Miqueas 7:18 - Q'eqchi Bible

¹⁸ Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Li Santil hu

¹⁸ Ma̱ jun chic li Dios cuan. Caꞌaj cuiꞌ la̱at. La̱at nacatcuyuc ma̱c ut nasach saꞌ a̱chꞌo̱l lix ma̱queb la̱ tenamit Israel, li joꞌ qꞌuial chic li incꞌaꞌ queꞌsacheꞌ. La̱at incꞌaꞌ nacatjoskꞌoꞌ chi junaj cua. Nasahoꞌ ban saꞌ a̱chꞌo̱l chi uxta̱na̱nc u.

Miqueas 7:18 ပူးပေါင်းရင်းမြစ်များ

Isaías 43:25

Ab'an laa'in xinkuy chixjunil laamaak ut ink'a' chik xink'e sa' inch'ool laamaa'usilal, xb'aan naq Yosin.

Isaías 44:22

Laa'in xinkuy laaq'etq'etil ut xinsach laamaak jo' naq nasachk li choql ut li mayuus. Sutq'in chaq wik'in xb'aan naq laa'in xinkolok aawe.

Jeremías 50:20

Chiruheb' li kutan a'an maak'a'aq chik xmaakeb' laj Israel ut laj Judá, xb'aan naq laa'in twil xtoq'ob'aal ruheb' li jo'k'ihal xe'kole'k”, chan li Qaawa'.

Jeremías 32:41

Taasaho'q li waanm chi xb'aanunkil li usilal reheb', ut tink'eheb' chi na'ajunk chi junwaakaj sa' li na'ajej a'in, chi anchal linch'ool ut chi anchal li waanm”.

Jeremías 3:12

Ayu sa' xjayal releb'l iq' ut ye li esilal a'in: «Xyehom li Qaawa': Sutq'in chaq wik'in, a Israel, aj q'etolat aatin. Ink'a' chik yo injosq'il sa' aab'een chi moko xik' chik nakatwil, xb'aan naq q'axal chaab'il linch'ool -chan li Qaawa'-.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Salmos 89:8

Xiwajel ru li Yos sa' xch'utameb' li ánjel, jwal nim xwankil chiruheb' li jo'k'ihal wankeb' chi xk'atq.

Salmos 86:15

Ab'an laa'at, at Qaawa', laa'at jun Yos aj uxtaan ut chaab'ilat, ink'a' nakatjosq'o'k sa' junpaat, numtajenaq b'an laarahom ut li xtiikilal laach'ool:

Salmos 65:3

xb'aan naq laa'at nakawab'i li qatij. Chak'atq laa'at neke'jilok chixjunileb' li xe'tawak sa' li maak.

Salmos 89:6

At Qaawa', li choxa naxnima aawu xb'aan laasachb'ach'oolej, ut li xch'utameb' li ánjel naxye resil li xtiikilal laach'ool.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

1 Reyes 8:23

ut kixye: “At Qaawa', xYos laj Israel, maak'a' chik junaq Yos jo' laa'at taqe'q sa' choxa, chi moko taq'a sa' ruuchich'och'. Laa'at tiik aach'ool chirix laaSumwank ut chaab'ilat rik'ineb' laj k'anjel chawu li nakate'xpaab' chi anchaleb' xch'ool.

Deuteronomio 33:26

“Maajun junaq jo' li xYos laj Yesurún, li nab'eek sa' xb'eeneb' li choql re aatenq'ankil, sa' xb'een li choxa rik'in xnimal xwankil.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

Sofonías 3:17

Li Qaawa' laaYos wank aawik'in: A'an q'axal nim xwankil ut tatxkol. K'ajo' naq tsaho'q xch'ool sa' laak'ab'a'! Rik'in li xrahom tix'ak'ob'resi laayu'am, ut taab'ichanq xb'aan xsahil xch'ool

Miqueas 7:14

At Qaawa', chawil taxaq laatenamit rik'in laawankil, chab'eresiheb' laakarneer sik'b'ileb' ru aab'aan, li wankeb' xjunes sa' li k'iche' ut sutsuukeb' sa' xq'emal li ch'och'. K'ameb' chi ichajib'k sa' xteepal Basán ut Galahad, jo' naq ke'wank chaq junxil.

Jonás 4:2

Jo'kan naq kitijok chiru li Yos: “At Qaawa', a'in tz'aqal li xink'oxla, naq toj wankin chaq sa' lintenamit. Jo'kan naq xwaj elelik chi junpaat toj Tarsis, xb'aan naq ninnaw naq laa'at jun Yos q'axal tuulanat, aj uxtaanat, nim aakuyum ut jwal chaab'ilat. Junelik kawal wankat chi xjalb'al laak'a'uxl ut ink'a' nakataqla li rahilal li xak'oxla xb'aanunkil.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Daniel 9:9

At Qaawa', at qaYos, laa'at aj uxtaanat ut nakatoq'ob'a qu, us ta xqaq'etq'eti qib' chawu

Jeremías 3:5

ma toj yooq tab'i' junelik laajosq'il sa' inb'een? Ma tik maajoq'e toxraqe'q laajosq'il?», chankat. Jo'ka'in xaye ut, chirix a'an, xab'aanu chixjunil li maa'usilal li xk'e rib' chawu”.

