San Mateo 7:7 - Q'eqchi Bible

⁷ “Chextz'aamanq ut k'eek'ooq eere; chexsik'oq ut teetaw; chexb'oqoq chire kab'l ut tehe'q cheru.

Li Santil hu

⁷ Nak ta̱paltok cꞌaꞌru e̱re, chextzꞌa̱ma̱nk chiru li Dios ut aꞌan tixqꞌue e̱re; chesicꞌak ut te̱tau, chebokak ut li puerta ta̱tehekꞌ che̱ru.

San Mateo 7:7 ပူးပေါင်းရင်းမြစ်များ

San Mateo 21:22

Ut chixjunil li k'aru teetz'aama sa' li tijok chi anchal eepaab'aal, teek'ul.

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

San Juan 15:7

“Wi nekexkanaak wik'in ut eb' li waatin neke'kanaak eerik'in, tz'aamahomaq li teeraj ut taak'eemanq eere.

San Marcos 11:24

Jo'kan utan ninye eere: chixjunil li teetz'aama sa' li tijok, chepaab' naq ak xek'ul, ut taak'eemanq eere.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

San Mateo 7:8

Xb'aan naq chixjunil li natz'aamank nak'uluk; li nasik'ok natawok, ut li nab'oqok chire kab'l natehe'k chiru.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

Proverbios 8:17

Laa'in ninraheb' li nake'rahok we; ut eb' li nikine'xsik' chi anchaleb' xch'ool, nikine'xtaw.

Salmos 10:17

At Qaawa', laa'at nakawab'i li xtijeb' li neb'a'; laa'at nakak'e xkawub' xch'ooleb' ut nakawileb',

San Juan 4:10

Kichaq'ok li Jesus ut kixye: —Wi nakanaw ta li xsimaatan li Yos ut ani li nayehok aawe: «K'e b'ayaq wuk'a'», laa'at raj xapatz' aawuk'a' re ut a'an tixk'e raj aawe yo'yookil ha'.

San Mateo 18:19

“Ninye ajwi' eere: wi wankeb' wiib'aq eere sa' ruuchich'och' te'xk'e rib' sa' aatin chirix yalaq k'aru te'xtz'aama, taa'uxq reheb' xb'aan linchoxahil Yuwa'.

Amós 5:4

Xb'aan naq jo'ka'in kixye li Qaawa' reheb' laj Israel: “Sik'omaqin laa'in ut taawanq eeyu'am.

Santiago 5:15

Ut wi te'tijoq chi anchaleb' xpaab'aal, taakole'q li yaj; li Qaawa' taawaklesinq re. Ut wi wank xmaak, taakuymanq taasachmanq ajwi' li xmaak.

Salmos 27:8

“Chasik' xnaq' ru”, chan we linch'ool. Relik chi yaal, a' li xnaq' aawu ninsik', at Qaawa'; maamuq chiwu li xnaq' aawu!

San Lucas 18:1

Kixye reheb' jun li jaljookil ru aatin re xk'utb'al chiruheb' naq tento te'tijoq junelik, chi maak'a'aq ch'inank ch'oolej:

San Mateo 7:11

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik leechoxahil Yuwa' ink'a' tixk'e li q'axal chaab'il reheb' li neke'tz'aamank chiru!

Salmos 50:15

Chayaab'a link'ab'a' sa' xkutankil laarahilal; laa'in tatinkol ut laa'at tinaaloq'oni”.

Cantares 3:2

Jo'kan naq tinwakliiq ut tinb'eeni li tenamit: sa'eb' li b'e ut li k'ayiil tinsik'i li xrahom li waanm. Xinsik', ab'an ink'a' xintaw.

Romanos 2:7

li Yos tixk'e junelik yu'am reheb' li ninqeb' xkuyum chi xb'aanunkil li us, jo'k'ihaleb' li neke'xsik' li loq'al, li chaab'ilal ut li yu'am ink'a' nalajk na'oso'k.

Salmos 119:12

Usilaatinanb'ilat taxaq, at Qaawa'; chak'ut taxaq chiwu laachaq'rab'.

Salmos 86:5

Q'axal chaab'ilat, at Qaawa', ut aj kuyulat maak; makach'in xnimal laawuxtaan sa' xb'eeneb' li neke'tijok chawu.

Salmos 70:4

Che'q'ajq chirixeb' xb'aaneb' xxutaan eb' li neke'se'enk we: “Ja, ja!”, chankeb'.

Salmos 69:32

A'an q'axal tixk'ulub'an wi' chik ru li Qaawa' chiru junaq wakax, malaj chiru junaq ral wakax li wanq xxukub' ut rixi'ij.

1 Reyes 3:5

Ut aran Gabahón li Qaawa' kixk'ut rib' chiru laj Salomón sa' xmatk' chiru q'oqyink, ut kixye re: “Tz'aama chiwu li k'aru taawaj ut laa'in tink'e aawe”.

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

Romanos 3:11

Maa'ani wank xna'leb', junaq taxaq li nasik'ok re li Yos.

San Lucas 13:25

Naq taaxaqliiq chaq laj eechal kab'l ut toxtz'ap li okeb'aal, laa'ex li wanqex chirix kab'l teetikib' b'oqok sa' li okeb'aal: «Qaawa', te li kab'l chiqu», cha'qex. Ut a'an taachaq'oq chaq ut tixye eere: «Ink'a' ninnaw eeru b'ar chalenaqex».

Salmos 34:4

Qanimaaq ru li Qaawa' wochb'eenex, junxikikaqo chi xterq'usinkil li xk'ab'a'.

Salmos 37:4

chiwanq xsahil aach'ool rik'in li Qaawa' ut taak'ehe'q aawe li naraj laawaanm.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

Génesis 26:32

Sa' ajwi' li kutan a'an eb' laj k'anjel chiru laj Isahak ke'wulak rik'in ut ke'xye resil naq xe'xb'ek li ha': “Xqataw chaq li ha'”, chankeb' re.