San Mateo 6:9 - Q'eqchi Bible

⁹ Jo'ka'in naq textijoq laa'ex: «At qaYuwa' li wankat sa' choxa, santob'resinb'il taxaq laak'ab'a',

Li Santil hu

⁹ Ut la̱ex joꞌcaꞌin nak textijok: At Ka̱cuaꞌ, cuancat saꞌ li santil choxa, lokꞌoninbilak taxak la̱ santil cꞌabaꞌ.

San Mateo 6:9 ပူးပေါင်းရင်းမြစ်များ

Apocalipsis 4:11

“Aak'ulub', at Qaawa', at qaYos, xk'ulb'al laanimal laaloq'al, li loq'onink ut laawankilal, xb'aan naq laa'at katyoob'tesink re chixjunil: rik'in laawajom ke'yoob'tesiik ut wankeb' chik anaqwan”.

Romanos 8:15

Ut laa'ex moko xemaatani ta junaq musiq'ej nak'ehok eere chi moosil re naq wanqex wi' chik sa' leexiw; xemaatani b'an li Musiq'ej nak'ehok eere chi alalb'ej k'ajolb'ejil, a' li nokooruuk wi' chi xyeeb'al chi kaw: “Abbá”, naraj naxye: “At inYuwa'”.

Ezequiel 36:23

Laa'in tink'ut chiruheb' li tenamit naq q'axal sant link'ab'a' li muxb'il eeb'aan sa' xyanqeb' li xninqal ru tenamit. Ut naq tinb'aanu a'in, eb' a'an te'xnaw naq laa'in li Qaawa' -chan li Qaawa'-.

Malaquías 1:11

“Sa' chixjunileb' li tenamit chalen sa' releb'l saq'e toj sa' rokeb'l jwal nim link'ab'a' ut yalaq b'ar nayeechi'imank k'ajpom ut mayej li ink'a' muxb'il ru, sa' ink'ab'a'. Xb'aan naq eb' li jalan tenamit neke'xk'e inloq'al -chan li Nimajwal Yos-.

Salmos 111:9

Kixk'am chaq li kolb'a ib' cho'q re li xtenamit ut kixk'ojob' li xSumwank chi junajwa: q'axal sant ut xiwajel li Qaawa'!

Isaías 64:8

At Qaawa', laa'at li qana' qayuwa', laa'o chanchano li seb' ut laa'at laj pak'ol qe; chiqajunilo laa'o xyiib'ahomo laawuq'.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Gálatas 4:6

Ut relik chi yaal naq alal k'ajolb'ejex chik, xb'aan naq li Yos kixtaqla chaq sa' qach'ool li xMusiq' li Ralal, li nayehok chi kaw: “Abbá, at inYuwa'!”.

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Apocalipsis 5:12

yookeb' chi xyeeb'al chi kaw xyaab'eb' xkux: “Li Karneer kikamsiik, a'an xk'ulub' xk'ulb'al xwankil, xb'ihomal, xna'leb', xkawilal, xnimal xloq'al ut loq'onink, jo' ajwi' naq taaterq'usiiq xk'ab'a'”.

Salmos 115:3

Li qaYos wank sa' choxa; jo'nimal li naraj xb'aanunkil, nalajxb'aanu.

Nehemías 9:5

Laj Josué, laj Kadmiel, laj Baní, laj Jasabnías, laj Serebías, laj Hodías, laj Sebanías ut laj Petajías aj Levíheb' ke'xye: “Xaqlinqex ut chenimaaq ru li Qaawa' leeYos junq'e junq'e kutan. Usilaatinanb'il taxaq li xloq'laj k'ab'a', li q'axal nim xloq'al ut xwankilal chiru chixjunil li naru xyeeb'al”.

San Mateo 7:11

Jo'kan utan, wi laa'ex li moko chaab'ilex ta nekenaw xk'eeb'al li chaab'il simaatan reheb' leeralal eek'ajol, ma toja' ta chik leechoxahil Yuwa' ink'a' tixk'e li q'axal chaab'il reheb' li neke'tz'aamank chiru!

Isaías 63:16

Laa'at li qana' qayuwa'! Us ta laj Abrahán ink'a' nokooxk'e sa' xch'ool chi moko nokoojultiko'k re laj Israel, a'ut laa'at li qana' qayuwa', at Qaawa'; chalen chaq sa' xtiklajik laa'at laj kolol qe.

Salmos 72:18

Usilaatinanb'il taxaq li Qaawa', xYos laj Israel: ka'ajwi' A'an nab'aanunk re sachb'ach'oolej!

San Mateo 26:29

Ninye eere naq chalen anaqwan ink'a' chik twuk' xya'al li uub' toj sa' chik li kutan a'an naq a' chik li ak' b'iin twuk' wochb'eenex sa' li xnimajwal awab'ejihom linYuwa'.

San Mateo 23:9

Maa'ani cheye wi' «Qayuwa'» sa' ruuchich'och', xb'aan naq jun ajwi' leeYuwa', a' li wank sa' choxa.

San Mateo 5:16

Jo'ka'in naq chilemtz'unq leesaqenkil chiruheb' li tenamit, re naq te'ril leechaab'il b'aanuhom ut te'xnima xloq'al leechoxahil Yuwa'.

2 Crónicas 20:6

ut kixye: “At Qaawa', xYosat eb' li qana' qayuwa', ma ink'a' tab'i' laa'at xYosat li choxa ut wank aawankil sa' xb'eeneb' chixjunil li x'awab'ejihom li ruuchich'och'? Sa' laawuq' laa'at wank li kawilal ut li wankilal, ut maajun nakuyuk aasumenkil.

