li cheekel winq ut koxxaqliiq chiru.

Isaías 19:1

Xyehom li Qaawa' chirix Ejiipt: Ilomaq li Qaawa' naq xchalk sa' aanil sa' li tenamit Ejiipt, k'ojk'o chaq sa' xb'een jun li choql. Eb' li xyoseb' laj Ejiipt yo xxiweb' chiru li Qaawa', ut eb' laj Ejiipt neke'siksotk ajwi' chiru A'an.

Salmos 66:3

Yehomaq re li Yos: “Sachb'ach'oolej laab'aanuhom! Sa' xk'ab'a' xnimal aawankil, tule'wiq'laaq eb' li xik' neke'ilok aawe.

Salmos 62:11

Meekawub'resi eech'ool rik'in li rahob'tesink, miwank xnimal eeroyb'enihom rik'in li elq'ak; us ta taatamq leeb'ihomal, ab'an mixik eech'ool chirix a'an.

Li xHu LAJ JOB 38:1

Toja' naq li Qaawa' kixsume chaq laj Job sa' li kaqsut-iq' ut kixye re chi jo'ka'in:

Li xHu LAJ JOB 10:14

laa'at nakawil linb'aanuhom re xk'eeb'al reetal ma wank inmaak, ut chi jo'kan naru tinaak'e chi xtojb'al linmaak.

Joel 2:13

Meepej chik leeraq' ut tehomaq leech'ool chiwu. Sutq'inqex wi' chik rik'in li Qaawa' leeYos, xb'aan naq A'an aj uxtaan ut q'un xch'ool, ink'a' najosq'o'k chi junpaat ut q'axal narahok; jwal ra nareek'a xb'aanunkil li rahilal.

Salmos 50:3

We' chaq li qaYos, ut ink'a' taakanaaq chi ch'anch'o: k'amol b'e chaq chiru jun li xam k'ajo' xtiqwal, sutsu li Yos xb'aan jun xiwajel kaqsut-iq'.

2 Samuel 22:10

Li Qaawa' xsalab' li choxa ut xkub'e chaq chi wan chaq q'oqyinkil choql rub'el roq.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Oseas 8:7

Chanchan naq xex'awk sa' li iq', ut a' chik li kaqsut-iq' teetaw. Li k'aru xeraw, ink'a' taa'uuchinq; ut wi taa'uuchinq, jalaneb' chik te'yaloq xsahil.