Miqueas 5:7 - Q'eqchi Bible

⁷ Toja' naq eb' li te'kole'q sa' xyanqeb' laj Israel chanchanaqeb' li k'ajob' nachalk rik'in li Qaawa', cho'q reheb' li k'iila tenamit; jo'aqeb' li hab' sa' xb'een li raxpim, k'ojk'ooqeb' xch'ool rik'in li Yos, ut ink'a' yal rik'in winq.

Li Santil hu

⁷ Ut eb laj Israel li incꞌaꞌ teꞌosokꞌ saꞌ li ple̱t teꞌxtenkꞌa nabal chi tenamit. Chanchanakeb li xchuꞌque li naxqꞌue chak li Ka̱cuaꞌ. Chanchanakeb li hab li natꞌakresin re li acui̱mk. Incꞌaꞌ teꞌyoꞌoni̱nk chi moco cauhakeb xchꞌo̱l riqꞌuin cui̱nk. Riqꞌuin ban li Dios cꞌojcꞌo̱keb xchꞌo̱l.

Miqueas 5:7 ပူးပေါင်းရင်းမြစ်များ

Miqueas 5:3

Jo'kan naq li Yos tixkanab' xjunes li xtenamit toj reetal taa'alanq li ixq li wank sa' yu'am. Toja' naq eb' laj Israel li ke'k'ame'k sa' ab'l tenamit, te'sutq'iiq wi' chik sa' xyanqeb' li rech tenamitul.

Isaías 44:3

Tintaqla li hab' sa' li chaqich'och' ut tinyoob'tesiheb' li nima' sa' li joxk' na'ajej. Tinhoy linmusiq' sa' xb'eeneb' laawalal aak'ajol ut twosob'tesiheb' laawi aamam.

Deuteronomio 32:2

Kama' ta li hab' naq chihoye'q li tzolok tink'e; jo' ta li k'ajob' naq chikub'eeq li waatin, kama' ta li musmus hab' sa' xb'een li raxpim, jo' ta li kawil hab' sa' xb'een li pach'aya'.

Oseas 14:5

Jo'kaqin li k'ajob' cho'q re laj Israel, ut a'an taa'atz'umaq jo' li saqihix. Tixchap xxe' chi us sa' ch'och', jo'eb' li che' re Líbano.

Salmos 72:6

Kama'aq li hab' li nat'ane'k sa' xb'een li pim, kama'aq li xchu'ke li nat'aqresink re li ch'och'.

Romanos 10:20

Kikawuuk ajwi' xch'ool laj Isaías chi xyeeb'al: “Kintawe'k xb'aaneb' li ink'a' yookeb' chaq chinsik'b'al. Kink'ut wib' chiruheb' li ink'a' neke'patz'ok we”.

Zacarías 14:8

Sa' li kutan a'an jun yu'amha' taayo'laaq Jerusalén: yiijach taaxik sa' li Atz'aminb'il Palaw ut yiijach taaxik sa' li palaw wank sa' xjayal rokeb'l saq'e; ut ink'a' taachaqiq sa' saq'ehil.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

1 Corintios 3:6

Laa'in xin'awok, laj Apolo xt'aqresink; ut li xk'iiresink, a'an li Yos.

Romanos 11:12

Ut wi li xt'anikeb' laj Judiiy kixb'ihomob'resi li ruuchich'och' ut rik'in naq ke'kub'siik xwankil ke'b'ihomo'k li maawa'eb' aj Judiiy, ma toja' ta chik naq chixjunileb' te'ok chi paab'ank?

Romanos 9:30

K'aru tqaye chi jo'kanan? Tqaye naq eb' li maak'a'eb' xpaab'aal li ink'a' ke'xsik' li tiikilal, ke'xtaw xtiikilal xch'ooleb', a' li tiikil ch'oolej li wank sa' xk'ab'a' li paab'aal;

Hechos 16:9

Ut chiru li q'oqyink laj Pablo kiril jun li moy u: wank jun li winq aj Macedonia chi xaqxo, yo chi xtz'aamankil chiru: “Numen chaq Macedonia ut tenq'aho”, chan re.

