Miqueas 1:5 - Q'eqchi Bible

⁵ Chixjunil a'in taak'ulmanq xb'aan naq eb' laj Jakob xe'xq'etq'eti rib' chiru li Yos, xb'aan naq xe'maakob'k eb' laj Israel. B'ar wank li xxe' li xq'etq'etil eb' laj Jakob? Ma ink'a' tab'i' sa' li tenamit Samaria? Ani wank re naq eb' laj Judá xe'ok chi xloq'oninkil eb' li jalanil yos? Ma ink'a' tab'i' sa' li tenamit Jerusalén?

Li Santil hu

⁵ Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?

Miqueas 1:5 ပူးပေါင်းရင်းမြစ်များ

Amós 8:14

Eb' li neke'xye xjurament sa' xk'ab'a' li xyoseb' laj Samaria, eb' li neke'yehok: «Sa' xk'ab'a' laayos, a Dan», malaj: «Sa' xk'ab'a' laayos, a Berseba», te'oso'q ut maajun wa chik te'wakliiq chaq”.

Jeremías 2:19

A' ajwi' laamaa'usilal taarahob'tesinq aawe, ut li xb'alaq'il aach'ool taajitoq aawe. K'oxla ut k'e reetal naq ink'a' us lintz'eqtaanankil xab'aanu ut q'axal ra wankat xb'aan naq ink'a' xak'e inloq'al: laa'in li Qaawa' laaYos. Raatin li Nimajwal Yos.

Lamentaciones 5:16

X'oso'k li qaloq'al; toq'ob' qu li xoomaakob'k!

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Jeremías 4:18

“Laana'leb' ut laab'aanuhom xk'amok chaq re li rahilal a'in sa' aab'een; li maa'usilal xwulak li xmay toj sa' laawaanm, xb'aan naq xaq'etq'eti aawib' chiwu”.

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

1 Reyes 13:32

xb'aan naq ch'olch'o naq taatz'aqloq ru li raatin li Qaawa' li xye chirix li artal re Betel ut chirix chixjunileb' li tijob'aal li wankeb' sa' xjolomeb' li tzuul, sa' xteepal Samaria”.

Amós 6:1

Ra chaalel sa' xb'eeneb' li sa wankeb' aran Sión ut li k'ojk'ookeb' xch'ool chi wank sa' li xtzuulul Samaria, eb' li ninqeb' xwankil sa' li nimla tenamit li neke'xkawu wi' xch'ooleb' laj Israel.

Oseas 7:1

“Naq nawaj raj xk'irtasinkil lintenamit ut xkolb'aleb' li walal ink'ajol aj Israel, nak'utunk li xmaakeb' laj Efraín ut li xmaa'usilaleb' laj Samaria. Xb'aan naq chixjunileb' neke'b'alaq'ik; neke'okje'k sa'eb' li ochoch chi elq'ak ut junch'oleb' chik li poyanam yookeb' chi elq'ak sa' b'e.

Jeremías 5:25

Xb'aan leemaa'usilal naq xjalaak ru chixjunil a'in; a' leemaak laa'ex xnajtob'resink eere rik'in li sahil wank.

2 Crónicas 34:3

Ak waqxaqib' chihab' rokik cho'q awab'ej chi toj saaj ajwi', laj Josías kixtikib' xsik'b'al li xYos laj David li xyuwa'; ut naq yo chik xkab'laju chihab', kixtikib' risinkileb' li tijob'aal wankatqeb' chi tzuul sa' xteepal Judá ut Jerusalén, jo' ajwi' eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek.

2 Crónicas 34:4

Chiru ajwi' laj Josías ke'juk'mank li x'artal laj Bahal; ke'xputz'i eb' li artal namayejamank wi' li sununkil b'an, ut ke'xtoqi eb' li xjalam u lix Aserá ut eb' li jalanil yos yiib'anb'ileb' rik'in ha'lesinb'il ch'iich' ut pek, toj reetal ke'kok'puk'iik, ut li pojtz' kipajimank sa' xb'een xmuqleb'aaleb' li poyanam li ke'mayejak chiruheb'.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Miqueas 1:13

B'ak'omaq leekawaay chiruheb' li b'eleb'aal ch'iich', ex aj Lakix. Aran xtiklaak li xmaakeb' laj Sión, aran xe'ok chi maakob'k eb' laj Israel.

1 Reyes 11:7

Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

1 Reyes 16:24

Laj Omrí kixloq' li xtzuulul Samaria chiru laj Sémer chi oxib' o'q'ob' chi tumin plaat. Kixkawub'resi li na'ajej ut aran kikab'lak: Samaria kixk'e cho'q xk'ab'a' li tenamit sa' xk'ab'a' laj Sémer, laj eechal re xb'enwa li na'ajej.

Jeremías 23:13

“Jwal yib'ru li xb'aanuhomeb' li propeet aj Samaria: neke'aatinak sa' xk'ab'a' laj Bahal ut neke'xk'e eb' laj Israel, lintenamit, chi sachk sa' li xb'eheb'.

Jeremías 23:14

Xwil ajwi' li k'aru neke'xb'aanu eb' li propeet aj Jerusalén: q'axal yib' wi' chik ru li xb'aanuhomeb'. Neke'muxuk sumlaak ut neke'b'alaq'ik; neke'xk'e xkawil xch'ooleb' li ink'a' useb' xna'leb' re naq maajun tixkanab' xb'aanunkil li maa'usilal. Eb' a'an jo'wi' eb' li wankeb' Jerusalén chanchaneb' laj Sodoom ut eb' laj Gomoor!

Ezequiel 16:46

Samaria rochb'eeneb' li xk'aleb'aal, a'an laachaq'na' li wank sa' xjayal releb'l iq'; ut Sodoom rochb'eeneb' li xk'aleb'aal, a'an laawiitz'in li wank sa' xjayal rokeb'l iq'.