Miqueas 2:1 - Q'eqchi Bible

¹ Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Li Santil hu

¹ Raylal ta̱cha̱lk saꞌ xbe̱neb li nequeꞌxcꞌoxla saꞌ lix cuariba̱l chanru teꞌxba̱nu li ma̱usilal. Nequeꞌxcꞌu̱b ru li xi̱qꞌuilal ut nak nasake̱u, nequeꞌxba̱nu li cꞌaꞌru nequeꞌxcꞌoxla xba̱nunquil xban nak cuanqueb xcuanquil.

Miqueas 2:1 ပူးပေါင်းရင်းမြစ်များ

Salmos 36:4

Junes tz'ajn aj aatin naxye ut ka'aj chik b'alaq'ik naxb'aanu; ink'a' naraj xtawb'al ru chi moko xb'aanunkil li us.

Isaías 32:7

Li ink'a' us xna'leb' junes b'alaq'ik naxk'oxla ut naxyal xq'e chi xb'aanunkil li yib'eetal ru aj na'leb'; naxlab'ale li kub'enaq xwankil rik'in tik'ti' ut ink'a' naxkol rix li neb'a' sa' li raqleb'aal aatin.

Nahum 1:11

At Nínive, sa' eeyanq x'elk li xk'uub'ank re li rahilal re li Qaawa': jun aj k'ehol na'leb' jwal yib'ru xna'leb'.

Romanos 1:30

aj q'ab'aneleb', xik' neke'ril li Yos, aj hob'oneleb', q'etq'eteb', xninqaleb' ru naq neke'xb'aanu rib'eb', aj yoob'aneleb' maa'usilal, aj q'etoleb' raatin xna' xyuwa',

Jeremías 18:18

Toja' naq ke'xye: “Kimqex ut qak'uub'aq chanru tqakamsi laj Jeremías. Junelik te'wanq aj tij re qatzolb'al, jo' ajwi' li wankeb' xna'leb' re te'xk'e qana'leb', ut wanqeb' ajwi' propeet li te'xye qe li raatin li Yos. Qajitaq laj Jeremías re naq taakamsiiq, ut miqapaab' chik chixjunil li naxye”, chankeb'.

Isaías 59:3

Xb'aan naq nujenaq chi kik' leeruq' ut k'ajo' li raaxiik' nekeb'aanu; junes tik'ti' nekeye ut yib' aj aatin wank chi xtz'uumal eere.

Proverbios 4:16

Xb'aan naq eb' a'an ink'a' neke'ruuk chi wark, wi ink'a' xe'b'aanunk maa'usilal; ut ink'a' nakub'eek xwaraheb', wi ink'a' xe'xrahob'tesi junaq xb'enwa.

Proverbios 3:27

Maaram junaq usilal reheb' li neke'raj tenq'aak, wi wank chawu xb'aanunkil.

Génesis 31:29

Wank inwankil re xb'aanunkil aawe li ink'a' us, ab'an li xYos laayuwa' xye we ewer chi q'eq: «K'e reetal, mat-aatinak sa' josq'il rik'in laj Jakob».

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

San Juan 19:11

Kichaq'ok li Jesus ut kixye: —Maak'a' raj aawankil sa' inb'een, wi ta ink'a' k'eeb'il chaq aawe taqe'q; jo'kan naq q'axal nim xmaak li xq'axtesink we sa' laawuq'.

Deuteronomio 28:32

Eb' laawalal ut eb' laarab'in te'q'axtesiiq re jalan chik tenamit, ut taawil rik'in xnaq' aawu: wulaj wulaj taawaj raj rilb'aleb' wi' chik ru, ab'an maak'a' chik truuq taab'aanu.

Hechos 23:15

Laa'ex eerochb'eeneb' li xninqal ru aj raqol aatin yehomaq anaqwan re li xjolomileb' laj puub' naq chixkub'sihaq chaq laj Pablo wankex wi', jo' yal teeraj raj xtz'ilinkil rix chi chaab'il k'aru xye ut xb'aanu. Laa'o yo'oon wanqo re xkamsinkil rub'elaj li xk'ulunik.

Proverbios 12:2

Li Qaawa' narusila ru li chaab'il xch'ool ut naraqok aatin sa' xb'een li ink'a' us xna'leb'.

San Lucas 20:19

Sa' ajwi' li honal a'an eb' laj tz'iib' ut eb' li xb'eenil aj tij ke'xsik' chan raj ru naq te'xchap li Jesus, xb'aan naq ke'xtaw ru naq cho'q reheb' kixye li jaljookil ru aatin a'in; ab'anan ke'xiwak chiruheb' li tenamit.

San Marcos 15:1

Naq kisaqewk, eb' li xb'eenil aj tij rochb'eeneb' li cheekel winq, jo'wi' eb' laj tz'iib' ut chixjunileb' li xninqaleb' ru aj raqol aatin, junpaat ke'xk'uub' xch'utameb'; ke'xk'am li Jesus chi b'ak'b'o ut ke'xq'axtesi sa' ruq' laj Pilaat.

