Miqueas 7:8 - Q'eqchi Bible

⁸ Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

Li Santil hu

⁸ La̱ex, li xicꞌ nequex-iloc ke, misahoꞌ e̱chꞌo̱l chikilbal nak yo̱co chixcꞌulbal li raylal. Usta totꞌanekꞌ, abanan la̱o tocuacli̱k cuiꞌchic. Usta chanchan nak cua̱nko saꞌ kꞌojyi̱n xban li ma̱c, abanan li Dios tixcutanobresi cuiꞌchic li kabe.

Miqueas 7:8 ပူးပေါင်းရင်းမြစ်များ

San Juan 8:12

Li Jesus kiraatinaheb' wi' chik li tenamit ut kixye reheb': —Laa'in li xsaqenk li ruuchich'och'. Li taataaqenq we, ink'a' taab'eeq sa' li aak'ab', wanq b'an li xsaqenk li yu'am rik'in.

Isaías 9:2

Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Salmos 112:4

Xkutano'k li aak'ab' sa' xb'eeneb' li tiikeb' ru xyu'am, sa' xb'eeneb' li tuulan, laj uxtaan ut li tiikeb' xch'ool.

Salmos 27:1

Xsaalm laj David. Li Qaawa' a'an linkutan saqenk ut laj kolol we: ani tinxiwa ru? Li Qaawa' a'an li xkawilal linyu'am: k'a' naq siksootqin?

Abdías 1:12

Ink'a' raj xsaho'k laach'ool chirix li xrahilal laawiitz'in. Ink'a' ajwi' xsaho'k raj laawaanm chirix li roso'jik laj Judá, chi moko xase'e raj sa' xkutankil li raaxiik'.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

Salmos 38:16

Aawik'in, at Qaawa', wank li woyb'enihom; laa'at taasume linpatz'om, at Qaawa', at inYos.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Li xHu LAJ JOB 31:29

Ink'a' xsaho'k inch'ool rik'in xrahilal li xik' na'ilok we, chi moko rik'in rilb'al naq wank sa' ch'a'ajkilal.

Salmos 97:11

A'an naxtaqla chaq li saqenk ut li sahil ch'oolej cho'q reheb' li tiikeb' xch'ool ut neke'wank sa' xyaalal.

Ezequiel 35:15

Jo' naq xsaho'k laach'ool naq xsache'k ru li na'ajej reechanihom laj Israel, jo'kan ajwi' tinb'aanu aawe: joxk' ch'och' tatinkanab', at tzuul Seír, at xteepal Edom. Toja' naq taanawmanq naq laa'in li Qaawa'».

Salmos 35:19

Minse'ek taxaq xb'aan xmemileb' li xik' neke'ilok we; mine'xmutz'uuchin taxaq eb' li neke'tz'eqtaanank we chi maak'a' xyaalal.

San Juan 16:20

Relik chi yaal ninye eere: texhuyhutq chi yaab'ak ut li ruuchich'och' taasaho'q sa' xch'ool. Laa'ex taarahoq leech'ool, ab'an li xrahil eech'ool taasutq'iiq cho'q sahil ch'oolej.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Miqueas 7:10

Li xik' na'ilok we taaril a'an; taaril ut taakanaaq sa' xutaan. Ut li xyehok we junxil: “B'ar wank li Qaawa' laaYos?”, anaqwan taasaho'q linch'ool chi rilb'al naq taayeq'iiq sa' oqej jo' xsululel li b'e.

Ezequiel 25:6

«Laa'in, li Qaawa', ninye chi jo'ka'in: Laa'ex xepoq'poq'i leeruq', xexpisk'ok xb'aan xsahil leech'ool ut k'ajo' naq xetz'eqtaanaheb' laj Israel.

Hechos 26:18

re xteeb'al xsa' ruheb', re naq te'xkanab' li aak'ab' ut te'ok sa' li saqenk, te'elq rub'el xwankil laj tza ut te'xq'axtesi rib' sa' ruq' li Yos; ut rik'in inpaab'ankil te'xk'ul xkuyb'al xsachb'al li xmaakeb' jo' ajwi' te'xtaw xna'ajeb' sa' xyanqeb' li santob'resinb'ileb'».

