Miqueas 7:9 - Q'eqchi Bible

⁹ Tinkuy li xjosq'il li Qaawa' xb'aan naq xinmaakob'k chiru: toj taaraqoq aatin chiwix ut taaril xtoq'ob'aal wu. Li Qaawa' taa'isinq we sa' li aak'ab' re toxwil linkolb'al xb'aan.

Li Santil hu

⁹ Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.

Miqueas 7:9 ပူးပေါင်းရင်းမြစ်များ

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Salmos 37:6

tixk'e chi kutano'k li xtiikilal laawaanm jo' naq nasaqewk, taalemtz'unq li xchaab'ilal laayu'am jo' naq nawa'leb'o'k.

1 Samuel 24:15

A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

2 Timoteo 4:8

Ut chalen anaqwan ak yo chi woyb'eninkil linmaatan li tinxq'ajkamu wi' li Qaawa' sa' li Kutan a'an, li tiik xch'ool chi raqok aatin; ut moko ka'aj ta wi' laa'in, jo'kaneb' aj b'an wi' chixjunileb' li neke'xyo'oni li xnimal xk'ulunik chi anchaleb' xch'ool.

Malaquías 3:18

Toja' naq laa'ex teenaw wi' chik b'ar wank li tiik xch'ool ut li ink'a' us xna'leb', li nak'anjelak chiru li Yos ut li ink'a' napaab'ank chiru”.

Apocalipsis 18:20

Chatsaho'q xb'aan a'an, at choxa. Chisaho'q sa' eech'ool, ex sant, apóstol ut propeet, xb'aan naq rik'in xteneb'ankil li tojb'amaak sa' xb'een, li Yos xraqok aatin sa' tiikilal.

Isaías 46:13

Chi seeb' tinchalq chekolb'al; ak xnach'ok chaq li kolb'a ib', moko taab'ayq ta chaq. Tinyeechi'i arin Sión li kolb'a ib' cho'q re laj Israel li nintaw wi' linloq'al.

Salmos 7:6

chinraanilasiiq li xik' na'ilok we, chinxchapaq, chinxyeq'iiq sa' ch'och' ut chixtolk'osi sa' pojtz' linloq'al.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

2 Samuel 24:17

Naq laj David kiril li ánjel yo chi xrahob'tesinkil li tenamit, kixye re li Qaawa': “Laa'in li xinmaakob'k, laa'in xinb'aanu li ink'a' us! A'ut li tenamit a'in, eb' li karneer a'in, maak'a'eb' xmaak. Nintz'aama chawu, at Qaawa', naq taataqla chaq li rahilal sa' inb'een ut sa' xb'een linjunkab'al”.

1 Samuel 26:10

Ut kixye wi' chik: “Sa' xk'ab'a' li yo'yookil Yos ninye aawe naq a' li Qaawa' taak'ehoq re chi kamk. Naq taawulaq xkutankil li xkamik malaj naq yooq li yalok, laj Saúl taakamq.

1 Samuel 25:39

Naq laj David kirab'i resil li xkamik laj Nabal, kixye: “Usilaatinanb'il taxaq li Qaawa' li xtenq'ank we naq xinhob'e'k xb'aan laj Nabal. Li Yos xkolok we chiru xb'aanunkil li ink'a' us ut xk'e reeqaj li xmaa'usilal laj Nabal”. Moqon chik laj David kixtaqlaheb' aj esil chi xyeeb'al re lix Abigahil ma traj wank cho'q rixaqil.

1 Samuel 3:18

Toja' naq laj Samuel kixseeraq'i re chixjunil chi maak'a' kixmuq, ut laj Elí kixye: “A'an li Qaawa'. Chixb'aanuuq li k'aru us chiru”.

Levítico 26:41

Jo'kan ajwi' laa'in tinxaqab' wib' chiruheb' ut tink'ameb' sa' xtenamiteb' li xik' neke'ilok reheb': aran taakub'eeq xwankil li xch'ooleb' ink'a' xk'ulumeb' li sirkunsisyon ut te'xtoj rix li xmaakeb'.

Lamentaciones 1:18

Us xb'aanu li Qaawa', xb'aan naq laa'in ink'a' xwaj xpaab'ankil li xchaq'rab'. Ab'ihomaqin chejunilex, ex tenamit, ut ilomaq li rahilal wankin wi'. Chixjunileb' li toj saajeb', jo' winq jo' ixq, xe'chape'k ut xe'k'ame'k chi preexil.

Salmos 94:15

Taaraqmanq wi' chik aatin sa' tiikilal, ut chixjunileb' li tiikeb' xch'ool te'saho'q rik'in li yaal.

Salmos 119:154

Aatinan chiwix ut chinaatenq'a; chak'e taxaq inyu'am jo' xayeechi'i we.

Isaías 42:7

re xteeb'al xsa' ruheb' li mutz', re rach'ab'ankileb' li wankeb' sa' tz'alam ut re risinkileb' chi tz'apam li wankeb' sa' li aak'ab'.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.

Isaías 56:1

Li Qaawa' kixye chi jo'ka'in: “Junelik wanqex sa' tiikilal ut b'aanuhomaq li us, xb'aan naq nach' chik wank linkolb'a ib' ut ok re chi k'utunk li xtiikilal linch'ool.

Jeremías 10:19

Jwal toq'ob' wu, q'axal ra wankin ut maak'a' xb'anol linrahilal. Sa' inch'ool laa'in naq ink'a' nim linrahilal ut moko ch'a'aj ta xkuyb'al li xmay.

Jeremías 51:10

Li Qaawa' xk'ut naq naraqok aatin sa' tiikilal. Kimqex arin Sión ut qapuktesiiq resil li k'aru xb'aanu li Qaawa' li qaYos.

Li xHu LAJ JOB 35:14

Us ta nakaye naq ink'a' nakawil ru li Yos, oyb'eni wan, xb'aan naq wank aajitom chiru.

Isaías 51:22

Jo'ka'in kixye li Qaawa', laaYos, laj kolol re laatenamit: “Twisi sa' laawuq' li xsek'ul li rahilal, li xsek'ul linjosq'il li xatkalaak wi'; ink'a' chik taawuk' xsa'.

Jeremías 14:7

At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.