Miqueas 2:4 - Q'eqchi Bible

⁴ Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

Li Santil hu

⁴ Ut saꞌ eb li cutan aꞌan, eb li xicꞌ nequeꞌiloc e̱re texhob ut texretzꞌu ut teꞌxbicha li bich li nequebicha la̱ex yal re e̱hobbal: La̱o xo-osoꞌ. Xkasach chixjunil. Li Ka̱cuaꞌ quixmakꞌ chiku li kachꞌochꞌ ut quixjeqꞌui reheb li queꞌchapoc ke, chaꞌkeb e̱re.

Miqueas 2:4 ပူးပေါင်းရင်းမြစ်များ

Habacuc 2:6

Ab'anan chixjunileb' li eechaninb'il tenamit te'xse'e li ke'eechanink reheb', yooqeb' chi xyeeb'al: “Ra chaalel sa' aab'een laa'at li xatb'ihomo'k rik'in li moko aawe ta! Toj jo'q'e taakanab' xch'utub'ankil li b'ihomal li wank chi to' aawik'in?”.

Miqueas 1:15

Li Qaawa' xye chi jo'ka'in: “Toj tintaqla junaq aj chapol eere laa'ex aj Maresá. Ut li xloq'al li tenamit Israel toxmuqe'q sa' li ochoch pek re Adulán.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Isaías 24:3

Taasache'q chi junajwa li ruuchich'och', tik maak'a' chik tkanaaq chiru, xb'aan naq jo'kan xyehom li Qaawa'.

Isaías 6:11

Ut laa'in kinpatz' re: “Jo'q'e taak'ulmanq a'an, at inQaawa'?”, chankin. Ut a'an kixye we: “Toj reetal te'juk'manq eb' li tenamit ut maajun chik poyanam wanqeb' chisa'; toj te'oso'q chixjunileb' li winq sa'eb' li ochoch ut nakirirnak te'kanaaq eb' li k'aleb'aal,

Deuteronomio 28:29

tatb'eeq chi yal taamaayusi aj chik laab'e tuqtu wa'leb' re li kutan, kama' li mutz' yal naxmaayusi li xb'e sa' q'oqyink, ut moko tatwulaq ta b'arwi' xik taawaj. Wanqat chi yal k'uul aj chik aawu ut maq'b'ilaq chixjunil li k'aru aawe chiru chixjunil laayu'am, chi maajun taakoloq malaj taatenq'anq aawe.

Números 23:7

Toja' naq laj Balaham kixye eb' li uutz'u'ujinb'il aatin a'in: “Chalen chaq sa' releb'l saq'e, aran Aram, xinxb'oq chaq laj Balak, awab'ej re Mohab. «Kim -chan we- majewa laj Jakob. Kim, tz'aama rahilal sa' xb'een laj Israel».

San Marcos 12:12

Eb' a'an ke'ok chi xsik'b'al chan raj ru naq te'xchap, xb'aan naq ke'xtaw ru naq cho'q reheb' kixye li jaljookil ru aatin; ab'an ke'xxiwa ruheb' li tenamit. Jo'kan naq ke'xkanab' ut koheb'.

Sofonías 1:2

Jo'ka'in xye li Qaawa': “Ok we chi xsachb'al chi junajwa chixjunil li wank sa' ruuchich'och'.

Miqueas 2:10

Xaqlinqex ut ayuqex! Li na'ajej a'in maawa' re hilank: xb'aan li maa'usilal x'uxmank arin, taasachmanq chi junajwa.

Amós 5:17

taawanq yaab'ak sa' xyanqeb' li awimq naq laa'in tinchalq chi raqok aatin sa' eeb'een”, chan li Qaawa'.

Amós 5:1

Ex aj Israel, ab'ihomaq li waatin a'in; ok we chi xb'ichankil jun rahil b'ich cho'q eere:

Joel 1:13

Ex aj tij, sotob'amaq eerib' chiru q'es ruhil t'ikr ut yaab'anqex! Tz'uyinqex laa'ex li nekexk'anjelak chiru li artal. Kimqex ut yo'lenqex rik'in rahil ch'oolej laa'ex li nekexk'anjelak chiru linYos, xb'aan naq maak'a' chik li mayejak triiw ut b'iin sa' rochoch leeYos.

