Nahum 1:10 - Q'eqchi Bible

¹⁰ xb'aan naq eb' li xik' neke'ilok re, te'oso'q chi junajwa chanchaneb' li k'ix xchapomeb' rib'; jo'qeb' li chaqi k'im naq te'k'ate'q, ut k'ajo'eb' chi kalaak sa' xninq'eheb'.

Li Santil hu

¹⁰ Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Nahum 1:10 ပူးပေါင်းရင်းမြစ်များ

Miqueas 7:4

Li jwal chaab'il sa' xyanqeb', a'an chanchan li k'ix; ut li tiik xch'ool, a'an chanchan li pajl. Ab'anan chalk re li raqok aatin, a' li kutan yeeb'il aawe xb'aaneb' li propeet. Toja' naq te'sachq xna'leb' chixjunileb'.

Malaquías 4:1

Xyehom li Nimajwal Yos: “Chalk re li xnimal ru Kutan, q'axal tiq ru, jo' li tiqwal xam. Chixjunileb' li q'etq'et ut eb' laj b'aanuhom maa'usilal te'k'atq jo' li k'im; ut te'oso'q chi junwaakaj sa' li Kutan chalk re.

Nahum 3:11

Chanchan tatkalaaq naq te'xsach aana'leb'; laa'at taamuq aawib' ut taayal xsik'b'al b'ar taakol aawib' chiruheb' li xik' neke'ilok aawe.

Isaías 9:18

Xb'aan naq xnumtaak li maa'usilal, jo' li xam naxk'at li k'ix ut li chaqipim; nachoqleek li k'iche' xb'aan ut nab'utz'utz'nak li xsib'el chi elk.

Isaías 5:24

Jo' naq li xam naxk'at li k'im ut na'oso'k li k'ix xb'aan li raq'xam, jo'kan ajwi' naq tex'oso'q laa'ex, jo' li che' xq'aak li xxe' ut li ratz'um xhame'k kama' li pojtz'. Xb'aan naq xetz'eqtaana li xchaq'rab' li Qaawa' ut li raatin li Nimajwal Yos, li xSant laj Israel.

Jeremías 51:57

Li Qaawa', li xnimal ru Awab'ej, xyehom chi jo'ka'in: “Tinkaltesiheb' li xninqal ru winq jo' ajwi' eb' li wankeb' xna'leb' aran Babilonia, eb' li xjolomileb' li tenamit, eb' laj raqol aatin ut eb' laj puub'. Te'warq chi junwaakaj ut ink'a' chik te'ajq ruheb' -chan li Qaawa'-.

Jeremías 51:39

Naq taachaqiq reheb', tink'e li ruk'a'eb' re naq tsaho'q sa' xch'ooleb'; tinkaltesiheb' re naq taasachq li xna'leb'eb', te'warq chi junajwa ut ink'a' chik taa'ajq ruheb' -chan li Qaawa'-.

Isaías 27:4

Ink'a' chik yo injosq'il rik'in. Wi ta wank li k'ix jo'wi' li pim sa' xyanq, laa'in teb'insach raj ut teb'ink'at chi junpaat jo' na'uxk re li k'im.

Salmos 68:2

Li Qaawa' naxaqliik ut eb' li xik' neke'ilok re neke'xcha'cha'i rib'eb'; eb' li neke'tz'eqtaanank re neke'elelikje'k chiru.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

1 Samuel 25:36

Naq lix Abigahil kiwulak sa' rochoch, kixtaw li xb'eelom chi ninq'ehik: k'ajo' li sahil ch'oolej aran, jo' li na'uxmank sa' xninq'e junaq awab'ej. Sa sa' xch'ool laj Nabal ut taakalaaq; jo'kan naq maak'a' kiyehe'k re toj sa' li kutan jun chik.

Salmos 118:12

Xine'xsut chanchaneb' li ch'ub'; chanchaneb' xam sa' li k'ix naq xine'xsach raj, ab'an xinyoolesiheb' sa' xk'ab'a' li Qaawa'.

Isaías 47:14

K'e reetal, kama'eb' li k'im naq te'oso'q chixjunileb'; li xam taasachoq reheb', ut ink'a' te'ruhanq chi xkolb'aleb' rib' chiru xtiqwal li xam. Xb'aan naq a'an maawa' xam re k'uub'ank tzekemq chi moko ru xam naruuk wi' q'ixink.

Isaías 56:12

Eb' a'an neke'xye: “Yo'qeb' chi sik'ok b'iin jo'wi' li ha' nakaltesink, re naq tookalaaq. Xb'aan naq li kutan wulaj kama'aq anaqwan; malaj jwal chaab'ilaq chik”, chankeb'.

Éxodo 5:12

Toja' naq li tenamit ke'xjek'atq rib' sa' xsutam Ejiipt chi xsik'b'al yal pim jo' reeqaj li k'im.

Éxodo 15:7

Rik'in xnimal aaloq'al nakasacheb' li neke'xyal xnimob'resinkil rib' chawu; nakak'ut laajosq'il, ut chanchaneb' li k'im sa' xam naq neke'oso'k.