Miqueas 2:9 - Q'eqchi Bible

⁹ Nalajerisi eb' li ixq sa' li rochocheb' q'axal raaro xb'aaneb', ut nekemaq' xloq'aleb' li ralal xk'ajoleb' li ink'ehom reheb' laa'in.

Li Santil hu

⁹ Eb li ixk li cuanqueb saꞌ lin tenamit xera̱linaheb nak xerisiheb saꞌ li rochocheb li cuanqueb cuiꞌ chi sa saꞌ xchꞌo̱leb. Ut xeram ajcuiꞌ chiruheb lix cocꞌaleb re nak incꞌaꞌ chic tineꞌxlokꞌoni.

Miqueas 2:9 ပူးပေါင်းရင်းမြစ်များ

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Ezequiel 39:21

“Chi jo'kan tink'ut linloq'al chiruheb' li tenamit ut chixjunileb' te'ril li raqok aatin ut rahob'tesink tinb'aanu.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

2 Corintios 3:18

Chiqajunilo laa'o li naqajalam'uuchi xloq'al li Qaawa' jo' sa' junaq lem chi maak'a' xtz'apb'al li xnaq' qu, yooko chi jalano'k jo' tz'aqal A'an: rajlal yo chi k'ihank li qaloq'al; ut a'in naxb'aanu li Qaawa' xb'aan naq a'an Musiq'ej.

San Lucas 20:47

neke'xchoy xsa' li xjunkab'aleb' li xmalka'an, ut najt roq li tijok neke'xb'aanu yal re xk'utb'aleb' rib'. Eb' a'an q'axal ra taaraqmanq wi' aatin sa' xb'eeneb'.

San Marcos 12:40

neke'xchoy xsa' xjunkab'aleb' li xmalka'an, ut najt roq li tijok neke'xb'aanu yal re xk'utb'aleb' rib'. Eb' a'an q'axal ra taaraqmanq wi' aatin sa' xb'eeneb'”.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Zacarías 2:5

Ab'anan naxye li Qaawa': Laa'in chik li xsuttz'akil; chanchanaqin xam chi xsutam lintenamit, ut linloq'al wanq aran sa' xyanqeb'»”.

Miqueas 2:2

Neke'rahink jalanil ch'och', ut neke'reechani; neke'rataw junaq ochoch, ut neke'relq'a. Neke'xrahob'tesi laj eechal junkab'al ut eb' li wankeb' chisa', li winq jo'wi' li k'aru re.

Joel 3:6

xek'ayi eb' laj Judá ut eb' laj Jerusalén reheb' laj Grecia re risinkileb' sa' li xna'ajeb'.

Jeremías 10:20

Juk'b'ileb' chik linmuheb'aal anaqwan ut chixjunileb' li xk'aamal xet'upe'k. Eb' li walal ink'ajol xine'xkanab' injunes ut maajun chik xkanaak. Maajun chik taawaklesinq re linmuheb'aal ut maa'ani chik taaheloq re li xt'ikrul.

Salmos 72:19

Usilaatinanb'il taxaq li xloq'laj k'ab'a' chi junelik; chinujaq taxaq chixjunil li ruuchich'och' rik'in xloq'al! Jo'kan taxaq, jo'kan taxaq!

1 Samuel 26:19

At awab'ej, chakuy inmaak, chawab'i li raatin laamoos anaqwan. Wi a' li Qaawa' yo chi taqlank aawe chi xxikb'al wilb'al, chiq'unob'resiiq xch'ool rik'in mayej. Ab'an wi yal winq xe'yehok naq taab'aanu rahilal we, majewanb'ilaqeb' taxaq xb'aan li Qaawa', xb'aan naq xine'risi anaqwan sa' li ch'och' a'in reechanihom li Qaawa', re naq tinloq'oni eb' li jalanil yos.

Amós 2:7

Neke'xyeq'i chiru ch'och' eb' li neb'a' ut neke'xsachb'esi xna'leb'eb' li kub'enaqeb' xwankil. Li alalb'ej ut li yuwa'b'ej neke'wank rik'in jun chi ixq, ut chi jo'kan neke'xmux linsantil k'ab'a'.