Nahum 1:2 - Q'eqchi Bible

² Li Qaawa' a'an jun Yos aj sowen ut aj eeqajunel; na'eeqajunk ut k'ajo' li xjosq'il. Ink'a' nasachk sa' xch'ool li xmaakeb' li xik' neke'ilok re.

Li Santil hu

² Li Ka̱cuaꞌ naraj nak caꞌaj cuiꞌ aꞌan ta̱lokꞌoni̱k. Aꞌan naqꞌuehoc re̱kaj reheb li xicꞌ nequeꞌiloc re. Li Ka̱cuaꞌ Dios najoskꞌoꞌ saꞌ xbe̱neb li xicꞌ nequeꞌiloc re ut aꞌan naxqꞌue re̱kaj reheb li cꞌaꞌru nequeꞌxba̱nu.

Nahum 1:2 ပူးပေါင်းရင်းမြစ်များ

Zacarías 8:2

“Jo'ka'in naxye li Nimajwal Yos: K'ajo' naq naxamnak linch'ool xb'aan injosq'il chirix Sión; k'ajo' naq naxamnak li waanm!

Éxodo 20:5

“Maahupub' aawib' chiruheb' chi moko taaloq'oniheb' ru. Xb'aan naq laa'in li Qaawa' laaYos, laa'in jun Yos aj sowen: ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i li xik' neke'ilok we;

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.

Éxodo 34:14

“Maahupub' aawib' chiru jalan chik yos xb'aan naq «aj sowen» naxk'ab'a'in li Qaawa': a'an jun Yos aj sowen.

Josué 24:19

Ab'an laj Josué kixye reheb' li tenamit: “Laa'ex ink'a' texruuq chi k'anjelak chiru li Qaawa', xb'aan naq a'an santil Yos, a'an jun Yos aj sowen li ink'a' texkuy rik'in leeq'etq'etil chi moko tixkuy leemaak.

Hebreos 10:30

Xb'aan naq naqanaw ru li kiyehok: “We li eeqajunk; laa'in tink'e reheb' li xk'ulub'eb'”. Kixye ajwi': “Li Qaawa' taaraqoq aatin sa' xb'een li xtenamit”.

Isaías 42:13

Li Qaawa' taa'elq chaq jo' li q'axal kaw rib', tixjap chaq re jo' junaq aj puub'; chi k'ajo' xjosq'il taa'ok chi yalok ut tixq'ax ruheb' li xik' neke'ilok re.

Deuteronomio 4:24

xb'aan naq li Qaawa' leeYos a'an jun xam nasachok ut jun Yos aj sowen.

2 Pedro 2:9

Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Romanos 12:19

Ex was wiitz'in raarookex inb'aan, mex'eeqajunk, kanab'omaq b'an naq li Yos taaraqoq aatin, xb'aan naq tz'iib'anb'il sa' li Santil Hu: “We li eeqajunk; laa'in tinq'ajkamunq, chan li Qaawa'”.

Miqueas 5:15

Chirix chik a'an, rik'in linjosq'il tin'eeqajunq sa' xb'eeneb' li tenamit li ink'a' xe'ab'ink”.

Joel 2:18

Toja' naq li Qaawa' kiraho'k xch'ool chirix li xtenamit; kixtoq'ob'a ruheb' li ralal xk'ajol

Ezequiel 39:25

“Jo'kan naq laa'in, li Qaawa', ninye chi jo'ka'in: Anaqwan twuxtaana ru chixjunileb' laj Israel, eb' li ralal xk'ajol laj Jakob. Tink'ameb' chaq wi' chik sa' li xna'ajeb', re naq taaloq'onimaaq linsantil k'ab'a'.

Ezequiel 6:12

Li wanq chaq chi najt, taakamq xb'aan li raxkamk; li wanq chi nach' taakamq sa' li raaxiik'; ut eb' li te'kole'q, te'kamq xb'aan li we'ej naq taasutmanq rix li tenamit. Chi jo'kan twisi linjosq'il sa' xb'eeneb'.

Jeremías 4:4

Ex poyanam aj Judá ut aj Jerusalén, q'axtesihomaq eerib' re li Qaawa' Yos, ut k'ehomaq sa' leech'ool li reetalil linSumwank. Mare anchal taachalq injosq'il jo' li xam ut taa'ok chi sachok, chi maajun chik taaramoq re, xb'aan li k'iila maa'usilal nekeb'aanu.

Isaías 51:20

Eb' laawalal aak'ajol t'ant'ookeb' xe'kanaak sa'atqeb' li xaalib'e, jo'keb' li yuk naq xe't'ane'k sa' li ra'al; xe'lub'k xb'aan xjosq'il li Qaawa' naq xe'q'use'k xb'aan laaYos.

Isaías 51:17

Ajen, ajsi aawu, waklin, at Jerusalén! Laa'at li xat-uk'ak sa' xsek'ul li xjosq'il li Qaawa', jo' tawi' li na'uk'ak b'iin sa' junaq sek' toj reetal naxchoy ut nataktotk nakanaak.

Li xHu LAJ JOB 20:23

Naq yooq xb'utb'al rib' sa' meex, taachalq xjosq'il li Yos sa' xb'een: taarahob'tesiiq xb'aan xnimal xwankil li Qaawa'.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Romanos 13:4

xb'aan naq aj k'anjeleb' chiru li Yos re aatenq'ankil chi xb'aanunkil li us. Ab'an wi nakab'aanu li ink'a' us, chatxiwaq xb'aan naq moko maak'a' ta rajb'al naq wankeb' xjutz' ch'iich': aj k'anjeleb' chiru li Yos, aj q'ajkamuneleb' re xrahob'tesinkil li nab'aanunk re li ink'a' us.

