San Mateo 7:13 - Q'eqchi Bible

¹³ “Okanqex sa' li okeb'aal kach'in ru xb'aan naq nim ru li okeb'aal ut nim ru li b'e nak'amok sa' li kamk chi junelik, ut naab'aleb' li neke'ok aran.

Li Santil hu

¹³ Chex-oc saꞌ li oqueba̱l li caꞌchꞌin ru xban nak nim ru li oqueba̱l ut nim ru li be li naxic saꞌ li tojba ma̱c ut nabaleb li nequeꞌxic aran.

San Mateo 7:13 ပူးပေါင်းရင်းမြစ်များ

Proverbios 16:25

Wan naq jun li b'e chanchan naq tiik, ab'an sa' xraqik natawmank li kamk.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Juan 10:9

Laa'in li okeb'aal. Ani taa'ok sa' ink'ab'a', kolb'ilaq; taa'ok, taa'elq ut tixtaw xwa.

Isaías 55:7

Li ink'a' us xch'ool xkanab'aq xb'aanunkil li maa'usilal, ut li yib'ru xna'leb' mixk'oxla chik li ink'a' us. Sutq'iiq chaq rik'in li Qaawa' ut A'an taaruxtaana ru, sutq'iiq chaq rik'in li qaYos li jwal chaab'il chi kuyuk maak.

Proverbios 9:6

Kanab'omaq li xmajelalil eena'leb', ut taawanq eeyu'am; taaqehomaq xb'ehil li seeb'al k'a'uxl”.

Gálatas 5:24

Ut eb' li reheb' li Kriist xe'xk'e chiru krus li tz'ejwalej jo' ajwi' li k'aru naxrahi ut narataw ru.

San Mateo 3:2

“Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

San Mateo 3:8

Chik'utunq b'i' sa' leeyu'am li naruuchin li yot'b'ach'oolej jalb'ak'a'uxl,

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

Filipenses 3:19

Ab'an li xraqikeb' a'in, a'an li sachk; li xyoseb' a'an li xsa'eb'; neke'xnimob'resi rib' sa' li xutaanalil na'leb' neke'xye neke'xb'aanu, ut ka'ajwi' li k'a'aq re ru wank sa' ruuchich'och' neke'reek'a xsahil.

2 Corintios 4:4

cho'q reheb' li maak'a' neke'xpaab', xb'aan naq li xyos li ruuchich'och' a'in xmutz'o'b'resi li xk'a'uxeb' re naq ink'a' taalemtz'unq chiruheb' li xsaqenkil li xChaab'il Esil li Kriist nim xloq'al, a'an a'in li xjalam u li Yos.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

Apocalipsis 20:3

Ut kixkut sa' li Siwan, kixmuq chisa' ut kixtz'ap xb'een li okeb'aal rik'in tz'apleb' re naq ink'a' chik tixb'alaq'iheb' li tenamit, toj taatz'aqloq jun mil chihab'. Ab'an, chirix chik a'an, tento taa'ach'ab'aaq chiru jarub'aq kutan.

1 Juan 5:19

Naqanaw naq reho li Yos ut chixjunil li ruuchich'och' wank rub'el xwankil li maa'us.

San Mateo 25:46

Ut te'xik eb' a'in sa' li tojb'amaak chi junelik, ut eb' li tiikeb' xch'ool te'xik sa' li junelik yu'am”.

San Mateo 25:41

“Toja' naq tixye ajwi' reheb' li wanqeb' sa' xtz'e uq': «Elenqex chiwu, maa'usilanb'ilex. Ayuqex sa' li xam li ink'a' nachup, kawresinb'il cho'q re laj tza ut eb' laj k'anjel chiru.

Génesis 6:12

Li Yos kiril li ruuchich'och' ut kixk'e reetal naq yib'eetal aj chik ru, xb'aan naq chixjunileb' li tenamit junes li maa'usilal neke'xb'aanu sa' ruuchich'och'.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Romanos 9:22

Li Yos q'axal kixkuy eb' li xk'ulub'eb' raj li tojb'amaak ut li sachk. Rik'in a'an kiraj xk'utb'al li xtiikilal xch'ool ut li xwankil.

San Lucas 14:33

Jo'kan naq yalaq ani eere laa'ex li ink'a' tixkanab' chixjunil li xjunkab'lal, ink'a' naru taawanq cho'q intzolom.

Isaías 1:9

Wi ta li Nimajwal Yos ink'a' xooxkol wiib' oxib'aq, xookanaak raj kama' Sodoom, chanchano raj li tenamit Gomoor.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

Génesis 6:5

Kiril li Qaawa' naq li xmaa'usilaleb' li winq yo chi numtaak sa' ruuchich'och' ut junes tz'i'b'eetalil na'leb' neke'xk'oxla sa' xch'ooleb';

San Lucas 9:33

Ut naq yookeb' chi elk eb' a'in, kixye laj Pedro re li Jesus: —At Tzolonel, us toowanq arin. Qayiib'aq oxib' chi muheb'aal: jun cho'q aawe, jun cho'q re laj Moisés, jun chik cho'q re laj Elías. Ab'an laj Pedro ink'a' naxnaw li k'aru yo chi xyeeb'al.

Proverbios 7:27

Li xik sa' rochoch li ixq a'an, a'an li xik sa' xb'alb'a: a'an li xik sa' xna'ajeb' li kamenaq.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

San Mateo 7:14

Ab'an q'axal laatz' ru li okeb'aal ut kach'in ru li b'e nak'amok sa' li yu'amej, ut ink'a' k'iheb' li neke'tawok re.