Miqueas 4:12 - Q'eqchi Bible

¹² Ab'an eb' a'an ink'a' neke'xnaw li xk'a'uxl li Qaawa' chi moko neke'xtaw ru li k'aru naraj; ink'a' neke'xnaw naq A'an xch'utub'ank reheb' jo' na'uxk re li triiw sa' xq'ehil risinkil li rix.

Li Santil hu

¹² Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix.

Miqueas 4:12 ပူးပေါင်းရင်းမြစ်များ

Isaías 55:8

Xb'aan naq link'a'uxl moko jo' ta leek'a'uxl laa'ex, chi moko linb'e jo' ta leeb'e -chan li Qaawa'-.

Jeremías 29:11

Laa'in wank sa' inch'ool k'aru tinb'aanu cho'q eere: twaj texwanq sa' tuqtuukilal ut ink'a' sa' rahilal, re naq toxeetaw xsahil eech'ool chi junelik. Laa'in, li Qaawa', ninyehok re a'in.

San Lucas 3:17

Ak wan chaq xk'anjelob'aal sa' li ruq' re xyamtesinkil li xch'oxleb'aal: tixk'uula li xtriiw sa' li xk'uuleb'aal, ab'an li xk'imal tixk'at sa' xam li maajoq'e taachupq”.

Isaías 21:10

Ex intenamit, q'axal ra xek'ul jo' na'uxk re li triiw nayeq'iik re risinkil li rix. Li k'aru xwab'i rik'in li Nimajwal Yos, li xYos laj Israel, a'an ajwi' li xinnumsi chawu.

Salmos 147:19

Naxpuktesi li raatin re laj Jakob, naxk'ut li xchaq'rab' ut li xtaqlahom chiru laj Israel.

Salmos 147:20

Ink'a' xb'aanu a'in re jun chik tenamit, chi moko xk'e chi xnaweb' junaq li xchaq'rab'. Aleluya!

Isaías 10:7

Ab'an li awab'ej re Asiria ink'a' naxk'oxla a'an, chi moko nanume'k sa' xch'ool chi jo'kan. Li xk'a'uxl a'an junes xkamsinkil ut xsachb'al naab'aleb' chi tenamit.

Isaías 29:7

Chixjunileb' li k'iila tenamit li neke'yalok rik'in Ariel, eb' li neke'rahob'tesink re Jerusalén ut neke'xjuk'eb' li ochoch najt xteram, chanchanaqeb' aj chik li matk' ut li moy u naq te'oso'q.

Jeremías 51:20

“At Babilonia, chanchanat li tenleb' sa' wuq', laa'at link'anjelob'aal re yalok. Wochb'eenat naq xinsacheb' ru li xninqal ru tenamit ut xinjuk'eb' li xwankilaleb'.

Joel 3:2

Tinch'utub'eb' chixjunil li tenamit ut tink'ameb' sa' xtaq'ahil Josafat. Aran tinraqoq aatin sa' xb'eeneb' chirix laj Israel, xb'aan naq ke'xcha'cha'i lintenamit ut li weechanihom, sa' chixjunil li ruuchich'och', ut ke'xjek'i linna'aj chirib'ileb' rib'.

Jeremías 51:33

Xb'aan naq li Nimajwal Yos, li xYos laj Israel, xye chi jo'ka'in: “Li tenamit Babilonia a'an chanchan li na'ajej na'isimank wi' li rix li triiw; wulak re xkutankil li q'olok!”.