Miqueas 5:2 - Q'eqchi Bible

² A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

Li Santil hu

² La̱ex aj Belén Efrata, le̱ tenamit kꞌaxal caꞌchꞌin chiruheb chixjunil li tenamit aran Judá. Abanan saꞌ le̱ chꞌina tenamit ta̱yoꞌla̱k li Acuabej li ta̱takla̱nk saꞌ xbe̱n li tenamit Israel. Aꞌan li Acuabej li ac cuan chak chalen saꞌ xticlajic.

Miqueas 5:2 ပူးပေါင်းရင်းမြစ်များ

San Mateo 2:6

«Ut laa'at Belén, xch'och'el laj Judá, moko jwal kach'inat ta sa' xyanqeb' li xninqal xteepaleb' laj Judá, xb'aan naq aawik'in taa'elq jun aj k'amol b'e li taab'eresinq re lintenamit Israel».

San Juan 7:42

Ma ink'a' tab'i' naxye li Santil Hu naq li Kriist taachalq chaq sa' xyanqeb' li ralal xk'ajol laj David, sa' li k'aleb'aal Belén, b'arwi' kiwank laj David?

Salmos 90:2

Naq toj maak'a'eb' chaq li tzuul ut toj maji' nak'ub'laak sa' xna'aj li choxach'och', ak laa'at ajwi' chaq li qaYos junq'e junq'e kutan!

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Colosenses 1:17

A'an li xb'een chiru chixjunil, ut chixjunil yo'yo ut xchapom rib' sa' xk'ab'a'.

Apocalipsis 19:16

Chiru li raq' ut chiru li ra' tz'iib'anb'il jun li k'ab'a'ej: “Awab'ej sa' xb'eeneb' li awab'ej ut Qaawa' sa' xb'eeneb' li qaawa'”.

1 Samuel 17:12

Laj David a'an ralal jun li winq aj Efratá, Belén li xtenamit, sa' xteepal Judá. Li winq a'an, aj Jesé xk'ab'a', wank waqxaqib' chi ralal; ak tiix chi us naq laj Saúl wan chaq cho'q awab'ej.

Génesis 48:7

Naq kin'elk Padán, lix Rakel laana' kikamk chiwu sa' b'e, sa' li na'ajej Kanahán, kach'in chik maa nokoowulak Efratá, ut aran kinmuq sa' li b'e naxik Efratá, Belén ajwi' nayeemank re”.

1 Juan 1:1

Li wank chalen chaq sa' xtiklajik, li qab'ihom, li qilom rik'in qu, li xqaka'ya ut xqach'e' rik'in quq' —yooko chi aatinak chirix li Aatin re li yu'am,

Hebreos 13:8

Li Jesukriist a'an ajwi' li wan chaq ewer, li wank anaqwan; ut a'anaq chi junelik.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Li xHu LIX RUT 4:11

Naq ke'rab'i a'an, eb' li cheekel winq ut chixjunileb' li wankeb' aran ke'xsume: —Laa'o testiiw. A' taxaq li Qaawa' chik'ehoq re laawixaqil chi jo'kaq lix Rakel ut lix Liiy: xkab'ichaleb' a'an ke'tikib'ank re li tenamit Israel. Chinimanq laawankil aran Efratá ut nawb'ilaq aawu chi us sa' li tenamit Belén.

Génesis 35:19

Kikamk lix Rakel ut kimuqe'k sa' xb'ehil Efratá, Belén ajwi' nayeemank re.

Hebreos 7:14

Ch'olch'o naq li Qaawa' yo'lajenaq chaq rik'in laj Judá; ut chirix li teepal a'in maak'a' kixye laj Moisés naq ki'aatinak chirix xk'anjeleb' laj tij.

Amós 9:11

“Sa' li kutan a'an tinwaklesi wi' chik li t'anjenaq ochoch re laj David. Tintz'api li xpaapookil, tinyiib' wi' chik li ak juk'ulk ut tinkab'la jo' naq kiwank chaq junxil,

Jeremías 30:21

Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

1 Samuel 10:19

A'ut anaqwan laa'ex xetz'eqtaana leeYos, li kikolok eere chiru chixjunil leerahilal ut ch'a'ajkilal, ut xeye re: «K'e qe junaq awab'ej», chankex. Jo'kan b'i', k'utomaq eerib' chiru li Qaawa', chi teepal ut chi junqkab'alil”.

San Lucas 23:38

Wank ajwi' sa' xb'een li Jesus jun li eetalil tz'iib'anb'il chi jo'ka'in: “A'an a'in li xReyeb' laj Judiiy”.

San Lucas 23:2

ke'ok chi xjitb'al ut ke'xye: —Xqataw chaq a'in chi xpo'b'aleb' xch'ool li qatenamit. Nokooxq'us chi xk'eeb'al li toj re li awab'ej ut naxyehatq naq a'an li Kriist Rey.

1 Crónicas 5:2

Chirix chik a'an laj Judá kinimank xwankil chiruheb' li riitz'in ut sa' xyanqeb' a'an ki'elk jun aj jolominel;

1 Crónicas 4:4

A'aneb' a'in li ralal xk'ajol laj Jur, xb'een xyum laj Efratá, xxe'toonil yuwa' laj Belén.

