Miqueas 4:1 - Q'eqchi Bible

¹ Chiruheb' li kutan chaalel li tzuul wan wi' li rochoch li Qaawa' taawakliiq chi nimaq xwankil sa' xb'eeneb' chixjunileb' li b'ool, ut q'axal nimaq xteram chiruheb' chixjunil li tzuul. Chixjunileb' li tenamit te'chalq aran;

Li Santil hu

¹ Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit.

Miqueas 4:1 ပူးပေါင်းရင်းမြစ်များ

Jeremías 3:17

Chiruheb' li kutan a'an, Jerusalén tixk'ab'a'in: «Xk'ojarib'aal li Qaawa'», ut chixjunileb' li tenamit te'xch'utub' rib' rik'ineb' laj Jerusalén sa' xk'ab'a' li Qaawa', chi ink'a' chik taaxik xch'ooleb' chirix li maa'usilal xk'uub'ahomeb' xb'aanunkil.

Salmos 22:27

Te'tzekanq li neb'a' ut taak'ojlaaq xch'ooleb'; eb' li neke'sik'ok re li Qaawa', te'xnima ru ut najtaq roq li xyu'ameb'.

Zacarías 8:3

“Jo'ka'in naxye li Qaawa': Tinsutq'iiq wi' chik Sión ut tink'ojlaaq sa' xyi li tenamit Jerusalén. Xtenamit li tiikil ch'oolej taayeemanq re Jerusalén, ut Santil Tzuul tixk'ab'a'in li xtzuulil li Nimajwal Yos.

Salmos 86:9

At Qaawa', laa'at xayiib' chixjunileb' li tenamit, ut eb' a'an tule'xwiq'ib' rib' chawu: te'chalq chi xk'eeb'al xloq'al laak'ab'a'.

Hechos 2:17

«Taak'ulmanq sa' roso'jikeb' li kutan, chan li Yos: Tinhoy linMusiq' sa' xb'eeneb' chixjunil. Eb' leeralal ut leerab'in te'aatinaq jo' propeet; eb' leesaaj al te'moyuhoq ut leecheekelal te'matk'eq matk'.

Oseas 3:5

Ab'anan taawulaq xq'ehil naq eb' laj Israel te'sutq'iiq chaq. Tole'xsik' li Qaawa', li xYoseb', jo' ajwi' laj David, li x'awab'ejeb'. Sa' roso'jikeb' li kutan te'chalq chi siksootqeb' chiru li Qaawa' ut te'xyal wi' chik li rusilal.

Ezequiel 43:12

A'an a'in li xchaq'rab'il linloq'laj ochoch: chixjunil li ch'och' li wank chi xsutam, a'an santil na'ajej ut q'axal loq'”.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Zacarías 2:11

Sa' li kutan a'an naab'aleb' li tenamit te'chalq wik'in, ut a'anaqeb' ajwi' lintenamit. Ut laa'in tinhilanq sa' eeyanq. Chi jo'kan taanaw naq a' li Nimajwal Yos xtaqlank chaq we aawik'in.

Isaías 54:2

Nimob'resi xsa' li muheb'aal wankat wi', seeb'a aawib' chi xhelb'al li xt'ilkem; tiq roq li xk'aamal ut lap chi cham eb' li che' neke'chapok re,

Apocalipsis 20:4

Moqon kiwileb' li k'ojarib'aal, b'arwi' ke'k'ojlaak eb' li ke'k'ehe'k xwankil chi raqok aatin. Kiwil li raanmeb' li ke'ch'ote'k xjolom sa' xk'ab'a' Raatin li Yos jo'wi' xb'aan naq ke'xch'olob' resil li Jesus, ut kiwil chixjunileb' li ink'a' ke'xloq'oni li josq' aj xul chi moko li xjalam u: eb' li ink'a' xk'ulumeb' li reetalil chi xpeekemeb' malaj chi ruq'eb'. Eb' a'in ke'wakliik wi' chik chi yo'yo ut ke'awab'ejink rochb'een li Kriist chiru jun mil chihab'.

Apocalipsis 11:15

Li xwuq ánjel kixyaab'asi li xtronpeet, ut ke'ab'iik sa' choxa xyaab' kuxej q'axal kaw, yookeb' chi xyeeb'al: “Ak xk'ulunk li x'awab'ejihom li Qaawa': li qaYos ut li xKriist te'taqlanq sa' xb'een li ruuchich'och', ut te'awab'ejinq chi junelik q'e kutan”.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

Daniel 7:27

Toja' naq li awab'ejihom, li wankilal ut li xnimal loq'al junsut junrub'el choxa taaq'axtesimanq reheb' li sik'b'ileb' ru xb'aan li Nimajwal Yos. Li x'awab'ejihomeb' taawanq chi junelik, ut chixjunileb' li wankeb' xwankil te'k'anjelaq ut te'paab'anq chiruheb'».

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

Isaías 49:6

“Moko tz'aqal ta naq aj k'anjelat chiwu yal re xwaklesinkil li xteepal laj Jakob ut xsutq'isinkileb' chaq wi' chik eb' laj Israel li xe'kole'k. Xatinxaqab' aj b'an wi' cho'q xsaqenkeb' li poyanam, re naq taawulaq linkolb'a ib' toj sa' xmaril li ruuchich'och'”.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Daniel 7:18

Ab'an taawulaq xq'ehil naq eb' li sik'b'ileb' ru xb'aan li Nimajwal Yos te'k'ehe'q xwankil ut a'aneb' chik te'reechani li awab'ejihom junq'e junq'e kutan», chan.

