San Mateo 7:2 - Q'eqchi Bible

² Xb'aan naq jo' chanru nekexraqok aatin laa'ex, jo'kan ajwi' naq taaraqmanq aatin sa' eeb'een; ut rik'in li b'isleb' nekexb'isok wi', texb'ise'q ajwi' laa'ex.

Li Santil hu

² Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

San Mateo 7:2 ပူးပေါင်းရင်းမြစ်များ

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

San Marcos 4:24

Kixye ajwi' reheb': “K'ehomaq reetal li yookex chi rab'inkil. Rik'in li b'isleb' nekexb'isok wi', texb'ise'q ajwi' laa'ex, ut taak'eemanq chik xtz'aqob'.

San Lucas 6:38

Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

Abdías 1:15

Xb'aan naq yo chaq chi nach'ok li xkutankil li Qaawa' cho'q reheb' chixjunil li tenamit. Jo' xab'aanu laa'at reheb' li junch'ol chik, jo'kan ajwi' naq taa'uxmanq aawe: taachalq sa' aab'een laak'ulub' xk'ulb'al.

Apocalipsis 18:6

K'ehomaq re jo' naq a'an kik'ehok, chek'e reeqaj li xb'aanuhom ka' sut chik xk'ihal. Ut sa' li sek' kixkawresi wi' li uk'a', chekawresi laa'ex li xka'wail re a'an.

2 Corintios 9:6

K'ehomaq reetal: li ani b'a'b'ay ajwi' naraw, b'a'b'ay ajwi' tixq'ol; ut ani na'awk chi yo'oon, yo'oon ajwi' tixq'ol.

Jueces 1:7

Toja' naq laj Adoni-Bések kixye reheb': “Junxil lajeeb' xkaak'aal chi awab'ej neke'xokok chaq xk'aj wa rub'el linmeex, chi yok'b'il li xna' ru'uj ruq'eb' ut li xna' ru'uj roqeb'. Ab'an anaqwan, jo' chanru xinb'aanu, jo'kan ajwi' naq xinxq'ajkamu li Yos”, chan. Ut ke'xk'am Jerusalén, ut aran kikamk.

Jeremías 51:24

“Ab'anan cheru ajwi' laa'ex aj Judá tink'e reeqaj re Babilonia ut reheb' chixjunil laj Kaldeha li rahilal xe'xb'aanu re Sión -chan li Qaawa'-.

1 Samuel 15:33

A'ut laj Samuel kixye re: “Rik'in laach'iich' xakanab'eb' naab'al chi na'b'ej chi maak'a'eb' chik xkok'al. Jo'kanaq ajwi' laana', taakanaaq chi maak'a' chik li xyum”, chan. Tikto kixseti laj Agag chiru li Qaawa' aran Kilkal.

Salmos 109:17

Kixra ru li majewank: chikanaaq sa' xb'een a'an; ink'a' kiraj li osob'tesiik: mi'osob'tesiik ajwi' a'an.

Isaías 33:1

Rahilal chaalel sa' aab'een, at aj rahob'tesinel toj maji' rahob'tesinb'ilat; aj elq'at chi toj maak'a' na'elq'aak aawe! Naq tatraqe'q chi rahob'tesink ut chi elq'ak, tatrahob'tesiiq ajwi' laa'at ut taa'elq'aaq li k'aru aawe.

Jeremías 34:17

Jo'kan naq laa'in, li Qaawa', ninye chi jo'ka'in: Laa'ex ink'a' xineepaab' ut ink'a' xekanab' chi ach'ab'anb'il leeras eeriitz'in; jo'kan naq laa'in tinkanab' chi chalk sa' eeb'een li raaxiik', li we'ej ut li raxkamk, re naq te'ok xxiw chixjunileb' li tenamit sa' ruuchich'och' chi rilb'al leerahilal.

San Mateo 6:14

“Wi laa'ex nekekuyeb' xmaak leeras eeriitz'in, leechoxahil Yuwa' tixkuy tixsach ajwi' eemaak.

Éxodo 21:24

Isinb'ilaq xsa' ru li x'isink xsa' aawu; isinb'ilaq ruuch re li x'isink ruuch aawe; yok'b'ilaq ruq' li xyok'ok aawuq' ut yok'b'ilaq roq li xyok'ok aawoq.

Jueces 5:27

toj reetal kit'ane'k chi roq, yo chi xtolk'osinkil rib' chi roq lix Jahel; ut b'arwi' kit'ane'k, aran ki'oso'k.

2 Samuel 21:5

Ut eb' a'an ke'xsume: “Laj Saúl kiraj raj qasachb'al ut kixyal qakamsinkil re naq too'oso'q sa' xsutam Israel.