San Mateo 7:6 - Q'eqchi Bible

⁶ “Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

Li Santil hu

⁶ Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

San Mateo 7:6 ပူးပေါင်းရင်းမြစ်များ

Proverbios 23:9

Maak'e xchaab'il na'leb' li maak'a' xk'a'uxl, xb'aan naq yal tixse'e laachaab'il aatin xaye.

Proverbios 26:11

Jo' naq li tz'i' naxlow wi' chik sa' li xxa'aw, jo'kan ajwi' li maak'a' xna'leb' naq naxb'aanu wi' chik li maa'usilal.

Filipenses 3:2

Chekol eerib' chiruheb' li tz'i'; chekol eerib' chiruheb' li maa'us aj k'anjel; chekol eerib' chiruheb' laj sirkunsisyon aj b'alaq'!

San Mateo 15:26

Kichaq'ok li Jesus: —Moko us ta xmaq'b'al xwaheb' li alal k'ajolb'ej re xk'eeb'al reheb' li kok' tz'i', chan re.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

2 Pedro 2:22

Xe'xk'ul jo' naxye jun li aatin tz'aqal yaal: “Li tz'i' naxlow wi' chik sa' li xxa'aw”, ut: “Li aaq x'atink, naxb'ak'le wi' chik rib' sa' sulul”.

San Mateo 24:10

Naab'aleb' te'luktaaq xch'ool sa'eb' li kutan a'an, te'xb'alaq'i rib' ut xik' te'ril rib' chirib'ileb' rib'.

Proverbios 11:22

Li ixq ch'ina'us ut maak'a' xna'leb' chanchan wi' li matq'ab' oor chi ru'uj junaq aaq.

Hebreos 6:6

wi neke't'ane'k wi' chik, ramro chiruheb' naq te'ak'ob'resiiq wi' chik rik'in yot'b'ach'oolej jalb'ak'a'uxl, xb'aan naq neke'xchirib' wi' chik chiru krus li Ralal Li Yos ut neke'xk'e sa' xutaan chiruheb' li tenamit.

2 Corintios 11:26

K'iila sutin chi b'eek; k'ajo' chaq linxiw xb'aaneb' li nima', xb'aaneb' laj elq', xb'aaneb' li wech tenamitul, xb'aaneb' li junch'ol chik; sa'atq li tenamit, sa'atq li junesal na'ajej, chiruhatq li palaw xb'aaneb' li was wiitz'in aj b'alaq'.

Proverbios 26:4

Maasume ru li k'aru naxye li maak'a' xna'leb' re naq ink'a' tatkanaaq laa'at jo' a'an.

San Mateo 7:5

At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

Apocalipsis 22:15

Elqeb' li tz'i', eb' laj tuul, eb' laj muxuleb' rib', laj kamsineleb' ras riitz'in, eb' laj loq'oninel li yal k'oxlanb'il yos ut chixjunileb' li neke'xra ut neke'xb'aanu li tik'ti'!