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

San Mateo 4:16

Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Jeremías 50:11

“Ex aj Kaldeha li xechoyatq xsa' lintenamit, jwal xsaho'k leech'ool ut xexninq'ehik. Xexpisk'ok jo'eb' li saaj wakax sa' li pach'aya', ut chanchanex li kawaay naq xejap eere.

Isaías 49:9

re xyeeb'al reheb' li wankeb' sa' tz'alam: «Elenqex chaq», ut li wankeb' chaq sa' aak'ab': «K'utomaq eerib'». Sa' chixjunileb' li b'e te'xtaw chaab'il pach'aya' jo'wi' xwaheb' li ketomq chiru chixjunileb' li tzuul.

Isaías 2:5

Ex ralal xk'ajol laj Jakob, waklinqex ut b'eeqo sa' xkutan saqenk li Qaawa' Yos.

Salmos 37:24

Us ta taatichk'oq, ab'an ink'a' taat'ane'q, xb'aan naq ch'iloninb'il xb'aan li Qaawa'.

Salmos 37:21

Li ink'a' us xna'leb' nato'onink ut ink'a' chik naxk'e reeqaj li xto'; a'ut li tiik xch'ool a'an aj uxtaan ut nasihink chi anchal li raanm.

Apocalipsis 21:23

Li tenamit ink'a' chik naraj ru taakutanob'resiiq xb'aan li saq'e chi moko xb'aan li po, xb'aan naq nakutanob'resiik xb'aan li xnimal xloq'al li Yos, ut li Karneer a'an li xsaqenk.

Isaías 50:10

Ani sa' eeyanq naxiwank re li Qaawa', chirab'iiq xyaab' xkux laj K'anjel chiru. Wi nekexb'eek sa' li aak'ab' b'arwi' maajun li saqenk, kawaq eech'ool rik'in li Qaawa' ut chekuutuuq eerib' rik'in leeYos.

2 Corintios 4:9

nokoosik'e'k xb'aaneb' li xik' neke'ilok qe, ab'an moko kanajenaqo ta qajunes; neke'numtaak sa' qab'een, ab'an ink'a' nokoohe'xsach.

Salmos 20:8

Wankeb' li kaweb' xch'ool rik'ineb' li xb'eleb'aal ch'iich', wankeb' chik rik'ineb' li xkawaay; a'ut laa'o k'ojk'o li qach'ool rik'in li Qaawa' li qaYos.

Jeremías 8:4

“At Jeremías, aatinaheb' li tenamit sa' ink'ab'a' chi jo'ka'in: «Wi nat'ane'k junaq poyanam, nawakliik wi' chik; wi nasachk sa' li xb'e, ma ink'a' tab'i' taasutq'iiq sa' li xna'aj?

Jeremías 48:27

Ex aj Mohab, ma ink'a' tab'i' xese'eb' laj Israel? Rajlal naq nekex'aatinak chirixeb', nekeb'anb'ani leejolom, jo'keb' tawi' aj elq'.

Ezequiel 36:5

Jo'ka'in xye li Qaawa': Sa' xxamlel injosq'il twaatinaheb' li tenamit junch'ol, ut q'axal wi' chik rik'ineb' laj Edom, xb'aan naq chi k'ajo' xsahilaleb' xch'ool xe'reechani linna'aj ut xe'relq'a chixjunil li k'a'aq re ru wank chisa'».

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.

Zacarías 12:8

Sa' li kutan a'an tintenq'aheb' li wankeb' Jerusalén: li jwal lub'lub'eb' sa' xyanqeb', q'axal kawaqeb' chik rib' jo' laj David; ut eb' li ralal xk'ajol laj David, chanchanaqeb' li Yos, jo'kaqeb' li x'ánjel li Qaawa' chi k'amok b'e chiruheb'.

Salmos 143:3

Li xik' na'ilok we naraj inkamsinkil, xinxt'an sa' ch'och' ut yo chinyeq'inkil; xinxk'e chi wank sa' aak'ab' kama' wi' li kamenaqin chi junajwa.