Miqueas 7:3 - Q'eqchi Bible

³ K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Li Santil hu

³ Se̱beb xchꞌo̱l chixba̱nunquil li incꞌaꞌ us. Li nataklan saꞌ xbe̱neb li tenamit naraj nak ta̱qꞌuehekꞌ xtumin. Ut laj rakol a̱tin natumina̱c ru nak narakoc a̱tin. Li ani cuan xcuanquil naxye reheb cꞌaꞌru naraj ut chixjunileb nequeꞌxcꞌu̱b ru chanru nak teꞌxba̱nu li incꞌaꞌ us.

Miqueas 7:3 ပူးပေါင်းရင်းမြစ်များ

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

San Mateo 26:15

“K'aru teeraj xk'eeb'al we ut laa'in tinq'axtesi li Jesus eere?”, chan reheb'. Eb' a'an ke'xsume xk'eeb'al lajeeb' xka'k'aal chi tumin plaat re.

Oseas 4:18

Xb'aan li kalaak chixjunileb' neke'raj xmuxb'al rib' ut ink'a' chik neke'xkol rix li xloq'aleb': a' chik li Tz'i'b'eetal nawulak chiruheb'.

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.

Ezequiel 22:6

Wankeb' aawik'in eb' li xjolomileb' laj Israel, ut junes kamsink ras riitz'in neke'xb'aanu, a' yaal chanru li xwankileb'.

Jeremías 3:5

ma toj yooq tab'i' junelik laajosq'il sa' inb'een? Ma tik maajoq'e toxraqe'q laajosq'il?», chankat. Jo'ka'in xaye ut, chirix a'an, xab'aanu chixjunil li maa'usilal li xk'e rib' chawu”.

Isaías 26:21

Xb'aan naq elk re li Qaawa' sa' li xmuheb'aal re eeqajunk chirix li maa'usilal li xe'xb'aanu chixjunileb' li poyanam sa' ruuchich'och'; li ch'och' taarisi chaq chi kutankil li xkik'eleb' li xe'kamsiik, ut ink'a' chik tixmuq li kamsink xb'aanuhatq.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 17:23

Li ink'a' us xna'leb' nak'uluk tumin sa' muqmu, re naq ink'a' taawanq li tiikilal.

Isaías 3:5

Li junjunq taaraj numtaak sa' xb'een li ras riitz'in: li saaj winq tixq'etq'eti rib' chiru li cheekel winq ut laj k'anjel tixpleeti li xnimal ru winq.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Oseas 7:3

Rik'in li maa'usilal ut li b'alaq'ik neke'xb'aanu neke'xsahob'resi xch'ooleb' li awab'ej ut li ninqeb' xwankil.

Miqueas 2:8

Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.

Miqueas 3:2

Ab'anan laa'ex neketz'eqtaana li us, ut a' chik li maa'usilal nekera; nekerahob'tesiheb' lintenamit toj chiru li xb'aqeleb'.

Proverbios 16:30

Li naxmutz' li ru, yo xk'uub'ankil li ink'a' us; ut li naxk'ux li xtz'uumal re, a'an ak xb'aanu li maa'usilal.

Jeremías 4:22

“Maak'a' xna'leb' lintenamit, ink'a' naxnaw wu -chan li Qaawa'-. Jipeb' ut maak'a' xk'a'uxeb'. K'ajo' xna'leb'eb' chi b'aanunk maa'usilal, ab'an maak'a' neke'xnaw chirix li chaab'ilal”.

Ezequiel 34:21

Laa'ex xetiikisihatq li ink'a' neke'xkuy b'eek ut xetiq'eb' chiru leexukub', toj reetal xeraanilasiheb' chi najt.