Hechos 13:46

Toja' naq laj Pablo ut laj Bernabé chi kaweb' xch'ool ke'xye: —Tento naq eere laa'ex xb'enwa xyeemank li Raatin li Yos. Ab'anan, rik'in naq neketz'eqtaana a'an ut nekereek'a eerib' naq moko eek'ulub' ta li junelik yu'am, ab'ihomaq: tooxik rik'ineb' li junch'ol chik.

Hechos 11:15

Ut naq kintikib' aatinak, kikub'e chaq li Santil Musiq'ej sa' xb'eeneb', jo' naq kikub'eek sa' qab'een sa' xtiklajik.

San Mateo 28:19

Ayuqex b'i', ut k'ehomaqeb' cho'q intzolom chixjunileb' li tenamit. Teekub'siheb' xha' sa' xk'ab'a' li Yuwa'b'ej, li K'ajolb'ej ut li Santil Musiq'ej,

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Amós 5:15

Tz'eqtaanahomaq li ink'a' us, rahomaq ru li us ut k'ehomaq xwankil li tiikilal sa' li raqok aatin. Mare anchal li Nimajwal Yos taaruxtaana ruheb' laj José, li jo'k'ihaleb' chik te'kole'q.

Joel 2:32

Ab'anan chixjunileb' li te'yaab'anq re xk'ab'a' li Qaawa', te'kole'q, xb'aan naq sa' li tzuul Sión ut Jerusalén taawanq li kolb'a ib', jo' kixye li Qaawa'. Jo'k'ihaleb' li sik'b'ileb' ru xb'aan li Qaawa' te'kole'q.

Ezequiel 47:1

Li winq kinxk'am wi' chik sa' rokeb'aal li rochoch li Yos, ut kink'e reetal naq rub'el li okeb'aal yo chi elk li ha', yo chi b'eek roq sa' xjayal releb'l saq'e, b'arwi' na'ilok li rochoch li Qaawa'. Li ha' na'elk sa' xnim li ochoch, sa' xjayal rokeb'l iq', sa' xka'yab'aal li artal.

Isaías 66:19

Tinb'aanu jun nimla eetalil sa' xyanqeb', ut wanqeb' li te'kole'q ut tintaqlaheb' sa'atqeb' li najtil tenamit: aran Tarsis, Etiopía, Libia, Mesek, Tubal ut Grecia, jo' ajwi' sa'atqeb' li tenamit wankeb' chaq chire palaw, li toj maji' rab'ihomeb' aatinak chiwix chi moko rilomeb' linloq'al. Eb' a'an te'puktesinq resil linloq'al sa'atqeb' li najtil tenamit.

Isaías 55:10

“Jo' naq li hab' ut li xchu'ke nakub'eek chaq sa' choxa ut ink'a' nasutq'iik aran wi toj maji' naxt'aqresi li ch'och' ut ink'a' naxk'e chi yo'laak ut chi moqk li awimq re naq twanq iyaj cho'q re laj awinel jo'wi' li wa re tzekaak,

Isaías 32:15

Ab'anan taqe'q taahoye'q chaq li Musiq'ej sa' qab'een. Toja' naq li chaqich'och' tkanaaq cho'q xna'aj awimq ut li xna'aj awimq taak'iche'o'q wi' chik.

Jueces 6:36

Ut laj Jedehón kixye re li Yos: “Wi relik chi yaal naq inb'aan laa'in taakoleb' laj Israel jo' xaye,

Hechos 9:15

Ut li Qaawa' kixye re: “Ayu, xb'aan naq a'an sik'b'il ru inb'aan cho'q aj k'anjel re tixk'am resil link'ab'a' rik'ineb' li maak'a'eb' xpaab'aal, rik'ineb' li awab'ej ut eb' li ralal xk'ajol laj Israel.

