Miqueas 1:2 - Q'eqchi Bible

² Chejunilex li tenamit, ab'ihomaq li aatin a'in; chex'ab'inq chejunilex li wankex sa' li ruuchich'och'. Li Qaawa' taa'aatinaq chirix leemaak toj sa' chaq li xsantil ochoch.

Li Santil hu

² Ut nak qui-oc chixyebal li cꞌaꞌru quiyeheꞌ re xban li Dios laj Miqueas quixye chi joꞌcaꞌin: —Cherabihak che̱junilex la̱ex li cuanquex saꞌ ruchichꞌochꞌ. Cheqꞌuehak retal li naxye li Ka̱cuaꞌ. Li nimajcual Dios ta̱a̱tinak chak saꞌ lix santil naꞌaj ut aꞌan ta̱yehok re nak cuan e̱ma̱c.

Miqueas 1:2 ပူးပေါင်းရင်းမြစ်များ

Isaías 1:2

Ab'ihomaq, ex choxach'och', a' li Qaawa' yo chi aatinak: “Xink'iiresiheb' li walal ink'ajol, toj reetal xe'winqo'k; ab'an eb' a'an xe'xq'etq'eti rib' chiwu.

Salmos 11:4

Li Qaawa' wank sa' li xloq'laj ochoch, li Qaawa' wank xk'ojarib'aal sa' li choxa; naril chaq chixjunil li ruuchich'och' ut naxk'e reetal chixjunil li qab'aanuhom.

Apocalipsis 3:22

«Ani wank xxik, chirab'ihaq li naxye li Musiq'ej reheb' li Iklees»”.

Apocalipsis 3:13

Ani wank xxik, chirab'ihaq li naxye li Musiq'ej reheb' li Iklees».

Apocalipsis 2:7

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka ru li che' nak'ehok yu'am, li wank sa' li xsantil na'aj li Yos».

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Habacuc 2:20

A'ut li Qaawa' wank sa' li xsantil ochoch: maajun na'aatinak chiru A'an junsut junrub'el choxa!

Jonás 2:7

Xweek'a naq yo chi elk linch'ool, naqaamilat sa' li waanm, at Qaawa', ut lintij xwulak aawik'in, toj sa' laasantil ochoch.

Jeremías 22:29

Chejunilex li wankex sa' ruuchich'och', ab'ihomaq li raatin li Qaawa'.

Salmos 50:7

“Ab'i, at intenamit, ok we chi aatinak. Ab'i, Israel, tinch'olob' li yaal chawu. Laa'in li Qaawa', laa'in laaYos.

Apocalipsis 3:6

Ani wank xxik, chirab'ihaq li naxye li Musiq'ej reheb' li Iklees».

Apocalipsis 2:29

Ani wank xxik, chirab'ihaq li naxye li Musiq'ej reheb' li Iklees».

Apocalipsis 2:17

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u tink'e chi xtzeka li muqmuukil mana'. Tink'e ajwi' jun xch'ina saqi pek, let'exinb'ilaq chiru li ch'ina pek jun ak' k'ab'a'ej li maa'ani nanawok re, ka'ajwi' li taak'uluq re».

Apocalipsis 2:11

Ani wank xxik, chirab'ihaq li naxye li Musiq'ej reheb' li Iklees: Li taaq'axoq u ink'a' taarahob'tesiiq xb'aan li xkab' kamk».

Malaquías 2:14

Ut chirix a'an toj nekeye: “K'a'ut naq ink'a' naxk'ul qamayej li Qaawa'?”, chankex. A'in nak'ulmank xb'aan naq li Qaawa' jultik re li aatin kaye re laawixaqil katsumlaak wi' sa' laasaajilal, ut anaqwan xab'alaq'i. A'an tz'aqal laawochb'een, laasum'aatin li kayeechi'i wi' laasumwanjik!

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Salmos 50:12

Wi ta tintz'okaaq, moko tojo' sa ta raj tinye aawe, xb'aan naq we li choxach'och' ut chixjunil li wank chisa'.

Salmos 50:1

Xsaalm laj Asaf. Li Qaawa', li Yos q'axal nim xwankil, x'aatinak ut xb'oqeb' chi ch'utlaak chixjunil li ruuchich'och', chalen chaq sa' releb'l li saq'e toj sa' rokeb'l.

Salmos 28:2

Chawab'i taxaq xyaab' lintij naq japjo we chab'oqb'al, naq ninterq'usi li wuq' sa' xjayal laaloq'laj ochoch.

Salmos 24:1

Xsaalm laj David. Li Qaawa' a'an laj eechal re li choxach'och' ut chixjunil li wank chisa'.

Deuteronomio 32:1

“Ab'ihomaq, ex choxa, ok we chi aatinak; li ruuchich'och' chirab'iiq li aatin taa'elq chi xtz'uumal we.

Jueces 11:10

Ke'xye li xcheekelaleb' Galahad: “Li Qaawa' a'anaq testiiw sa' qayanq. Rahilal chaalel sa' qab'een wi ink'a' taaqab'aanu chixjunil li xaye!”, chankeb'.

1 Reyes 22:28

Kichaq'ok laj Mikeas: “Wi tatsutq'iiq chaq chi yo'yo, a'an reetalil naq maawa' li Qaawa' x'aatinak chi xtz'uumal we”.

2 Crónicas 18:27

Kichaq'ok laj Mikeas: “Wi tatsutq'iiq chaq chi yo'yo, a'an reetalil naq maawa' li Qaawa' x'aatinak chi xtz'uumal we”.

Isaías 18:3

Chejunilex li wankex junsut junrub'el choxa, chex'iloq naq taataqsiiq li eetalil sa' xb'eeneb' li tzuul, chex'ab'inq naq taayaab'asimanq li pur.

Isaías 50:7

Li Qaawa' a'an laj tenq'ahom we; jo'kan naq ink'a' ra naweek'a naq nikine'xhob'; q'axal kaw xaqxookin jo' li saqoonak: ninnaw naq ink'a' tinkanaaq sa' xutaan.

Jeremías 42:5

Toja' naq eb' a'an ke'xye re laj Jeremías: “Li Qaawa' laaYos a'an tiik xch'ool, ut a'an chikanaaq cho'q testiiw chiqix laa'o wi ink'a' tqapaab' li tixk'e chiqab'aanu.

Proverbios 8:4

“Eerik'in laa'ex ok we chi aatinak, li xyaab' linkux cho'q reheb' chixjunil li poyanam.

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.