Miqueas 6:4 - Q'eqchi Bible

⁴ Laa'in kin'isink chaq aawe Ejiipt, katinkol chaq chiru li wank chi munil ut kintaqlaheb' cho'q aj k'amol b'e laj Moisés, laj Aharón ut lix María.

Li Santil hu

⁴ La̱in quin-isin chak e̱re saꞌ li naꞌajej Egipto ut la̱in quincoloc e̱re nak cuanquex chak chokꞌ rahobtesinbil mo̱s. Ut quintaklaheb chokꞌ aj cꞌamol be che̱ru laj Moisés, laj Aarón, ut lix María.

Miqueas 6:4 ပူးပေါင်းရင်းမြစ်များ

Deuteronomio 7:8

kixsik' b'an eeru xb'aan naq nekexra ut sa' xk'ab'a' li jurament kixxaqab' rik'ineb' leena' leeyuwa'. Jo'kan naq li Qaawa' kexrisi chaq rik'in xwankil li ruq' ut kexrach'ab' chaq sa' rochochil li munil, rub'el xwankil laj Parahón, awab'ej re Ejiipt.

Éxodo 12:51

Ut sa' ajwi' li kutan a'an li Qaawa' kirisiheb' chi tzoltzo laj Israel sa' li tenamit Ejiipt.

Jeremías 32:21

Laa'at kawisi chaq laatenamit Israel aran Ejiipt rik'in xninqal eetalil ut sachb'ach'oolej; ut rik'in xnimal aawankil ut xkawilal laawuq' xak'e xxiweb' chixjunileb'.

2 Samuel 7:23

Maajun chik tenamit wank sa' ruuchich'och' jo' laatenamit. “Laa'at, at Qaawa', xatkolok reheb' laj Israel, re naq a'anaqeb' laatenamit; xanima li xk'ab'a'eb' ut xab'aanu li sachb'ach'oolej q'axal ninqeb' ut xiwajeleb' xb'aan xnimal laarahom. Xawisiheb' sa' ruq'eb' laj Ejiipt ut xawaanilasiheb' li poyanam ut eb' li jalanil yos chiru laatenamit.

Números 12:1

Lix María ut laj Aharón ke'ok xwech'inkil rix laj Moisés, xb'aan naq kixk'am cho'q rixaqil jun li ixq aj Etiopía.

Éxodo 20:2

“Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Hechos 7:36

Ut laj Moisés kirisiheb' laj Israel rik'in b'aanunk sachb'ach'oolej ut xninqal ru eetalil sa' xteepal Ejiipt, sa' li Kaqi Palaw ut sa' li chaqich'och', chiru ka'k'aal chihab'.

Salmos 77:20

Laa'at katnume'k sa' li palaw; sa' xchamal li ha' katnume'k chaq ut ink'a' kik'utunk xna'aj laawoq.

Deuteronomio 24:18

Chijultiko'q aawe naq katwank chaq chi munil sa' li tenamit Ejiipt ut li Qaawa' laaYos ki'isink chaq aawe aran. Jo'kan naq yookin chi xk'eeb'al aawe li chaq'rab' a'in.

Deuteronomio 15:15

Jultikaq aawe naq laa'at katwank chaq chi munil sa' li tenamit Ejiipt ut li Qaawa' laaYos ki'ach'ab'ank aawe. Jo'kan naq laa'in nink'e aawe li chaq'rab' a'in anaqwan.

Deuteronomio 9:26

Kin'elajink chiru li Qaawa' ut kinye: «At Qaawa', at qaYos, maasacheb' ru laatenamit, laaweechanihom li kakoleb' chaq rik'in xnimal aawankil ut kawisiheb' chaq Ejiipt rik'in xkawilal laawuq'.

Deuteronomio 5:6

«Laa'in li Qaawa' laaYos, li ki'isink chaq aawe sa' li tenamit Ejiipt, b'arwi' katwank chaq chi munil.

Deuteronomio 4:34

Ma wank junaq yos xolxsik' ta xtenamit sa' xyanqeb' jalan chik tenamit rik'in xyalb'al rix ut xninqal eetalil, sachb'ach'oolej ut yalok u, rik'in xkawilal li ruq' ut li xtel, jo'wi' rik'in xninqal rahilal, jo' kixb'aanu sa' xnaq' eeru li Qaawa' leeYos eerik'in aran Ejiipt?

Éxodo 4:16

A'an taa'aatinaq rik'in li tenamit sa' aak'ab'a': a'anaq laawe ut laa'ataq ruuchil li Yos cho'q re.

Deuteronomio 4:20

“Naq kexchap li Qaawa' ut kexrisi chaq sa' li nimla rahilal aran Ejiipt, kixb'aanu chi jo'kan re naq laa'exaq tz'aqal li xtenamit jo' naq wankex anaqwan.

Éxodo 3:10

Jo'kan b'i', ayu; laa'in tatintaqla rik'in laj Parahón re naq taawisiheb' chaq Ejiipt lintenamit Israel”.

Éxodo 4:10

Kixye laj Moisés re li Qaawa': “Chakuy inmaak, at Qaawa', ch'a'aj li aatinak chiwu. Ut chalen naq xatikib' raatinankil laj k'anjel chawu, jo'kan ajwi' nink'ul. Tat we ut nat'il li ru'uj waq'”, chan.

Números 33:1

Jo'ka'in naq ke'elk chaq Ejiipt eb' laj Israel ut ke'chalk chi tzol jo'keb' laj puub', k'amol b'eheb' chaq laj Moisés ut laj Aharón.

1 Samuel 12:6

Toja' naq laj Samuel kixye re li tenamit: “A' li Qaawa' kixaqab'ank re laj Moisés ut laj Aharón ut kirisiheb' chaq leena' leeyuwa' sa' li tenamit Ejiipt.

Éxodo 6:27

A'aneb' a'in li ke'raatina laj Parahón, awab'ej re Ejiipt, re risinkileb' laj Israel Ejiipt. A'aneb' laj Moisés ut laj Aharón.