Ezequiel 11:2

Li Qaawa' kixye we: “At kaamel winq, a'aneb' a'in li winq neke'k'uub'ank re li maa'usilal ut neke'xpo' xna'leb' li tenamit.

Ester 9:25

Ab'an lix Ester koxk'ut rib' chiru li awab'ej, ut a'in kixtz'iib'a naq li rahilal kixpatz' laj Amán sa' xb'eeneb' laj Judiiy toxkanaaq sa' xb'een ut te'kamsiiq chi t'uyt'u laj Amán jo'wi' eb' li ralal xk'ajol.

Ester 5:14

Toja' naq lix Seres li rixaqil ut chixjunileb' li ramiiw ke'xye re: “K'e chi yiib'aak jun li t'uyleb'aal poyanam, aj oxlaju moqoj xteram, ut aran taat'uyub' laj Mardokeo. Chi jo'kan sahaq sa' aach'ool naq tatxik chi tzekank aawochb'een li awab'ej”, chankeb'. Laj Amán kixk'ul xch'ool li na'leb' a'an ut kixtaqla xyiib'ankil li kamsib'aal.

Ester 3:8

Toja' naq laj Amán kixye re laj Asuero li awab'ej: “Sa' xyanqeb' chixjunil li tenamit li wankeb' sa' laa'awab'ejihom, wank jun tenamit li jalan wi' chiruheb' li junch'oleb' chik, jalan wi' li xchaq'rab'eb', ut ink'a' neke'xpaab' laachaq'rab' laa'at, at awab'ej. Moko us ta cho'q aawe naq wanqeb' li tenamit a'an sa' laa'awab'ejihom.

Li xHu LAJ JOB 24:14

Laj kamsinel ras riitz'in toj hik'ho na'elk chi xkamsinkil li neb'a' ut li toq'ob'aal ru, ut chiru li q'oqyink naxik chi elq'ak.

Proverbios 14:22

Li junes maa'usilal neke'xk'uub', xjuneseb' rib' te'sachq; eb' li neke'b'aanunk li usilal, raab'ileb' ut oxloq'inb'ileb'.

Isaías 29:20

Xb'aan naq maak'a'aq chik li kawil taqlank, ak sachb'ilaqeb' chik eb' laj eetz'unel, ut talaje'oso'q chixjunileb' li neke'raj b'aanunk maa'usilal,

Ezequiel 33:26

Yo'oon wankex rik'in leech'iich', nekeb'aanu li maa'usilal, chejunilex nekemux xsumlajik li rixaqil leerech winqilal. Ma naru tab'i' teereechani li na'ajej a'in?».

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.

Ezequiel 46:18

Laj jolominel ink'a' tixmaq' xch'och' li tenamit, li ak q'axtesinb'il reheb'. Ka'ajwi' li k'aru re a'an tixsi reheb' li ralal xk'ajol; chi jo'kan maajun tkanaaq chi maak'a'aq ta xch'och' chi moko te'xcha'cha'i rib' lintenamit”.

Miqueas 6:12

Chixjunileb' li b'ihom sa' li tenamit a'in aj rahob'tesineleb'; ut eb' li tenamit aj tik'ti'eb' ut aj b'alaq'eb'.

Zacarías 7:10

Meerahob'tesi li xmalka'an, li neb'a'yox, laj ab'l tenamit ut li neb'a'; chi moko teek'oxla sa' leech'ool xb'aanunkil li rahilal cherib'il eerib'.

1 Reyes 21:7

Toja' naq li rixaqil kixye re: “Ak xq'ehil xk'utb'al naq laa'at wank aawankil sa' xb'een Israel! Waklin, wa'in ut chisaho'q sa' laach'ool! Laa'in tink'ehoq aawe li rawimq uub' laj Nabot aj Jisrehel”.

Li xHu LAJ JOB 15:35

Eb' li neke'siyank maa'usilal, nimla rahilal te'rala, ut junes b'alaq'ink te'ruuchin.

Salmos 36:5

Naq jiljo sa' xwarib', junes maak naxk'uub' ru; kaw xch'ool sa' li b'e ink'a' us ut ink'a' naxtz'eqtaana li maa'usilal.

Salmos 58:3

Ma ink'a' tab'i' yal naraj leech'ool naq nekeb'aanu li ink'a' us? Rik'in leeruq' nekexyoob'ank raaxiik' sa' chixjunil li ruuchich'och'.

Isaías 3:14

Li Qaawa' xchalk chi xb'oqb'aleb' sa' raqb'a aatin, ut tixye reheb' li cheekel winq ut eb' laj k'amol xb'e li xtenamit: “Laa'ex xexsachok re li wawimq uub', ut xnujak leerochoch rik'in li k'aru xerelq'a reheb' li neb'a'.

Isaías 5:8

Ra chaalel sa' eeb'een li yookex chi loq'ok naab'al chi ochoch, li yookatqex chi loq'ok ch'och', toj reetal naq maajun chik nekek'ul ut chanchan naq ka'ajex wi' laa'ex wankex sa'eb' li tenamit.