Miqueas 4:8 - Q'eqchi Bible

⁸ Ut laa'at Sión, rochochilat li xtenamit li Yos ut xkawilat li tenamit Jerusalén, nimaq wi' chik laawankil jo' junxil: laa'at tat-ok wi' chik chi awab'ejink sa' xb'een Israel”.

Li Santil hu

⁸ Ut li cuanqueb aran Jerusalén bar cuan cuiꞌ li tzu̱l Sión aꞌanakeb chic li tenamit li kꞌaxal nim xcuanquil chi takla̱nc saꞌ xya̱nkeb chixjunileb joꞌ nak queꞌcuan junxil. Aran ta̱cua̱nk li Ka̱cuaꞌ chixqꞌuebal xcacuil xchꞌo̱leb li ralal xcꞌajol joꞌ nak laj ilol xul nacuan saꞌ li cab najt xteram chirilbaleb lix queto̱mk.

Miqueas 4:8 ပူးပေါင်းရင်းမြစ်များ

Isaías 1:26

Tink'eheb' aj k'amol eeb'e jo' ke'wank xb'enwa ut eb' laj raqol aatin jo'eb' li ke'wank najter q'e kutan. Toja' naq te'xye aawe: «Xtenamitul li tiikilal» ut «Tiik xch'oolil tenamit».

Zacarías 9:10

A'an tixjuk'eb' chixjunil li k'anjelob'aal li nayalok wi' laj Efraín ut eb' li kawaay re Jerusalén; tixtoqi eb' li simaj na'uxk wi' yalok ut tixpuktesi resilal li tuqtuukilal reheb' li tenamit. Li xwankilal taawulaq chire jun palaw toj chire li jun chik, ut chalen chire li nima' Éwfrates toj sa' xmaril li ruuchich'och'.

Apocalipsis 22:5

Aran maak'a'aq chik q'oqyink; moko te'raj ta ru xsaqenkil li xam chi moko xsaqenkil li saq'e, xb'aan naq li Qaawa' Yos taakutanob'resinq reheb', ut te'awab'ejinq chi junelik q'e kutan.

Zacarías 9:12

Sutq'inqex chaq sa' leetenamit, laa'ex li preex li toj wank eeroyb'enihom. Anaqwan ajwi' tinye resil naq ka'sut chik texwosob'tesi xb'aan li rahilal xek'ul.

Abdías 1:21

Te'numtaaq sa' xb'eeneb' ut te'taqsinq aran Sión re raqok aatin sa' xb'eeneb' li xtzuululeb' laj Esaú, ut a' chik li Qaawa' taa'awab'ejinq.

Génesis 35:21

Laj Israel ki'elk aran ut koxyiib' li xmuheb'aal toj junpak'al Mikdal-Éder.

Efesios 1:21

kixk'e sa' xb'een chixjunileb' laj jolominel, sa' xb'eeneb' li wankeb' xwankil ut xkawilal malaj eb' li neke'awab'ejink, jo' ajwi' sa' xb'een chixjunil li wank moko ka'aj ta wi' sa' li ruuchich'och' a'in, sa' aj b'an wi' li toj chaalel.

San Marcos 12:1

Li Jesus ki'ok chi raatinankileb' sa' jaljookil ru aatin. Kixye reheb' chi jo'ka'in: “Jun li winq kiraw jun siir x'uub', kixsut chi koral, kixb'ek jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

2 Samuel 5:7

Ab'anan laj David ki'ok sa' li kawub'resinb'il ochoch re Sión, li xTenamit laj David chik naxk'ab'a'in.

Números 24:19

Laj Jakob tixq'ax ruheb' li xik' neke'ilok re, tixsach ruheb' li neke'elelik sa' li tenamit Ar”.

San Mateo 21:33

“Ab'ihomaq jun chik li jaljookil ru aatin. Jun li winq aj eechal junkab'al kiraw jun siir x'uub', kixsut chi koral, kixb'ek aran jun xyatz'leb'aal uub' ut kixyiib' jun li kab'l cho'q re laj k'aak'alenel; kixk'e chi to' reheb' aj k'alom ut koho chi najt.

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Isaías 5:2

Kixpiki li ch'och', kirisiheb' li pek chisa' ut kiraw li iyaj jwal chaab'il. Sa' xyi li rawimq kixkab'la jun najt xteramil ochoch ut kixyiib' jun xna'aj re xyatz'b'al li uub'. Li wamiiw kiroyb'eni li uub' q'axal ki', ab'anan junes ra re li uub' kiruuchin.

Isaías 10:32

Hoon ajwi' eb' laj Asiria te'hilanq aran Nob; te'xk'ut li reetalil li yalok aran Sión, sa' xtzuulil Jerusalén.

Salmos 48:3

k'ajo' xchaq'alil ru; aran nasaho'k xch'ool chixjunil li ruuchich'och'! Li tzuul Sión a'an li xmuheb'aal li Qaawa', a'an li tenamit nawank wi' li xnimal ru Awab'ej.

Salmos 61:3

Toj sa' chaq xmaril li ruuchich'och' ninyaab'a laak'ab'a', naq q'axal nayot'e'k li waanm. Chinaab'eres toj sa' xb'een li saqoonak najt xteram,

Miqueas 2:12

Ok we chi xch'utub'ankil chixjunil li xtenamit laj Jakob; twaj tinxok li rela'eb' laj Israel. Tinch'utub'eb' jo' na'uxk reheb' li karneer sa' li koral, jo' na'uxk reheb' li ketomq sa' li pach'aya'; ut tz'aapixikaq rab'inkileb' xb'aan xk'ihaleb'.

Nehemías 3:25

Chirix chik a'an kitz'akab'k laj Palal, ralal laj Usay, sa' xka'yab'aal li xuk ut li najt xteramil kab'l li wank sa' xb'een li rochoch li awab'ej, nach' rik'in xneb'aalil li tz'alam. Chirix chik a'an laj Pedaías, ralal laj Parós, kitz'akab'k

Salmos 24:7

Tehomaq eerib', ex okeb'aal, waklesihomaq eerib', ex najteril okeb'aal, re naq taa'ok li nimajwal Awab'ej!

Cantares 4:4

Laakux chanchan wi' li xnajt teramil ochoch laj David, kab'lanb'il rik'in tuqub'anb'il ru pek, b'arwi' t'uyt'uukeb' jun mil chi koleb' ch'iich', a'aneb' xkoleb' eb' li jwal kaweb' rib'.

Zacarías 9:9

Jap aawe xb'aan xsahil aach'ool, at Sión, b'ichan chi anchal laawaanm, at Jerusalén. Xb'aan naq we' chaq laarey, tiik xch'ool ut aj q'axol u, tuulan ut wan chaq chirix jun ch'ina b'uur, ral li xul na'iiqank.