Miqueas 5:6 - Q'eqchi Bible

⁶ Eb' a'an te'awab'ejinq re Asiria, li xna'aj laj Nemrod, rik'in q'esnal ch'iich', ut toohe'xkol chiruheb' laj Asiria li te'ok sa' li qatenamit re reechaninkil li qach'och'.

Li Santil hu

⁶ Ut eb aꞌan teꞌnumta̱k saꞌ xbe̱neb laj Asiria nak teꞌpletik riqꞌuin chꞌi̱chꞌ ut teꞌnumta̱k ajcuiꞌ saꞌ xbe̱n lix tenamit laj Nimrod. Ut li Ka̱cuaꞌ, aꞌan ta̱colok ke chiruheb laj Asiria nak teꞌxyal oc saꞌ li katenamit chi pletic kiqꞌuin.

Miqueas 5:6 ပူးပေါင်းရင်းမြစ်များ

Isaías 14:25

Tinsach ruheb' laj Asiria sa' lintenamit ut tinyeq'iheb' sa' woq sa'atqeb' lintzuul re naq te'xkanab' eerahob'tesinkil chi moko texxtawasiheb' chik”.

San Lucas 1:74

naq kixyeechi'i qach'ab'ankil sa' ruq'eb' li xik' neke'ilok qe ut took'anjelaq chiru chi maak'a'aq qaxiw,

San Lucas 1:71

naq toxkol chiruheb' li xik' neke'ilok qe ut sa' ruq'eb' li nokoohe'xtz'eqtaana,

Sofonías 2:13

Li Qaawa' tixtaqsi li ruq' sa' xb'eeneb' li na'ajej wankeb' sa' xjayal releb'l iq' re xsachb'al Asiria, ut nakirirnak taakanaaq Nínive, joxk' aj chik taakanaaq wi'.

Nahum 2:11

B'ar wank anaqwan li xna'ajeb' li kaqkoj? K'aru xk'ul li xjob'eb' li kok' kaqkoj b'arwi' xe'wank, chi maajun naxib'esink reheb'?

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Isaías 14:2

Naab'aleb' li tenamit te'ochb'eeninq reheb' re sutq'iik sa' li xna'ajeb', ut eb' laj Israel te'xchap eb' a'an cho'q aj k'anjel chiruheb' sa' li na'ajej k'eeb'il reheb' xb'aan li Qaawa'. Eb' li ke'numtaak sa' xb'eeneb' laj Israel junxil, a'aneb' chik li te'chape'q ut te'wanq rub'el xwankileb'.

2 Crónicas 33:11

Toja' naq li Qaawa' kixtaqlaheb' chaq li xjolomileb' laj puub' aj Asiria, kole'xchap laj Manasés, ke'xnat' chi ch'iich', ke'xb'ak' rik'in kareen q'anch'iich' ut ke'xk'am Babilonia.

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

San Lucas 24:27

Ut kixtikib' rik'in laj Moisés ut chixjunileb' li propeet, kixch'olob' chiruheb' li yeeb'il chirix sa' chixjunil li Santil Hu.

Isaías 37:36

Ut chiru ajwi' li q'oqyink a'an, li x'ánjel li Qaawa' kiwulak sa' li xmuheb'aaleb' laj Asiria ut kixkamsi oob' xlajeek'aal mil chi winq (185,000) ut naq kisaqewk, ak kamenaqeb' chik chixjunileb'.

Isaías 37:37

Toja' naq laj Senakerib, awab'ej re Asiria, kixmoch eb' li xmuheb'aal ut kisutq'iik sa' li tenamit Nínive, ut aran kikanaak.

Deuteronomio 32:2

Kama' ta li hab' naq chihoye'q li tzolok tink'e; jo' ta li k'ajob' naq chikub'eeq li waatin, kama' ta li musmus hab' sa' xb'een li raxpim, jo' ta li kawil hab' sa' xb'een li pach'aya'.

1 Crónicas 1:10

Laj Kus a'an xyuwa' chaq laj Nimrod, a'an li xb'een winq q'axal nim xwankil sa' ruuchich'och'.

Li xHu LAJ JOB 29:22

Naq ninkanab' aatinak, maajun nawech'ok we. Chixjunileb' neke'rab'i li waatin chi saheb' sa' xch'ool

Salmos 72:6

Kama'aq li hab' li nat'ane'k sa' xb'een li pim, kama'aq li xchu'ke li nat'aqresink re li ch'och'.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Isaías 6:13

Us ta jun aj chik li poyanam tkanaaq sa' xyanq li lajeetq, taasache'q ajwi' ru a'an jo' na'uxk re li ji malaj li tz'unu'j che' naq nayok'mank: ka'aj chik li xtoonal nakanaak. Ab'anan sa' li xtoonal taa'elq jun li santil tuxm”, chan li Qaawa'.

Jeremías 14:22

Ma wank tab'i' junaq xyoseb' li najtil tenamit li nataqlank chaq li hab'? Ma nachalk tab'i' li musmus hab' sa' choxa yal xjunes rib'? Ink'a', at Qaawa', at qaYos! Laa'at nakattaqlank chaq re, laa'at nakatb'aanunk re chixjunil a'an. Jo'kan naq aawik'in nokoo'oyb'enink chi junelik.

Sofonías 3:12

Tinkanab' aawik'in jun tenamit kub'enaq xwankil ut neb'a', li te'xkawub'resi xch'ooleb' wik'in.