Miqueas 3:5 - Q'eqchi Bible

⁵ A'an a'in xyehom li Qaawa' reheb' li propeet li neke'b'alaq'ink re lintenamit: tuqtuukilal neke'xtz'aama sa' xb'eeneb' li neke'k'ehok reheb' chi wa'ak, ab'an eb' li ink'a' neke'xk'eheb' chi tzekank neke'xtz'aama rahilal sa' xb'eeneb':

Li Santil hu

⁵ Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Miqueas 3:5 ပူးပေါင်းရင်းမြစ်များ

Jeremías 6:14

Yal neke'xkotz b'ayaq li xrahilaleb' lintenamit rik'in xyeeb'al: «Tuqtuukilal, tuqtuukilal»; ab'anan maak'a' li tuqtuukilal.

Jeremías 23:32

Tink'eheb' chi xtojb'al xmaakeb' li propeet li neke'xseeraq'i li tik'ti' aj matk', ut neke'xk'e chi sachk lintenamit rik'in li xk'iila seeraq'eb'. Moko laa'in ta xintaqlank reheb' chi moko inchaq'rab'ihomeb'; jo'kan naq moko tz'aqaleb' ta re xtenq'ankileb' li tenamit -chan li Qaawa'-.

Romanos 16:18

xb'aan naq eb' a'an ink'a' neke'xk'anjela ru li Kriist li Qaawa', a' chik li xsa'eb' neke'xk'anjela ru, ut rik'in chaab'il q'unil aatin neke'xb'alaq'i li q'uneb' xch'ool sa' xpaab'aaleb'.

San Mateo 15:14

Kanab'omaqeb' xb'aan naq mutz'eb' ut aj b'eresihom mutz'eb'. Ut wi junaq mutz' naxb'eresi junaq rech mutz'il, chi xkab'ichaleb' te't'ane'q sa' jul.

San Mateo 7:15

“Chekolaq eerib' chiruheb' li propeet aj b'alaq': neke'chalk eerik'in chi tiqtookeb' chaq rik'in rix karneer, ab'an sa'eb' li xch'ool chanchaneb' li josq' aj xojb'.

Malaquías 2:8

Ab'anan xekanab' xtaaqenkil li chaab'il b'e; ut naab'al xeluktasiheb' xch'ool rik'in leek'utum. Chi jo'kan xesach xwankil linsumwank rik'in laj Leví -chan li Nimajwal Yos-.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Miqueas 2:11

Wi wan junaq propeet li taayehoq tik'ti' eere: “Teeruk' naab'al li b'iin ut li ha' nakaltesink”, cha'aq, a'an tz'aqal li propeet nekeraj rab'inkil; a'an tz'aqal xk'ulub' li tenamit a'in.

Jeremías 23:27

Rik'in li matk' li neke'xseeraq'i chirib'ileb' rib', neke'raj naq lintenamit tinxtz'eq chirix li xch'ool, kama' ke'xb'aanu chaq eb' li xna' xyuwa'eb' naq kinsachk sa' xch'ooleb' ut ke'ok chi xloq'oninkil ru laj Bahal.

Isaías 3:12

Jun saaj al yo chi rahob'tesink re lintenamit, ut ixqeb' li neke'numtaak sa' xb'een. Ex intenamit, eb' laj k'amol eeb'e yookeb' cheb'alaq'inkil ut chi xk'amb'al eeb'e chi xb'aanunkil li ink'a' us.

Joel 3:9

Yehomaq resil a'in sa' chixjunileb' li tenamit: Kawresihomaq eerib' chi yalok sa' xk'ab'a' li Qaawa', ch'utub'omaqeb' li jwal kaweb' rib'; chalqeb' chixjunileb' li yo'oon wankeb' chi yalok.

Proverbios 28:21

Moko us ta xtiib'aleb' ru li poyanam; wankeb' li neke'xb'aanu a'in yal xb'aan junwa'al chi wa.

Jeremías 6:4

“Kawresihomaq eerib' chi yalok rik'in Jerusalén -cha'qeb'-. Waklinqex ut yo'qeb' chi yalok rik'ineb' tuqtu wa'leb'! Ab'anan q'axal toq'ob' qu xb'aan naq ak yo chi ewuuk, ok re li q'oqyink.

Lamentaciones 2:14

Eb' laapropeet junes b'alaq'il moy u xe'xseeraq'i aawe; ink'a' xe'xch'olob' laamaak re raj xjalb'al laak'a'uxl. Junes b'alaq'il moy u ut tik'ti' xe'xye aawe.

Ezequiel 13:9

Tintaqsi li wuq' sa' xb'eeneb' li propeet li neke'ilok b'alaq'il moy u ut neke'yehok tik'ti'. Eb' a'an moko te'okenq ta chi k'uub'ank sa' xyanqeb' lintenamit chi moko tz'iib'anb'ilaq li xk'ab'a'eb' sa' xhuhul eb' laj Israel. Ink'a' te'ok sa' xteepal Israel. Toj aran te'xnaw naq laa'in li Qaawa'».

Oseas 4:5

Tatt'ane'q sa' li maak chi kutan, ut chiru q'oqyink taamaakob'q chik li propeet aawochb'een; ut laa'in tinsach ru laana'.