Miqueas 3:8 - Q'eqchi Bible

⁸ A'ut laa'in li xmusiq' li Qaawa' nak'ehok inkawilal; nujenaqin chi tiikil ut kawil ch'oolej re xch'olob'ankil chiru laj Jakob li xq'etq'etil ut chiru laj Israel li maak xb'aanu.

Li Santil hu

⁸ Abanan la̱in cuan lix musikꞌ li Ka̱cuaꞌ cuiqꞌuin. Ut aꞌan naqꞌuehoc incuanquil. Aꞌan nacꞌutuc chicuu cꞌaꞌru li ti̱quilal ut aꞌan li naqꞌuehoc xcacuil inchꞌo̱l re nak tinye reheb laj Israel li ralal xcꞌajol laj Jacob nak yo̱queb chixtzꞌekta̱nanquil li Dios. Ut naxqꞌue ajcuiꞌ xcacuil inchꞌo̱l re nak tinye reheb nak cuan xma̱queb.

Miqueas 3:8 ပူးပေါင်းရင်းမြစ်များ

Isaías 58:1

“Jap aawe chi aatinak chi maak'a' aaxiw -chan we li Qaawa'-, aatinan chi kaw xyaab' aakux jo' junaq pur; ch'iilaheb' lintenamit xb'aan li xq'etq'etileb', a'eb' li ralal xk'ajol laj Israel xb'aan li xmaakeb'.

1 Corintios 2:4

Xin'aatinak ut xinch'olob' xyaalal moko rik'in ta xchaq'alil ru aatin neke'q'unb'esink ch'oolej, rik'in b'an li xk'utb'esinkil rib' xwankil li Musiq'ej,

Ezequiel 43:10

At kaamel winq, seeraq'i reheb' laj Israel li k'aru xawil ut li xb'isb'al li loq'laj ochoch a'in, re naq te'xutaanaq xb'aan li xmaakeb'.

Ezequiel 16:2

“At kaamel winq, k'e chi xnaw Jerusalén li xa'b'eetalil naxb'aanu,

Li xHu LAJ JOB 32:18

Wank naab'al li aatin nawaj xyeeb'al ut ink'a' chik ninkuy royb'eninkil.

San Mateo 7:29

xb'aan naq naxtzoleb' chi wank xwankil, ut ink'a' jo'eb' laj tz'iib'.

Ezequiel 22:2

“At kaamel winq, raqon aatin sa' xb'een li tenamit aj kamsinel ras riitz'in; k'e chixnaw chixjunil li maa'usilal xb'aanu,

Ezequiel 20:4

Ma ink'a' tab'i' laa'at taaraq aatin sa' xb'eeneb', at kaamel winq? Raqon aatin sa' xb'eeneb' sa' ink'ab'a' ut jultika reheb' li maa'usilal ke'xb'aanu li xxe'toonil yuwa'eb'.

Ezequiel 3:14

Li xmusiq' li Yos kinxtaqsi ut kinrisi aran; ut laa'in kohin chi ra sa' linch'ool ut yo injosq'il, chi chapchookin chi kaw xb'aan li ruq' li Qaawa'.

Jeremías 20:9

Rajlal naq ninye: “Ink'a' chik tink'oxla li Qaawa' chi moko tin'aatinaq chik sa' xk'ab'a' A'an”, ab'anan laawaatin chanchan jun li xam lochlo sa' linch'ool, li naxk'at chaq xsa'eb' linb'aqel. Us ta nawaj raj xchupb'al, ab'anan ink'a' ninruuk xb'aanunkil.

Jeremías 1:18

Sa' li kutan a'in xatinxaqab' jo' jun kawub'resinb'il ochoch; chanchanat chik jun li oqech ut suttz'ak q'anch'iich', re naq kawaqat chi xkolb'al aawib' chiru chixjunil li tenamit a'in: chiruheb' li awab'ej re Judá ut chiruheb' li ninqeb' xwankil, chiruheb' laj tij jo'wi' chiruheb' chixjunil li poyanam.

Jeremías 6:11

K'ajo' linjosq'il xb'aaneb', at Qaawa', jo' laajosq'il laa'at. Ink'a' chik ninkuy”. Li Qaawa' kixye we: “Isi laajosq'il sa' xb'eeneb' li kok'al wankeb' sa' b'e ut sa' xb'eeneb' li junq ch'uut chi saaj al. Te'chape'q li b'eelomej, eb' li ixaqilb'ej jo'wi' eb' li poyanam xikenaqeb' xchihab'.

San Marcos 3:17

laj Santiago, ralal laj Sebedeo, ut laj Jwan, riitz'in laj Santiago, li Boanerges chik kik'ehe'k cho'q xk'ab'a'eb' (chi jalb'il ru naraj naxye: ralaleb' li kaaq);

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Isaías 61:2

re xyeeb'al resil jun chaab'il chihab' sa' xk'ab'a' li Qaawa', a' li xkutankil li eeqajunk cho'q re li qaYos. Li Qaawa' xinxtaqla chaq re xk'ojob'ankil xch'ooleb' chixjunileb' li yookeb' chi yaab'ak.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Ezequiel 23:36

Moqon li Qaawa' Yos kixye we: “At kaamel winq, ma taawaj raqok aatin sa' xb'eeneb' lix Oholá ut lix Oholibá? Ye reheb' chixjunil li maa'usilal ke'xb'aanu.