San Mateo 8:9 - Q'eqchi Bible

⁹ Xb'aan naq jo'kan ajwi' laa'in wank ani nataqlank we, ut wankeb' aj puub' rub'el inwankil, ut ninye re junaq: «Ayu», ut a'an naxik; ut ninye re li jun chik: «Kim», ut a'an nachalk; ut ninye re linmoos: «B'aanu a'in», ut a'an naxb'aanu.

Li Santil hu

⁹ La̱in ninnau nak naru ta̱ba̱nu aꞌan xban nak la̱in cuan ani nataklan cue ut cuanqueb lin soldado rubel lin cuanquil. Ut ninye re li jun, “ayu” ut naxic. Ut ninye re li jun chic, “quim”, ut nachal. Ut ninye re lin mo̱s, “ba̱nu aꞌin”, ut naxba̱nu, chan li capitán.

San Mateo 8:9 ပူးပေါင်းရင်းမြစ်များ

Tito 2:9

Eb' laj loq'b'il k'anjel che'paab'anq chiruheb' laj eechal reheb' rik'in chixjunil, che'xb'aanu li te'taqlaaq wi' ut me'sumenk;

Colosenses 3:22

Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'.

San Lucas 7:8

Xb'aan naq jo'kan ajwi' laa'in wank ani nataqlank we ut wankeb' aj puub' rub'el inwankil, ut ninye re junaq: «Ayu», ut a'an naxik; ut ninye re li jun chik: «Kim», ut a'an nachalk; ut ninye re linmoos: «B'aanu a'in», ut a'an naxb'aanu”.

San Lucas 4:39

Naq kixk'utzub' rib' sa' xb'een, kixq'us chi kaw li tiq, ut kikanab'aak li ixq xb'aan li xyajel. Kiwakliik chi junpaat ut ki'ok chi k'anjelak chiruheb'.

Salmos 148:8

laa'ex xam ut saqb'ach, ratz'amke ut k'ajob', laa'at kaqsut-iq' li nakak'anjela ru li xchaq'rab',

Salmos 119:91

Sa' xk'ab'a' laachaq'rab' chixjunil toj wank anaqwan, xb'aan naq li choxach'och' a'an aj k'anjel chawu.

San Mateo 8:8

Kichaq'ok li xjolomileb' laj puub': —At Qaawa', moko ink'ulub' ta naq tat-ok rub'el linmuheb'aal; ka'ajwi' taaye laawaatin ut taak'iraaq linmoos.

San Mateo 8:10

Naq li Jesus kirab'i a'in, kisachk xch'ool ut kixye reheb' li yookeb' chi taaqenk re: —Relik chi yaal ninye eere naq maajun aj Israel intawom wi' xnimal paab'aal jo' a'in.

San Marcos 1:27

Chixjunileb' ke'kanaak chi sachsookeb' xch'ool ut neke'xpatz'i rib' chirib'ileb' rib': —K'aru a'in? A'an jun ak' na'leb', nak'utmank rik'in wankilal! Nataqlank ajwi' sa' xb'eeneb' li tz'ajn aj musiq'ej ut napaab'aak xb'aaneb'.

San Lucas 9:1

Naq kixch'utub'eb' li Kab'laju, li Jesus kixk'eheb' xkawilal ut xwankileb' sa' xb'een chixjunileb' li maa'us aj musiq'ej, jo'wi' re k'irtasink yajel.