Joel 1:8

Tz'uyinqex, ex intenamit, jo' li saaj ixq nayaab'ak xb'aan li xkamik li xsum'aatin.

Ezequiel 16:44

«Eb' li poyanam te'xye naq aawik'in natz'aqlok ru li aatin a'in: Chanru xna'leb' li na'b'ej, jo'kan ajwi' li xko'.

Jeremías 14:18

Wi ninxik sa' li k'aleb'aal, nintaweb' li xe'kamsiik chi q'esnal ch'iich'; wi nin'ok sa' li tenamit, nawileb' li poyanam li kamkeb' re xb'aan li we'ej. Ut eb' li propeet jo'wi' eb' laj tij neke'chalk neke'xik sa' li tenamit chi sachsookeb' xch'ool»”.

Jeremías 4:13

Ilomaq, eb' li xik' neke'ilok re li tenamit yookeb' chi chalk jo'eb' li choql; li xkaareb' a'an chanchaneb' li kaqsut-iq' chi chalk, ut eb' li kawaay neke'aanilak chi kaw chanchan xseeb'aleb' li t'iw. Q'axal toq'ob'aal qu xb'aan naq oso'k qe.

Isaías 14:4

teeye li xsahil ru aatin a'in re xse'enkil li awab'ej re Babilonia: “Ilomaq chanru x'oso'k li josq' aj winq li xrahob'tesink qe. Ilomaq k'aru xkanaak wi' li xq'etq'etil.

Li xHu LAJ JOB 27:1

Laj Job ki'ok wi' chik chi aatinak ut kixye:

2 Crónicas 35:25

Laj Jeremías kixk'uub' jun li b'ich re rahil ch'oolej sa' xk'ab'a' laj Josías. Chalen toj anaqwan chixjunileb' laj b'ichanel winq ut ixq neke'aatinak chirix laj Josías sa' li xb'icheb', ut k'aynaqeb' laj Israel chi xb'aanunkil a'an. Natawmank li b'ich a'in sa' xHuhil li rahil ch'oolej.

2 Samuel 1:17

Laj David kixb'icha li rahil b'ich a'in chirix laj Saúl ut laj Jonatán li ralal,

Números 24:15

Toja' naq laj Balaham kixb'icha eb' li uutz'u'ujinb'il aatin a'in ut kixye: “A'an a'in li raatin laj Balaham, ralal laj Pehor; a'in li raatin li winq li na'ilok chi cham jo' propeet.

Números 24:3

ut kixb'icha eb' li uutz'u'ujinb'il ru aatin a'in: “A'an a'in raatin laj Balaham, ralal laj Pehor, raatin li winq li na'ilok chi cham jo' propeet.

Números 23:18

Toja' naq laj Balaham kixye eb' li uutz'u'ujinb'il ru aatin a'in: “Xaqlin, a Balak, ut ab'in. Ab'i li tinye, at ralal laj Sipor.

Jeremías 6:12

Eb' li rochocheb', li xk'aleb'aaleb' ut li rixaqileb' jalan chik taa'eechaninq reheb', naq tintaqla chaq li nimla rahilal re xrahob'tesinkileb' li wankeb' sa' li na'ajej a'in -chan li Qaawa' Yos-.

Jeremías 8:10

Jo'kan naq jalan chik taa'eechaninq re li rochocheb', li xk'aleb'aaleb' ut li rixaqileb'. Chixjunileb', jo' kok' ut ninqi poyanam, junes li k'aru us cho'q reheb' neke'xk'oxla; ut eb' li propeet jo'wi' eb' laj tij, ka'ajwi' b'alaq'ik neke'xb'aanu chixjunileb'.

Miqueas 1:8

Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.