Miqueas 4:3 - Q'eqchi Bible

³ Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam, toj sa' xb'eeneb' li wankatqeb' chaq chi najt. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Li Santil hu

³ Li Ka̱cuaꞌ ta̱rakok a̱tin saꞌ xbe̱neb nabal chi tenamit ut tixtijeb li xni̱nkal tenamit cuanqueb chak chi najt. Ut talajeꞌxten chi martillo lix chꞌi̱chꞌeb nequeꞌpletic cuiꞌ ut teꞌxsukꞌisi chokꞌ asaron. Ut eb lix la̱nseb talajeꞌxsukꞌisi chokꞌ cꞌoncꞌo̱quil chꞌi̱chꞌ re xyocꞌbal li acui̱mk. Ut eb li tenamit incꞌaꞌ chic teꞌxpleti ribeb chi moco teꞌxcauresi ta chic ribeb re pletic.

Miqueas 4:3 ပူးပေါင်းရင်းမြစ်များ

Isaías 2:4

Li Qaawa' taaraqoq aatin sa' xb'eeneb' li tenamit ut a'anaq laj raqol aatin sa' xyanqeb' naab'al chi poyanam. Te'xsutq'isi eb' li q'esnal ch'iich' cho'q pikleb' ch'och', ut li xjutz' ch'iich'eb' te'kanaaq cho'q setleb' k'im. Eb' li tenamit ink'a' chik te'yaloq chirib'ileb' rib' chi moko te'xkawresi rib' re yalok.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Hechos 17:31

Xb'aan naq li Yos ak kixxaqab' li kutan tixraq wi' aatin sa' tiikilal sa' xb'een li ruuchich'och', sa' xk'ab'a' jun li winq xaqab'anb'il xb'aan. Kixk'ut ajwi' chiruheb' chixjunil naq tz'aqal yaal a'an, rik'in xwaklesinkil chi yo'yo li Jesus sa' xyanqeb' li kamenaq”.

Isaías 65:25

Laj xojb' ut li karneer te'ichajib'q sa' wiib'al; li kaqkoj taawa'oq pim jo' li wakax, ut li k'anti' taalowoq pojtz'. Maajun chik taarahob'tesinq chi moko taasachoq sa' linsantil tzuul”, chan li Qaawa'.

Salmos 98:9

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal li xch'ool.

Salmos 96:13

chiru li Qaawa' xb'aan naq chalk re: chalk re chi raqok aatin sa' xb'een li ruuchich'och'! Tixjolomi li choxach'och' sa' tiikilal ut tixb'eresi chixjunileb' li tenamit jo' chanru xchaab'ilal xch'ool.

Apocalipsis 19:11

Toja' naq kiwil li choxa teeto ut aran wank jun kawaay saq rix; ut li k'ojk'o sa' xb'een, “Tiik xch'ool” ut “Paab'ajel” naxk'ab'a'in: naraqok aatin ut nayalok sa' tiikilal.

Zacarías 14:3

Toja' naq li Qaawa' taa'elq chaq chi junpaat chi yalok rik'ineb' li poyanam a'an, jo' naxb'aanu chaq sa' xq'ehil li yalok.

Zacarías 9:10

A'an tixjuk'eb' chixjunil li k'anjelob'aal li nayalok wi' laj Efraín ut eb' li kawaay re Jerusalén; tixtoqi eb' li simaj na'uxk wi' yalok ut tixpuktesi resilal li tuqtuukilal reheb' li tenamit. Li xwankilal taawulaq chire jun palaw toj chire li jun chik, ut chalen chire li nima' Éwfrates toj sa' xmaril li ruuchich'och'.

Miqueas 5:15

Chirix chik a'an, rik'in linjosq'il tin'eeqajunq sa' xb'eeneb' li tenamit li ink'a' xe'ab'ink”.

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Isaías 60:12

Li tenamit ut li awab'ejihom li ink'a' naraj k'anjelak chawu, te'sache'q ut te'oso'q chi junwaakaj.

Isaías 51:5

Ak xnach'ok chaq linraqb'a aatin, chi seeb' taachalq linkolb'a ib', ut rik'in linwankil tinjolomiheb' li tenamit. Wik'in neke'oyb'enink li tenamit wankeb' chaq chire li palaw, ut kaweb' xch'ool rik'in linwankilal.

Isaías 25:3

Jo'kan naq jun tenamit jwal kaw rib' neke'xk'e aaloq'al, ut eb' li poyanam li jwal josq'eb' neke'xxiwa aawu.

Isaías 9:7

K'ajo'aq li xwankilal, ut li tuqtuukilal maak'a'aq roso'jik sa' li xk'ojarib'aal laj David ut li x'awab'ejihom: a'an taak'ojob'anq re li xwankil sa' xb'een li tiikilal ut li k'ulub'ej chalen anaqwan ut toj chiruheb' li kutan chaalel. Ut a'in taa'uxmanq sa' xk'ab'a' li xnimal xrahom li Nimajwal Yos!

Salmos 82:8

Xaqlin, at Qaawa', ut raqon aatin sa' xb'een li ruuchich'och', xb'aan naq laa'at laj eechal re chixjunileb' li tenamit!

Salmos 72:7

Chi'atz'umaq li tiikil ch'oolej naq wanq chi awab'ejil; k'ajo'aq li tuqtuukilal jo' najtil twanq li po sa' xb'een li ruuchich'och'.

Salmos 46:9

Kimqex chi rilb'al li xb'aanuhom li Qaawa', cheka'ya li sachb'ach'oolej xb'aanu sa' ruuchich'och'.

1 Samuel 2:10

Li Qaawa' naxjuk' xwankil eb' li xik' neke'ilok re, li Nimajwal Yos namoqk chaq xyaab' toj sa' choxa. Li Qaawa' naraqok chaq aatin toj sa' xmaril li ruuchich'och', naxk'e xwankil li na'awab'ejink re li xtenamit ut naxnima xwankil li sik'b'il ru xb'aan”.

Salmos 72:3

Eb' li tzuul ut eb' li b'ool te'xk'am ta chaq li tuqtuukilal ut tiikilal re li tenamit.

Zacarías 8:20

“Jo'ka'in naxye li Nimajwal Yos: Toj te'chalje'q li poyanam re kok' ut xninqal tenamit.

Salmos 46:10

A'an xch'anab'ank re li yalok toj sa' xmaril li ruuchich'och', xtoqi li xna' simaj ut xjach li jutz' che'; a'an xk'ehok xxamlel li ramleb' ch'iich'.

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.