Miqueas 3:1 - Q'eqchi Bible

¹ Ut laa'in xinye: “Ab'ihomaq anaqwan, laa'ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Ma ink'a' tab'i' sa' eeb'een wank xnawb'al k'aru li tiikilal?

Li Santil hu

¹ Ut quixye laj Miqueas: —Abihomak anakcuan la̱ex li nequexcꞌamoc be saꞌ xya̱nkeb li ralal xcꞌajol laj Jacob. Abihomak la̱ex li cuan e̱cuanquil saꞌ xya̱nkeb li ralal xcꞌajol laj Israel. ¿Ma incꞌaꞌ ta biꞌ tento ajcuiꞌ saꞌ e̱be̱n la̱ex xtaubal ru li ti̱quilal?

Miqueas 3:1 ပူးပေါင်းရင်းမြစ်များ

Oseas 5:1

“Ex aj tij, ab'ihomaq a'in; ex aj k'amol xb'eheb' laj Israel, q'esaq leexik chi ab'ink; laa'ex li wank eewankil sa' rochoch li awab'ej, k'ehomaq reetal: sa' eeb'een laa'ex taa'uxmanq li raqok aatin, xb'aan naq xeluktasi xch'ooleb' li tenamit aran Mispá ut xera'leheb' li poyanam sa' xb'een li tzuul Tabor.

Isaías 1:10

Ex jolomil re Sodoom, ab'ihomaq li raatin li Qaawa', ex aj Gomoor, k'ehomaq eech'ool chi rab'inkil li naxye li qaYos:

1 Corintios 6:5

Xk'utb'al eexutaan ninye wi' a'in. Ma maak'a' junaq sa' eeyanq wank xna'leb' re raqok aatin sa' xb'eeneb' li ras riitz'in?

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Deuteronomio 16:18

“Taaxaqab'eb' aj raqol aatin ut aj nawonel chaq'rab' cho'q reheb' laateepal, sa' li junjunq chi tenamit tixk'e aawe li Qaawa' laaYos. A'aneb' te'raqoq aatin sa' xb'een li tenamit rik'in tiikil ch'oolej.

Ezequiel 9:9

Li Qaawa' kichaq'ok ut kixye we: “Q'axal numtajenaq li xmaakeb' laj Israel ut eb' laj Judá. Nujenaq chi kamenaq chixjunil li tenamit; maak'a' chik tiikilal aran Jerusalén. Sa' xch'ooleb' a'an naq xinkanab' xjunes li tenamit ut ink'a' nawil li k'aru yookeb' chi xb'aanunkil.

Ezequiel 34:2

“At kaamel winq, aatinan sa' ink'ab'a' ut ye reheb' li neke'k'aak'alenk re Israel: «Jo'ka'in xye li Qaawa': Ra chaalel sa' xb'eeneb' li neke'k'aak'alenk re Israel, xb'aan naq yal xjuneseb' rib' neke'xch'oolani rib'. Ma ink'a' tab'i' a'eb' li ketomq tento rilb'aleb'?

Miqueas 2:13

K'amolb'ehaq li Qaawa' chiruheb', ut eb' a'an te'xik chirix ut te'nume'q sa' rokeb'aal li tenamit. Li Qaawa' a'an li x'awab'ejeb' ut taaxik chi uub'ej: aj k'amolb'ehaq chiruheb' chixjunil.

Nehemías 13:17

Toja' naq keb'inq'us chi kaw li wankeb' chi jolomink re Judá ut kinye reheb': “K'ajo' xyib'al ru yookex naq nekemux li kutan sábado!

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.

Ezequiel 22:6

Wankeb' aawik'in eb' li xjolomileb' laj Israel, ut junes kamsink ras riitz'in neke'xb'aanu, a' yaal chanru li xwankileb'.

Ezequiel 34:3

Laa'ex nekex'uk'ak re li xya'al xtu' li karneer, nekeyiib' leeb'aatal chiru li rixeb' ut li rismaleb'; nekekamsi eb' li jwal ninqeb' xtib'el, ab'anan ink'a' nekerileb' chi us leekarneer.

Amós 6:1

Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.