San Mateo 5:9 - Q'eqchi Bible

⁹ Us xaq reheb' li neke'k'anjelak chirix li tuqtuukilal, xb'aan naq nawnooqeb' ru jo' ralal xk'ajol li Yos.

Li Santil hu

⁹ Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

San Mateo 5:9 ပူးပေါင်းရင်းမြစ်များ

Hebreos 12:14

Cheyalaq eeq'e chi wank sa' tuqtuukilal rik'ineb' chixjunil, ut chexwanq sa' santilal, xb'aan naq wi maak'a'aq a'an, maa'ani taa'iloq ru li Qaawa'.

Romanos 12:18

Wi naru xb'aanunkil, chexwanq sa' usilal rik'ineb' chixjunil, jo'ch'inal jo'nimal naxk'e rib' cheru.

Gálatas 5:22

A'ut li naruuchin li Musiq'ej a'an li rahok, sahil ch'oolej, tuqtuukilal, kuyuk, chaab'ilal, usilal, paab'ank,

Salmos 120:6

Naab'al kutan xinwank sa' xyanqeb' li neke'xtz'eqtaana li tuqtuukilal.

Romanos 8:14

Chixjunileb' li b'eresinb'ileb' xb'aan li xMusiq' li Yos, a'aneb' ralal xk'ajol li Yos.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

2 Corintios 13:11

Ex was wiitz'in, chisaho'q sa' leech'ool, tz'aqalaq eere eeru, chek'e xkawub' leech'ool, junajaq ru leek'a'uxl, wanqex sa' tuqtuukilal, ut li Yos li nak'ehok li rahok ut li tuqtuukilal taawanq eerik'in.

Colosenses 3:13

Chekuyaq eerib' cherib'il eerib' ut, wi junaq wank k'aru tixjit wi' li jun chik, chek'am eerib' sa' usilal. Jo' naq kixkuy eemaak li Kriist, jo'kan ajwi' cheb'aanu laa'ex.

Salmos 34:12

Ex walal ink'ajol, kimqex ut chineerab'ihaq: twaj xk'utb'al cheru roxloq'inkil li Qaawa'.

San Mateo 5:48

Tz'aqalaq b'i' eere eeru jo' leechoxahil Yuwa' tz'aqal re ru.

2 Corintios 5:20

Laa'o b'i' li xtaql li Kriist, chanchan naq li Yos yo chi aatinak qab'aan. Sa' xk'ab'a' li Kriist naqatz'aama naqelaji cheru: chek'e wi' chik eerib' chi k'ame'k sa' usilal rik'in li Yos!

Hechos 7:26

Sa' li kutan jun chik kixk'ut rib' chiruheb' naq yookeb' chi xch'e'b'al rib', ut kiraj raj xk'amb'aleb' sa' tuqtuukilal chirib'ileb' rib': «Ex winq, laa'ex eeras eeriitz'in eerib' -chan reheb'. K'a'ut naq yookex chi xrahob'tesinkil eerib' cherib'il eerib'?».

San Mateo 5:45

re naq laa'exaq ralal xk'ajol leechoxahil Yuwa' li naxk'e chaq li saq'e sa' xb'eeneb' li ink'a' useb' jo'wi' li useb' xch'ool, ut naxk'e chaq li hab' sa' xb'eeneb' li tiikeb' jo'wi' li ink'a' tiikeb' xch'ool.

1 Crónicas 12:17

Toja' naq a'in ki'elk chaq chi xk'ulb'aleb' ut kixye reheb': “Wi xexchalk sa' tuqtuukilal re intenq'ankil, tink'ulub'a chi anchal linch'ool naq teejunaji eerib' wik'in. Ab'an wi xexchalk re inb'alaq'inkil ut re inq'axtesinkil sa' ruq'eb' li xik' neke'ilok we chi maak'a' inmaak, a' taxaq li xYoseb' li qaxe' qatoon chi'iloq re ut chirahob'resinq eere!”, chan.

1 Corintios 6:6

Laa'ex rik'in leerech aj paab'anelil nekejit eerib', ut a'an nekeb'aanu sa' xraqleb'aal aatin eb' li ink'a' neke'paab'ank.

Filipenses 4:2

Nintz'aama chiru lix Evodia jo' ajwi' chiru lix Síntike, naq junajaq xk'a'uxeb' jo' naraj li Qaawa'.

San Lucas 20:36

Ink'a' chik ajwi' truuq te'kamq xb'aan naq jo'aqeb' chik li ánjel ut a'anaqeb' ralal xk'ajol li Yos, sa' xk'ab'a' naq xe'wakliik wi' chik chi yo'yo.

Efesios 4:1

Jo'kan utan, laa'in li wankin sa' tz'alam sa' xk'ab'a' li Qaawa', nintz'aama cheru naq chexwanq jo' chanru leeb'oqb'al k'eeb'il eere,

Romanos 8:16

A' ajwi' li Musiq'ej rochb'een li qaanm naxch'olob' xyaalal naq ralalo li Yos.

Romanos 8:19

Jo'ch'inal jo'nimal li wank junsut junrub'el choxa q'axal yo chi xrahinkil ut xyo'oninkil naq taak'utb'esimanq chi yaal naq laa'o ralal xk'ajol li Yos.