Éxodo 18:21

Ab'an sik'eb' ru li winq seeb'eb' xch'ool sa' xyanq li tenamit, li neke'xxiwa ru li Yos, tiikeb' xch'ool ut aj tz'eqtaanahom re tuminaak, ut k'eheb' xwankil sa' xb'een li tenamit: wan te'xjolomi lajeetqk'aal rox o'q'ob' (1,000), wan o'taqk'aal (100), wan lajeetq roxk'aal (50) ut wan chik lajeetq.

Apocalipsis 21:6

Ut kixye we: “Ak xyaalo'k. Laa'in li Alfa ut li Omega, li xtiklajik ut li roso'jik. Ani taachaqiq re, tink'e chi uk'ak chi maatan sa' li yo'leb'aal ha' re li yu'am.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Salmos 132:6

Xqab'i resil naq li Loq'laj Kaax wan chaq aran Efratá, ut xqataw chaq sa' xtaq'ahil li K'iche'b'aal.

1 Crónicas 2:54

Eb' li ralal xk'ajol laj Salmá a'aneb' a'in: laj Belén, eb' laj Netofá, eb' laj Atrot-Bet-Johab, a' li jun yiijacheb' chik laj Manáhat, eb' laj Sorá

1 Samuel 23:23

Ilomaq ut k'ehomaq reetal chixjunileb' li na'ajej b'arwi' naru tixmuq rib', ut naq akaq xch'olaak chixjunil cheru, toleeye we ut laa'in tinxik cherix. Ut wi relik chi yaal wanq aran, tinsik'i chi us sa' chixjunileb' li xjunkab'aleb' laj Judá”.

1 Samuel 17:18

Ut li lajeeb' chi rekesón a'in k'am cho'q re li xjolomileb' laj puub'. Ab'i chaq chanru wankeb' laawas ut k'am chaq junaq reetalil naq saheb' sa' xch'ool.

Deuteronomio 1:15

“Toja' naq laa'in kinsik'eb' ru, sa' xyanqeb' leeteep, winq seeb'eb' xk'a'uxl ut neke'xnaw xk'anjeleb', ut keb'inxaqab' chi jolomink eere: wankeb' xink'e chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq (10); wankeb' ajwi' xeb'inxaqab' cho'q aj tz'iib' re leejunq teep.

1 Samuel 8:12

Wankeb' li tixxaqab' chi xjolominkil lajeetqk'aal rox o'q'ob' (1,000) malaj lajeetq roxk'aal (50) aj puub'. Wankeb' li tixk'eheb' chi k'anjelak sa' li xch'och' ut xq'olb'al li rawimq, wankeb' li tixk'e chi xyiib'ankileb' li ch'iich' re yalok jo'wi' li k'anjelob'aal reheb' li xkaar.

Éxodo 18:25

Kixsik'eb' ru li winq seeb'eb' xk'a'uxl sa' xyanq chixjunileb' laj Israel ut kixk'eheb' xwankil sa' xb'eeneb' li poyanam: wankeb' ke'xaqab'aak chi xjolominkileb' lajeetqk'aal rox o'q'ob' (1,000), wankeb' chik chi xjolominkileb' o'taqk'aal (100), lajeetq roxk'aal (50) ut lajeetq.

San Mateo 2:1

Li Jesus kiyo'laak aran Belén sa' xteepal Judea, naq laj Herodes wan chaq chi awab'ejil. Sa'eb' li kutan a'an wankeb' aj q'e ke'chalk chaq sa' releb'l saq'e, kole'okaq Jerusalén

Génesis 35:16

Eb' a'an ke'elk Betel, ut kach'in chik maa neke'wulak Efratá, lix Rakel riil ki'alank.

Jueces 17:7

Sa' li tenamit Belén wank jo' aj numel jun li saaj al aj Leví, xkomoneb' li ralal xk'ajol laj Judá.

Li xHu LIX RUT 1:1

Sa'eb' li kutan naq toj maak'a'eb' chaq li awab'ej aran Israel, kiwank jun li nimla we'ej sa' chixjunil li na'ajej a'an. Jo'kan naq jun li winq aj Belén re Judá koho chi na'ajink sa' xteepal Mohab, rochb'een li rixaqil ut eb' li wiib' chi ralal.

Isaías 55:4

Laa'in kinxaqab'ank re laj David cho'q wuuchil chiruheb' li tenamit, cho'q aj k'amol b'e ut aj jolominel reheb' li poyanam.

Oseas 6:3

Qasik'aq li Qaawa', qayalaq qaq'e chi xnawb'al ru. Relik chi yaal naq taachalq qik'in jo' naq nahik'e'k li kutan; taachalq qik'in jo' naq li hab' naxt'aqresi li ch'och' sa' li hab'alq'e”.

Zacarías 13:7

Li Nimajwal Yos naxye chi jo'ka'in: “Ajsi aawu, at q'esnal ch'iich', re xkamsinkil laj k'aak'alenel, ut kamsi li natenq'ank we. Kamsi laj ilol ketomq, ut eb' li karneer te'xcha'cha'i rib'eb'; ut laa'in ink'a' tintoq'ob'a ruheb' li kok' karneer.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Miqueas 4:10

Yaab'an ut chimayoq aach'ool, at Sión, jo'qat li ixq yo chi alank, xb'aan naq anaqwan tento tat-elq sa' li tenamit ut tatq'axonq sa' li k'aleb'aal. Tatwulaq toj Babilonia, ab'an aran tatkole'q, xb'aan naq li Qaawa' taa'isinq aawe sa' ruq'eb' li xik' neke'ilok aawe.