Zacarías 1:14

Toja' naq li ánjel li yo chi aatinak wik'in kixye we: “Puktesi li esil a'in: Jo'ka'in naxye li Nimajwal Yos: «Q'axal naxamnak linch'ool chirix Jerusalén ut chirix Sión.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Ezequiel 38:18

“Laa'in, li Qaawa', ninye chi jo'ka'in: Sa' li kutan naq laj Gog taachalq chi xsachb'al ru Israel, k'ajo' naq tinjosq'o'q.

Ezequiel 36:6

“Sa' ink'ab'a' aatinaheb' laj Israel ut ye reheb' chi jo'ka'in: «Jo'ka'in xye li Qaawa' reheb' li tzuultaq'a, eb' li b'ool ut eb' li roq nima': Sa' xxamlel injosq'il yookin chi aatinak, xb'aan li hob'e'k xek'ul xb'aaneb' li jalanil tenamit.

Ezequiel 8:18

K'ajo' linjosq'il sa' xb'eeneb'! Ink'a' twil xtoq'ob'aal ruheb' chi moko tinkuy li xmaakeb'. Us ta te'xjap re chi xyaab'ankil link'ab'a', ab'an laa'in ink'a' twab'iheb'”, chan li Qaawa'.

Ezequiel 5:13

“Toja' naq twisi linjosq'il sa' xb'eeneb' ut tin'eeqajunq toj reetal taak'ojlaaq linch'ool. Ut naq akaq xwisi linjosq'il sa' xb'eeneb', te'xnaw naq laa'in, li Qaawa', xinb'aanu chi jo'kan xb'aan naq namayok li waanm.

Lamentaciones 4:11

Xnumtaak xjosq'il li Qaawa' sa' xb'een li ruuchich'och'; ut xtaqla chaq jun li xam sa' xb'een Sión toj reetal x'oso'k li rub'elankil li tenamit.

Jeremías 36:7

Mare chan naq te'xtz'aama xkuyb'al li xmaakeb' chiru li Qaawa' ut li junjunq tixkanab' xb'aanunkil li maa'usilal, xb'aan naq k'ajo' xjosq'il li Qaawa' sa' xb'een li tenamit a'in”.

Jeremías 25:15

Li Qaawa', li xYos laj Israel, kixye we: “K'ul li sek' a'in, nujenaq chi b'iin, reetalil linjosq'il, ut k'e chi ruk'eb' chixjunileb' li tenamit b'arwi' tatintaqla.

Jeremías 3:5

ma toj yooq tab'i' junelik laajosq'il sa' inb'een? Ma tik maajoq'e toxraqe'q laajosq'il?», chankat. Jo'ka'in xaye ut, chirix a'an, xab'aanu chixjunil li maa'usilal li xk'e rib' chawu”.

Isaías 66:15

Xb'aan naq li Qaawa' taak'ulunq chaq sa' li xam; jo' li kaqsut-iq' naq te'chalq eb' li xb'eleb'aal ch'iich'. Ut sa' junpaat trisi li xnimal xjosq'il ut taarahob'tesinq jo' naq nasachok li xam.

Deuteronomio 7:10

Ab'anan naxrahob'tesiheb' sa' li xjunxaqalileb' li xik' neke'ilok re, ut chi junpaat naxsacheb' ru. Maak'a' xkuyum rik'in li natz'eqtaanank re, ut naxk'e chi xtojb'al rix li xmaak.

Jeremías 28:8

Eb' li propeet li ke'wank chaq junxil, naq toj maji' nokooyo'laak chaq laa'o, ke'xye chaq resil li raaxiik', li we'ej ut li raxkamk taawanq sa' naab'aleb' chi tenamit ut xninqal awab'ejihom.

Ezequiel 38:19

Sa' xxamlel linjosq'il ninye li waatin naq taawanq jun nimla hiik sa' xteepal Israel chiruheb' li kutan a'an.

Éxodo 34:7

Xaqxo linrahom chiru k'iila o'q'ob' chihab' ut ninkuy li maa'usilal, li q'etq'etil ut li maak; ab'an ink'a' ninkanab'eb' laj maak chi maak'a' ta xtojb'aleb' rix li xb'aanuhom, ut ninteneb' li xmaak li na'b'ej yuwa'b'ej sa' xb'eeneb' li ralal xk'ajol, sa' xb'eeneb' li ri xmam ut li xxikin i”.

Números 25:11

“Laj Pinjás, ralal laj Elehasar ut ri laj Aharón laj tij, xraq linjosq'il sa' xb'eeneb' laj Israel, xb'aan naq sa' eeyanq laa'ex a'an li tz'aqal xinxra. Jo'kan naq ink'a' xinchoy xkamsinkileb' laj Israel naq yo linjosq'il sa' xb'eeneb'.

Jeremías 50:15

Japomaq eere chi xsutam li tenamit. Babilonia ok re chi xq'axtesinkil rib' sa' eeruq': xe't'anje'k li najt xteramil ochoch ut x'uq'e'k li xsuttz'akil. A'an li eeqajunk xinb'aanu laa'in; eeqajunqex ajwi' laa'ex sa' xb'een! B'aanuhomaq re jo' li xb'aanu a'an eere.