San Mateo 9:4 - Q'eqchi Bible

⁴ Ab'an li Jesus naxnaw li xk'a'uxeb'; jo'kan naq kixye reheb': —K'a'ut naq nekek'oxla li ink'a' us sa' leech'ool?

Li Santil hu

⁴ Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

San Mateo 9:4 ပူးပေါင်းရင်းမြစ်များ

San Lucas 6:8

Ab'an li Jesus naxnaw li yookeb' chi xk'oxlankil; jo'kan naq kixye re li winq chaqi ruq': —Xaqlin ut k'e aawib' arin sa' yiib'ej. Ut a'an kixaqliik ut kikanaak chi xaqxo.

San Mateo 12:25

A'ut li Jesus naxnaw li xk'a'uxeb', jo'kan naq kixye reheb': “Wi li x'awab'ejihom junaq nim xwankil jachjo chirib'il rib', taa'oso'q. Ut chixjunil li tenamit malaj junkab'al jachjo chirib'il rib', ink'a' truuq taakanaaq chi xaqxo.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

San Juan 16:30

Ch'olch'o chiqu anaqwan naq nakanaw chixjunil, ut ink'a' na'ajmank ru naq ani taapatz'oq aawe. Jo'kan naq naqapaab' naq rik'in li Yos katchalk chaq.

San Lucas 11:17

A'ut li Jesus naxnaw li xk'a'uxeb', jo'kan naq kixye reheb': “Wi li x'awab'ejihom junaq nim xwankil jachjo chirib'il rib', taa'oso'q. Ut wi jachjo chirib'il rib' jun kab'alaq, taa'oso'q.

Salmos 139:2

nakanaw jo'q'e nink'ojlaak ut jo'q'e ninwakliik; us ta najt wankin, ab'an nakanaw li nink'oxla.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

Hechos 5:9

Ut laj Pedro kixye re: —K'a'ut naq xek'am chaq eerib' sa' aatin re xyalb'al rix li xMusiq' li Qaawa'? Il, we'keb' chaq chire kab'l li xe'muquk chaq re laab'eelom; ut anaqwan tate'xk'am ajwi' laa'at.

San Juan 16:19

Kixk'e reetal li Jesus naq patz'ok te'raj, jo'kan naq kixye reheb': —Yookex chi xpatz'b'al cherib'il eerib' k'aru xyaalal li xinye: «Ink'a' chik najt teeril wu, ab'anan chi seeb' teeril wi' chik wu»?

San Juan 6:64

Ab'anan wankeb' sa' eeyanq li ink'a' neke'paab'ank. Xb'aan naq chalen chaq sa' xtiklajik naxnaw chi us li Jesus aniheb' li ink'a' neke'paab'ank ut ani li taaq'axtesinq re.

San Juan 6:61

Ab'an li Jesus naxnaw chi us naq eb' li xtzolom yookeb' chi choqink chirix a'in; jo'kan naq kixye reheb': —Ma xluktaak eech'ool xb'aan li aatin a'in?

San Juan 21:17

Kixpatz' wi' chik re rox sut: —At Simón, ralalat laj Jwan, ma nikinaara? Kiraho'k xch'ool laj Pedro naq ox sut kipatz'e'k re: «Ma nikinaara?». Ut kichaq'ok: —Qaawa', laa'at nakanaw chixjunil. Laa'at xak'e reetal naq nakatinra, chan. Kixye li Jesus re: —Chach'oolaniheb' linkarneer.

San Lucas 5:22

Kixnaw li Jesus k'aru yookeb' chi xk'oxlankil ut kixye reheb': —K'a'ut naq nekek'oxla a'an sa' leech'ool?

San Marcos 12:15

Ab'anan li Jesus naxnaw naq aj ka'pak'al uheb', jo'kan naq kixye reheb': —K'a'ut naq nekeyal wix? K'amomaq chaq junaq tumin re naq twil.

San Marcos 2:8

Sa' junpaat kixnaw li Jesus sa' xch'ool naq jo'kan yookeb' chi xk'oxlankil xjuneseb', ut kixye reheb': —K'a'ut naq nekek'oxla a'an sa' leech'ool?

San Lucas 7:40

Kichaq'ok li Jesus ut kixye re: —At Simón, inyeeq junaq na'leb' aawe. Ut a'an kixye: —Ye, at Tzolonel.

Ezequiel 38:10

«Laa'in, li Qaawa', ninye chi jo'ka'in: Chiruheb' li kutan a'an taa'alaaq sa' laach'ool xb'aanunkil li ink'a' us.