Isaías 65:19

“Laa'in sahaq inch'ool rik'in Jerusalén, ut lintenamit tixk'e xnimal xsahil li waanm. Ink'a' chik taa'ab'iiq aran li yaab'ak chi moko li q'oqonk.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Isaías 1:18

“Kimqex ut aatinanqo -chan li Qaawa'-. Us ta kaqeb' leemaak kama' li kik' ut li kaqi b'on, ab'an saq chik te'kanaaq jo' li tuuxil isb' ut li ratz'amke.

Salmos 130:4

Ab'an laa'at nakakuy nakasach li qamaak, jo'kan naq aak'ulub' naq tatqoxloq'i.

Salmos 71:19

At inYos, li xtiikilal laach'ool nawulak toj sa' choxa; k'ajo' xnimal li sachb'ach'oolej xab'aanu. Ani ta chik junaq kama' laa'at?

Nehemías 9:17

Ink'a' ke'raj paab'ank chi moko xjultikankil eb' li sachb'ach'oolej kab'aanu sa' xyanqeb'; ke'xkawub'resi b'an xch'ooleb' ut ke'xxaqab' jun aj k'amol b'e re te'sutq'iiq wi' chik Ejiipt sa' li munil. Ab'anan laa'at li Yos aj kuyul maak, chaab'il laach'ool ut aj uxtaanat; ink'a' nakatjosq'o'k sa' junpaat ut k'ajo' laarahom. Ink'a' kakanab'eb' xjunes.

Éxodo 34:9

“At Qaawa', at inYos, wi relik chi yaal naq usilal xintaw chawu, chalqat qik'in, us ta laa'o jun tenamit kaw qajolom -chan laj Moisés-. Chakuy chasach li qamaak ut li qamaa'usilal, ut choohaak'ul cho'q tz'aqal aaweechanihom”.

Romanos 11:4

Ut k'aru kisumeek wi' xb'aan li Yos? “Xinkanab' cho'q we wuqub' mil chi winq li ink'a' xe'xwiq'ib' rib' chiru laj Bahal”.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Amós 8:2

“K'aru nakawil, a Amós?”, chan we li Qaawa'. “Jun chakach li chaq'al ki'q'een”, chankin re. Ut li Qaawa' kixye we: “Ak xwulak xkutankil li raqok aatin sa' xb'een lintenamit Israel ut ink'a' chik tinkuy li xmaakeb'.

Amós 7:8

Ut kixpatz' we: “K'aru nakawil, a Amós?”, chan. Kinchaq'ok ut kinye: “A'an jun xb'isleb' aj tz'ak”, chankin. Toja' naq kixye we: “Rik'in li b'isleb' a'in tinnaw jo' tiikal li xyu'ameb' lintenamit Israel; ut ink'a' chik tinkuy xmaakeb'.

Jeremías 31:34

Ink'a' chik aajel ru naq junaq tixtij li ras riitz'in malaj li rech'alal rik'in xyeeb'al: «Chanawaq ru li Qaawa'». Xb'aan naq chixjunileb' te'nawoq wu, jo' kok' jo' ninq. Laa'in tinkuy li xmaakeb' ut ink'a' chik tjultiko'q we li xmaa'usilaleb'”, chan li Qaawa'.

Isaías 57:10

Xb'aan laak'iila b'eenik xattawaak, ab'an maajun wa xaye: «Ink'a' chik nawaj xb'aanunkil». Nakataw li k'aru naxk'e aakawilal, jo'kan naq ink'a' nach'inank laach'ool.

Isaías 40:25

“Ani ut nikineejuntaq'eeta wi' laa'ex malaj ani juntaq'eet wik'in?”, chan li Qaawa', li q'axal Sant.

Isaías 40:18

Ani teejuntaq'eeta wi' li Yos malaj k'aru teejalamuuchi wi'?

Salmos 103:13

Jo' junaq yuwa'b'ej naxraheb' li ralal xk'ajol, jo'kan ajwi' li Qaawa' naxtoq'ob'a ruheb' li neke'paab'ank re.

Salmos 35:10

Tinye chi anchal li waanm: “At Qaawa', ani ta chik jo' laa'at chi xkolb'al li maak'a' xmetz'ew chiru li kaw rib', jo'wi' li neb'a' chiru li narahob'tesink re?”.

