Miqueas 2:8 - Q'eqchi Bible

⁸ Laa'ex nekexnumtaak sa' xb'een lintenamit. Nekemaq' li xchaab'il aq'eb' li neke'sutq'iik chaq chi yalok chi saheb' sa' xch'ool.

Li Santil hu

⁸ Li Ka̱cuaꞌ quixye reheb: —Junxil la̱ex intenamit, abanan anakcuan xicꞌ chic niquine̱ril. Xemakꞌ li rakꞌeb li yo̱queb chi numecꞌ saꞌ xya̱lal, li incꞌaꞌ nequeꞌxcꞌoxla pletic.

Miqueas 2:8 ပူးပေါင်းရင်းမြစ်များ

Isaías 9:21

Eb' laj Manasés ut eb' laj Efraín neke'xkamsi rib' chirib'ileb' rib', ut chi xkab'ichaleb' junxikikeb' chi xsachb'al laj Judá. Ab'anan ink'a' ajwi' xch'anaak xjosq'il li Qaawa' ut toj yo chi xrahob'tesinkileb' li tenamit.

Salmos 55:20

Li Yos taarab'i li waatin ut tixsacheb' xwankil; a'an na'awab'ejink chalen chaq ut junelik. Xb'aan naq ink'a' te'xkanab' li maa'usilal, tik ink'a' neke'xxiwa ru li Yos.

2 Samuel 20:19

Li qatenamit q'axal naraj wank sa' tuqtuukilal ut tiikilal. A'an jwal nim xwankil sa' xyanqeb' li tenamit re Israel. Ut laa'at taawaj xsachb'al chi junajwa! K'a'ut naq taawaj xsachb'al li reechanihom li Qaawa'?”.

Jeremías 12:8

Xb'aan naq lintenamit li jwal ninra xik' xinril jo' jun li kaqkoj sa' li k'iche'. Xe'xjap reheb' sa' inb'een; jo'kan naq xeb'intz'eqtaana.

Miqueas 3:2

Ab'anan laa'ex neketz'eqtaana li us, ut a' chik li maa'usilal nekera; nekerahob'tesiheb' lintenamit toj chiru li xb'aqeleb'.

Miqueas 3:3

Neketz'ub' xkik'eleb' lintenamit; nekemich' li xtz'uumaleb' ut nekejori li xb'aqeleb', jo' na'uxk re li tib' nachiqe'k sa' uk'al.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.