Daniel 7:14

Ut kik'ehe'k xwankil, xloq'al ut x'awab'ejihom, ut chixjunileb' li tenamit, eb' li poyanam li jalan jalanq li raatinob'aaleb' ke'ok chi k'anjelak chiru. Li xwankilal wanq chi junelik ut ink'a' taa'oso'q; ut li x'awab'ejihom maajoq'e taasachmanq.

Daniel 2:35

Kijuk'e'k chixjunil li jalam u ut kixk'aji rib': li ch'iich' ut li seb', li q'anch'iich', li plaat ut li oor chanchan junes chaqik'im sa' saq'ehil naq xkanaak, ut xk'ame'k chixjunil xb'aan li iq' chi ink'a' xkanaak reetalil. Ab'an li pek li xjuk'uk re li jalam u, xkanaak cho'q nimla tzuul ut xram ru chixjunil li ruuchich'och'.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Ezequiel 40:2

Sa' moy u kinxk'am toj sa' li tenamit a'an ut koxinxxaqab' sa' xb'een jun najt xteramil tzuul, chanchan wi' kab'lanb'il jun tenamit sa' xb'een, na'ilok sa' xjayal releb'l saq'e.

Ezequiel 38:16

ut taakut aawib' sa' xb'eeneb' laj Israel, lintenamit. Chanchanaqat jun li q'oqyinkil choql tixmoy li ruuchich'och', a Gog. Sa' roso'jikeb' li kutan tatintaqla chaq sa' xb'een lintenamit, re naq eb' li tenamit junch'ol te'xnaw naq laa'in li Qaawa', naq sa' laak'ab'a' tink'ut linsantilal chiruheb'.

Jeremías 48:47

Ab'anan laa'in, sa' roso'jikeb' li kutan, tink'ameb' chaq wi' chik eb' laj Mohab sa' li xna'ajeb'”, chan li Qaawa'. Arin xraqe'k resilal li rahilal te'xk'ul eb' laj Mohab.

Jeremías 16:19

At Qaawa', laa'at linkawilal ut li xkawub' linch'ool; laa'at nakatkolok we naq wankin sa' rahilal. Toj sa' xkaaxukuutil li ruuchich'och' te'chalq aawik'in chixjunileb' li tenamit ut te'xye aawe: “Relik chi yaal naq junes jalanil yos, maak'a' aj e ut maak'a'eb' xwankil li ke'xloq'oni eb' li qana' qayuwa'.

Isaías 43:6

Tinye reheb' li wankeb' sa' xjayal releb'l iq': «Q'ajsihomaq chaq we», ut reheb' li wankeb' sa' xjayal xsak'leb' iq': «Maarameb' chik. K'ameb' chaq we eb' li walal ink'ajol toj chi najt, chalen chaq sa' xmaril li ruuchich'och';

Isaías 27:13

Sa' li kutan a'an taayaab'asiiq jun nimla pur, ut eb' li ke'xcha'cha'i rib' Asiria jo' ajwi' li ke'k'ame'k Ejiipt te'chalq chi xloq'oninkil ru li Qaawa', arin Jerusalén, sa' li santil tzuul.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Génesis 49:10

Ink'a' taa'isiiq li xuq' rik'in laj Judá, chi moko li reetalil xwankil taa'elq sa' xyanq li roq, toj reetal taachalq li tento tixk'ul a'an, a' li tento taapaab'aaq xb'aaneb' li tenamit.

Génesis 49:1

Laj Jakob kixb'oqeb' chaq li ralal ut kixye reheb': “Ch'utub'omaq eerib' ut tinye resil eere li k'aru teek'ul sa'eb' li kutan chaalel.

2 Pedro 3:3

Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

Daniel 10:14

Ut anaqwan xinchalk re xch'olob'ankil xyaalal li k'aru tixk'ul laatenamit chiruheb' li kutan chaalel, xb'aan naq toj wank chik jun moy u chirixeb' li kutan a'an».

Daniel 7:22

toj kik'ulunk li cheekel winq chi raqok aatin, xb'aan naq wulajenaq chik xhonalil naq li xtenamit li Yos ke'xk'ul li awab'ejihom.

Salmos 48:1

B'ich. Xsaalm eb' li ralal xk'ajol laj Koré.

Isaías 56:7

laa'in teb'ink'am chaq wik'in sa' linloq'laj tzuul ut tinsahob'resi xch'ooleb' sa' li wochoch na'uxk wi' tijok. Tink'ulub'an li xyeechi'omeb' ut eb' li xk'atb'il mayej sa' xb'een lin'artal, xb'aan naq li wochoch tixk'ab'a'in rochochil li tijok cho'q reheb' chixjunil li tenamit.

Jeremías 26:18

“Chiru xyu'amil laj Esekías, awab'ej re Judá, laj Mikeas aj Moréset ki'aatinak sa' xk'ab'a' li Qaawa' naq kixye reheb' chixjunil li tenamit: «Jo'ka'in xye li Nimajwal Yos: Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos».

Jeremías 31:12

“Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Zacarías 14:10

Chixjunil li na'ajej a'an junes taq'a taakanaaq wi', chalen Keba toj Rimón, sa' xjayal rokeb'l iq' re Jerusalén. Ka'ajwi' Jerusalén tkanaaq taqe'q sa' xna'aj, ut wanqeb' xpoyanamil, chalen sa' li Rokeb'aal laj Benjamín toj sa' li Najter Okeb'aal, a' li Okeb'aal li wank sa' xuk; ut chalen wan wi' li najt xteramil rochoch laj Jananel toj sa' li xyatz'leb'aal aseeyt li awab'ej.