Sofonías 3:13

Ut eb' li te'kole'q sa' xyanqeb' laj Israel ink'a' chik te'xb'aanu li maa'usilal chi moko te'tik'ti'iq chik; moko te'xye ta chik b'alaq'il aatin. Naru chik te'tzekanq ut te'hilanq chi sa, chi maajun chik taaxib'esinq reheb'”.

Miqueas 5:8

Sa' xyanqeb' li tenamit ut eb' li k'iila poyanam, li rela'eb' li ralal xk'ajol laj Jakob chanchanaqeb' li kaqkoj sa' xyanqeb' li k'iila josq' aj xul sa'eb' li k'iche', jo'aqeb' li ral kaqkoj sa' xyanqeb' li karneer: nat'upink ut nasachok b'arwi' nanume'k, ut maajun naramok chiru.

Ezequiel 14:22

Ka'ajwi' wiib' oxib' te'kole'q chiru li kamk ut te'ruuq chi elelik rochb'eeneb' li ralal xk'ajoleb'. Naq te'wulaq eerik'in, laa'ex teenaw chanru li xna'leb'eb' ut teek'e reetal li xyehom ut xb'aanuhomeb'; taak'ojlaaq leech'ool chirix li rahilal xintaqla sa' xb'een Jerusalén.

2 Samuel 17:12

Toojiloq chi xk'atq laayuwa' yalaq b'ar wanq, jun xikaqo sa' xb'een jo' li ratz'amke sa' xb'een ch'och', ut maajun tqakanab' chi yo'yo, chi moko a'an chi moko eb' li wankeb' rochb'een.

Salmos 133:3

Chanchan li k'ajob' re li tzuul Hermón li yo chi kub'eek sa' xb'een Sión. Xb'aan naq aran li Qaawa' naxhoy li rosob'tesihom: a'an li yu'am chi junelik.

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Daniel 11:32

Tixb'alaq'iheb' li xe'tz'eqtaanank re li Sumwank, re naq te'okenq chirix; ab'an li tenamit li tz'aqal neke'xnaw ru li xYos te'xxaqab' rib' chi kaw ut te'xkol rib' chiru li awab'ej.

Miqueas 4:7

Sa' xyanqeb' li yeq ra'eb' tinkol jun ch'uut li taakanaaq; ut eb' li najt wankeb' chaq tink'uub' junaq kawil tenamit rik'ineb'. Toja' naq tin'awab'ejinq sa' xb'eeneb' aran Sión, chalen anaqwan ut chi junelik.

Miqueas 7:18

Maajun chik junaq Yos jo' laa'at, at Qaawa', xb'aan naq laa'at nakakuy nakasach li xmaakeb' li rela' laatenamit. Laa'at ink'a' nakatjosq'o'k chi junajwa, xb'aan naq nakara li uxtaanank.

Ezequiel 5:5

“Jo'ka'in ninye laa'in li Qaawa': A'an a'in Jerusalén li kink'ojob' sa' xyiheb' li tenamit sa' ruuchich'och'.

Miqueas 4:13

Xaqlin, at Sión, ut eeqajun sa' xb'eeneb'! Xb'aan naq xyehom li Qaawa': “Laa'in tink'e aakawilal jo' junaq teelom wakax li wank xxukub' ch'iich' ut q'anch'iich' li xxaab'. K'ajo'eb' li tenamit taaputz'i. Toja' naq taamaq' chixjunil li b'ihomal xe'relq'a ut taamayeja chiwu laa'in, li xQaawa' chixjunil li ruuchich'och'.

Zacarías 9:13

Ex aj Judá, xexinkawresi jo' li simaj, ut eb' laj Efraín jo' li ral simaj xinkawresiheb' wi'. Laa'ex aj Sión, tinchiq' eejosq'il re xsachb'al ruheb' laj Grecia, chanchanaqex li q'esnal ch'iich' sa' ruq' li jwal kaw rib'.