Números 23:21

Maak'a' maa'usilal nawil rik'in laj Jakob, maak'a' li ch'a'ajkilal xintaw rik'in laj Israel. Li Qaawa' a'an li xYos laj Israel, ut junelik wank rik'ineb'. Sa' xyanqeb' a'an na'ab'imank naq xaqxo xwankil jun li awab'ej.

Jeremías 38:8

ki'elk sa' li ochoch ut koho chi aatinak rik'in li awab'ej li k'ojk'o sa' li Rokeb'aal laj Benjamín chiruheb' li kutan a'an, ut kixye re:

Isaías 62:5

Jo' naq li saaj winq nasumlaak rik'in li tuq'ixq, jo'kan ajwi' naq taasumlaaq aawik'in laj Kab'lanel aawe. Jo' xsahil xch'ool li b'eelomej xb'aan li xsumraanm, jo'kanaq ajwi' laaYos aawik'in.

Génesis 4:7

Wi ta us li nakab'aanu, ma ink'a' tab'i' tento raj naq taataqsi laawilob'aal? Ab'an wi ink'a' us li nakab'aanu, chire li kab'l wank li maak, naxaaqank chanchan josq' aj xul, yo chawatawankil. A'ut laa'at tatruuq chi xq'axb'al ru”.

2 Crónicas 6:21

Chawab'i li xtij laj k'anjel chawu ut li xtz'aamahomeb' laatenamit Israel naq te'tijoq arin. Choohaawab'i sa' laana'aj, toj sa' li choxa; choohaawab'i ut chakuy qamaak.

2 Crónicas 30:9

Wi laa'ex texsutq'iiq wi' chik rik'in li Qaawa', te'uxtaanaaq ruheb' leeras eeriitz'in ut leeralal eek'ajol xb'aaneb' li ke'k'amok reheb' chi preexil, ut te'sutq'iiq chaq sa' li na'ajej a'in, xb'aan naq li Qaawa' leeYos a'an chaab'il xch'ool ut aj uxtaan: ink'a' chik texxtz'eq chirix xch'ool wi texsutq'iiq rik'in”.

Isaías 33:24

Maajun chik sa' qayanq tixye: “Yajin”, ut li Qaawa' tixkuy xmaakeb' li wankeb' sa' li tenamit Sión.

Isaías 64:9

Mi q'axal at josq'o'k, at Qaawa', chi moko junelik taak'e sa' laach'ool li qamaak. Chak'e reetal naq laa'o laatenamit chiqajunilo.

Jeremías 9:24

Li ani naraj xnimankil rib', xnimaaq rib' rik'in a'in: naq naxnaw wu ut naxtaw ru naq laa'in li Qaawa', li nin'uxtaanak u ut ninxaqab' xwankil li tiikil ch'oolej ut li yaal sa' ruuchich'och'. Xb'aan naq a'an a'in li nawulak chiwu”, chan li Qaawa'.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Jeremías 33:8

Twisi chixjunil li xmaakeb' li xe'xb'aanu ut tinkuy chixjunil li maa'usilal xine'xtz'eqtaana wi' naq xe'xq'etq'eti rib' chiwu.

Ezequiel 18:23

Ma nasaho'k tab'i' linch'ool naq nakamk laj maak? -chan li Qaawa'-. Li nawulak chiwu, a'an a'in: naq li ink'a' us xch'ool tixjal li xk'a'uxl ut wanq xyu'am.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Amós 1:11

Jo'ka'in kixye li Qaawa': “Ak k'iila sut xinkuy xmaakeb' laj Edom ut anaqwan maak'a' chik xkuyb'al, xb'aan naq rik'in ch'iich' xe'raanilasiheb' laj Israel li riitz'ineb' ut xe'xsach xwankil li uxtaanank u. Xe'xtz'eqtaanaheb' chi junwaakaj ut junelik xe'xk'uula sa' xch'ooleb' li josq'ink.

Jueces 10:16

Ke'risi eb' li jalanil yos sa' xyanqeb' ut ke'xtikib' wi' chik xloq'oninkil ru li Qaawa'. Ut li Qaawa' ink'a' chik kixkuy rilb'al li rahilal wankeb' wi'.

Salmos 65:4

Us ta nanumtaak li maa'usilal sa' qab'een, ab'an laa'at nakakuy, nakasach chixjunil.

Isaías 38:17

Linrahilal xsutq'iik chaq chi sahil wank, xb'aan naq xakol li waanm chiru li kamk ut xawiiqa chixjunil linmaak.

Ezequiel 33:16

Sa' xk'ab'a' li us ut li tiikilal xb'aanu, taawanq xyu'am ut ink'a' chik taajultiko'q we li maak xb'aanu».

Oseas 14:5

Jo'kaqin li k'ajob' cho'q re laj Israel, ut a'an taa'atz'umaq jo' li saqihix. Tixchap xxe' chi us sa' ch'och', jo'eb' li che' re Líbano.