Miqueas 1:8 - Q'eqchi Bible

⁸ Xb'aan a'an tinyaab'aq chi q'axal ra sa' inch'ool; tinb'eeq chi maak'a' inxaab' ut chi t'ust'u, tintz'uyinq jo' nawo'te'ek laj xojb' ut tinyaab'aq jo' ral li warom.

Li Santil hu

⁸ Ut quixye cuiꞌchic laj Miqueas: —Cꞌajoꞌ narahoꞌ inchꞌo̱l xban li ma̱usilal yo̱queb chixba̱nunquil laj Israel. Tinjap cue xban xrahil inchꞌo̱l ut tinya̱bak. Re xcꞌutbal chiruheb li tenamit nak kꞌaxal ra saꞌ inchꞌo̱l tincuisi lin xa̱b ut tincuisi li cuakꞌ. Chanchan nak nacuuꞌteꞌec laj xoj ut chanchan nak naya̱bac li cuarom nak tinya̱bak chi cau.

Miqueas 1:8 ပူးပေါင်းရင်းမြစ်များ

Isaías 22:4

Jo'kan naq xinye: “Elenqex chiwu ut kanab'omaqin injunes chi yaab'ak xb'aan xrahil linch'ool; meech'i'ch'i'i eerib' chi xk'ojob'ankil li waanm xb'aan li roso'jik lintenamit”, chankin.

Jeremías 9:19

Chalen chaq Sión na'ab'iik li rahil ch'oolejil: “Toq'ob' qu, k'ajo' naq yo qarahob'tesinkil! Relik chi yaal naq xookanab'aak sa' xutaan: xoo'isiik sa' li qatenamit ut li qochoch xkanaak chi po'lem”.

Jeremías 9:10

“Chexyaab'aq ut chexq'oqonq chirixeb' li tzuul, b'ichahomaq junaq b'ich re rahil ch'oolej chirixeb' li taq'a, xb'aan naq xe'choqleek ut maajun chik nanume'k aran. Ink'a' chik neke'me'lok li wakax; eb' li xik'anel xul chiru choxa ut eb' li josq' aj xul xe'elelikje'k.

Jeremías 9:1

Kama' taxaq jun yu'amha' linjolom, ut li xya'al wu kama' taxaq li roq nima' re yaab'ak chi q'eq ut chi kutan chirix lintenamit li xe'kamsiik!

Jeremías 4:19

Jwal nayot'e'k linch'ool ut q'axal namayok li waanm, ka'aj chik maa na'elk linch'ool sa' li xna'aj. Ink'a' ninkanab' xjapb'al we chi aatinak xb'aan naq yookin chi rab'inkil xyaab'eb' li pur li yo chi b'oqok re xik chi yalok.

Isaías 21:3

Jo'kan naq naxiwak xsa' linsa', nachalje'k inrahilal jo' li ixq ok re chi alank, nasachk inna'leb' xb'aan xrahil linch'ool ut k'ajo' naq ninxiwak xb'aan li nawil.

Isaías 16:9

Jo'kan naq ok we chi yaab'ak chirix li awimq re Sibmá ut Jaser; k'ajo'aq ajwi' li xya'al wu chirix Jesbón ut Elalé, xb'aan naq maak'a'aq chik li q'olok aran xb'aan li yalok.

Isaías 13:21

A'eb' chik li josq' aj xul te'wanq aran, ut eb' li warom te'xch'ik rib' sa'eb' li ochoch; aran ajwi' wanqeb' laj tak' ra' ut te'pisk'oqje'q eb' li yuk.

Salmos 102:6

Nintz'uyink ut nin'ayaynak chi junelik, ut li xtz'uumal we naxletzi rib' chiru linb'aqel.

Li xHu LAJ JOB 30:29

Ramiiwin chik laj xojb' ut xkomonin laj tak' ra'.

1 Samuel 19:24

Aran kirisi li raq' ut kixk'ut rib' chiru laj Samuel chi eechaninb'il xb'aan xmusiq' propeet. Ut kikanaak chi t'ust'u chiru ch'och' chiru chixjunil li kutan ut q'oqyink a'an. Jo'kan naq chalen sa' li kutan a'an nayeemank: “Ma xkomoneb' li propeet laj Saúl?”.

Isaías 13:22

Eb' li sakol jaapaq reheb' sa'eb' li ochoch najteb' xteram, ut eb' li ch'ina'usil kab'l wanqeb' laj xojb' chisa'. Li xhonalil li xsachik Babilonia ak xnach'ok chaq, yal ajlanb'il kutan aj chik taa'oso'q wi' li tenamit”.

Isaías 32:11

Laa'ex li maak'a' nekek'oxla, okaq b'ayaq eexiw, t'urub'omaq eerib', isihomaq leeraq' cherix ut tiqib'omaq eerib' rik'in q'es ruhil t'ikr, reetalil li xrahil leech'ool;

Ezequiel 32:18

“At kaamel winq, b'icha li b'ich a'in re rahil ch'oolej chirixeb' laj Ejiipt ut eb' li neke'jolomink reheb', aawochb'eeneb' li rixqilaleb' li xninqal ru tenamit: «Eb' li wankeb' xwankil yooqeb' chi oso'k ut yooq xmuqb'aleb' sa' xyanqeb' li xe'q'ajk xe'sutq'iik.

Miqueas 2:4

Sa' li kutan a'an taab'ichamanq eere jun li b'ich re rahil ch'oolejil. Te'xye eere: «Xoosache'k chi junajwa. Li qatenamit, li reechanihom li Qaawa', jalan chik laj eechal re anaqwan, ut maajun xramok re. Xjek'iik li qach'och' chirixeb' li xe'eechanink qe», cha'qeb' eere”.

2 Reyes 18:13

Ak kaalaju chihab' rokik laj Esekías chi awab'ejink, naq laj Senakerib, awab'ej re Asiria, koho chi yalok rik'in chixjunileb' li tenamit sutsuukeb' chi tz'ak sa' xteepal Judá, ut kilajreechaniheb'.

Ester 4:1

Naq laj Mardokeo kixnaw chixjunil li kik'ulmank, kixq'ich li raq', reetalil li xrahil xch'ool, kixk'e q'es ruhil t'ikr chirix ut kixk'e cha sa' xjolom. Ut kixb'eeni chixjunil li tenamit chi japjo re xb'aan li rahilal xchalk sa' xb'eeneb';