San Lucas 15:18

Tinwakliiq, tinxik rik'in linyuwa' ut toxinye re: Wa', xinmaakob'k chiru li choxa ut chawu laa'at.

Zacarías 14:9

Ut li Qaawa' taa'awab'ejinq re chixjunil li ruuchich'och'. Sa' li kutan a'an junaq ajwi' li Qaawa' ut junaq ajwi' li xk'ab'a'.

1 Reyes 8:43

chawab'iiq li xtij toj sa' li choxa, sa' laamuheb'aal. Chak'e re laj ab'l tenamit li k'aru tixpatz' aawe, re naq chixjunileb' li tenamit sa' ruuchich'och' te'xnaw aawu ut te'xk'e aaloq'al, jo' neke'xb'aanu eb' laj Israel laatenamit, ut te'xk'e reetal naq napatz'mank laak'ab'a' sa' li loq'laj ochoch a'in li xinyiib' cho'q aawe.

Habacuc 2:14

Ut taanawmanq ru li xnimal xloq'al li Qaawa' junsut junrub'el choxa, jo' naq nanujak li palaw rik'ineb' li k'iila ha'.

Ezequiel 38:23

Chi jo'kan tink'ut linwankilal ut linsantilal chiruheb' li k'iila teep chi tenamit. Tink'ut wib' chiruheb' ut eb' a'an te'xnaw naq laa'in li Qaawa'.

1 Crónicas 17:24

Chitz'aqloq ru li k'aru xayeechi'i, chinimaaq taxaq xloq'al laak'ab'a' chi junelik ut chiyeemanq naq li Qaawa', li Nimajwal Yos, xYos laj Israel, a'an tz'aqal li Yos cho'q reheb' laj Israel! Xaqxooq taxaq sa' xna'aj li xjunkab'al laj David laj k'anjel chawu xb'aan xnimal aarahom.

2 Samuel 7:26

Chinimaaq taxaq xloq'al laak'ab'a' chi junelik ut chiyeemanq naq li Qaawa', li Nimajwal Yos, a'an li xYos laj Israel! Xaqxooq taxaq sa' xna'aj li xjunkab'al laj David laj k'anjel chawu xb'aan xnimal aarahom.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

1 Timoteo 6:16

li jun chirib'il li ink'a' nakamk, li wank sa' jun saqenk li maa'ani nawulak aran; maajun junaq winq x'ilok ru chi moko taaril ru. Rehaq taxaq li loq'oniik ut li nimajwal wankilal chi junelik. Jo'kan taxaq.

San Lucas 15:21

Ut li ralal kixye re: «Wa', xinmaakob'k chiru li choxa ut chawu laa'at. Ink'a' chik ink'ulub' naq tink'ab'a'in aawalal».

San Lucas 2:14

“Nim li xloq'al li Yos taqe'q ut wank tuqtuukil usilal sa' ruuchich'och' rik'ineb' li raarookeb' xb'aan li Qaawa'”.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

San Mateo 6:14

“Wi laa'ex nekekuyeb' xmaak leeras eeriitz'in, leechoxahil Yuwa' tixkuy tixsach ajwi' eemaak.

San Mateo 6:6

A'ut laa'at, naq tattijoq, okan sa' laawochoch, tz'ap li okeb'aal ut tijon chiru laaYuwa' li wank sa' muqmu; ut laaYuwa' li naril li k'aru wank sa' muqmu, tatxq'ajkamu.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

Levítico 10:3

Chirix chik a'an laj Moisés kixye re laj Aharón: “A'an a'in li kixye li Qaawa': «Eb' li te'jiloq chaq wik'in tink'ut chiruheb' linsantilal, ut chiruheb' chixjunil laj Israel tink'ut linloq'al»”. Ut laj Aharón kikanaak chi maak'a' chik kixye.

Gálatas 1:1

Laa'in laj Pablo, apóstol moko xb'aan ta naq b'oqb'ilin malaj taqlanb'ilin xb'aan winq, sa' xk'ab'a' b'an li Jesukriist ut sa' xk'ab'a' li Yos Yuwa'b'ej li kiwaklesink re chi yo'yo sa' xyanqeb' li kamenaq.

San Juan 20:17

Li Jesus kixye re: —Minaab'ay, xb'aan naq toj maji' nintaqe'k rik'in li Yuwa'b'ej. Ayu wankeb' wi' li wiitz'in ut ye reheb': «Taqe'k we rik'in linYuwa' ut eeYuwa' ajwi' laa'ex, rik'in linYos ut eeYos ajwi' laa'ex».

San Mateo 26:42

Koho wi' chik chi tijok xka' sut ut kixye: “At inYuwa' wi ink'a' truuq naq taanume'q li sek' a'in chi ink'a' ta twuk' li xsa', chi'uxmanq laawajom”.

Isaías 37:20

A'ut anaqwan, at Qaawa', at qaYos, choohaakol chiruheb', xnawaqeb' chixjunileb' li tenamit sa' ruuchich'och' naq ka'ajwi' laa'at li Qaawa', li tz'aqal Yos”.

Romanos 1:7

Eerik'in chejunilex laa'ex li raarookex xb'aan li Yos aran Roma ut b'oqb'ilex chi wank sa' santilal chiwanq taxaq li usilal ut li tuqtuukilal nachalk rik'in li Yos li qaYuwa' ut rik'in li Qaawa' Jesukriist.

San Mateo 10:29

“Ma ink'a' tab'i' nak'ayimank wiib'aq li kok' xul chi jun sentaaw? Ut maajun reheb' taat'ane'q sa' ch'och' chi ink'a' ta traj leeYuwa'.