San Mateo 5:5 - Q'eqchi Bible

⁵ Us xaq reheb' li tuulaneb', xb'aan naq te'reechani li loq'laj na'ajej yeechi'inb'il xb'aan li Yos.

Li Santil hu

⁵ Us xak reheb li tu̱laneb xban nak eb aꞌan teꞌe̱chani̱nk re li naꞌajej li yechiꞌinbil reheb xban li Dios.

San Mateo 5:5 ပူးပေါင်းရင်းမြစ်များ

Salmos 37:11

A'ut eb' li neb'a' te'reechani li chaab'il na'ajej. K'ajo' xnimal li tuqtuukil usilal te'xyal chi junelik!

Isaías 29:19

Eb' li kub'enaqeb' xwankil te'saho'q wi' chik xch'ool rik'in li Qaawa', ut eb' li neb'a' q'axal te'k'ojlaaq xch'ool rik'in li Yos, li xSant laj Israel.

Santiago 3:13

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

Salmos 149:4

Xb'aan naq li Qaawa' naxra li xtenamit ut naroxloq'iheb' li tuulan rik'in li kolb'a ib'.

Gálatas 5:23

tuulanil, kuyuk ib'. Maak'a' junaq chaq'rab' naxye naq ink'a' us xb'aanunkil chixjunil a'in.

Santiago 1:21

Jo'kan utan, tz'eqtaanahomaq chixjunil li tz'ajb'eetal jo'wi' chixjunil li maa'usilal li yo chi numtaak, ut k'ulumaq sa' q'unil li Aatin awb'il eerik'in: a'an wank xwankil chekolb'al.

Salmos 25:9

Naxb'eresi li tuulan sa' xb'ehil li tiikil ch'oolej, ut naxk'ut li xb'e chiruheb' li neb'a'.

Números 12:3

Laj Moisés a'an jun li winq tuulan, q'axal tuulan chik chiruheb' chixjunil li wankeb' sa' ruuchich'och'.

Colosenses 3:12

Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum.

San Mateo 11:29

Chek'ulub'a linchaq'rab' nink'e sa' eeb'een ut tzolomaq eerib' wik'in, xb'aan naq tuulanin ut q'un linch'ool, ut sa texwanq.

Efesios 4:2

q'unaq leech'ool ut junelik tuulanaqex, chaab'ilaqex; chekuyaq eerib' cherib'il eerib' rik'in rahok,

1 Pedro 3:15

Cheloq'oni b'an ru li Qaawa', li Kriist, sa' leech'ool, ut yo'oon wanqex chi junelik re xsumenkil chixjunileb' li te'patz'oq eere xyaalal li oyb'enink wank eerik'in.

Sofonías 2:3

Sik'omaq li Qaawa' chejunilex li kub'enaq eewankil sa' li ruuchich'och' a'in, jo'k'ihalex li nekexpaab'ank re li xchaq'rab'. K'anjelahomaq li tiikilal ut li q'unil ch'oolej: mare anchal texkole'q sa' xkutankil li xjosq'il li Qaawa'.

Tito 3:2

Me'xhob' anihaq, maawa'aqeb' aj yoob'anel ch'a'ajkilal, q'unaqeb' b'an xch'ool ut che'wanq tz'aqal sa' tuulanil chiruheb' chixjunil.

Salmos 37:22

Li osob'tesinb'il xb'aan li Qaawa', a'an taa'eechaninq re li chaab'il na'ajej; ab'an li tz'eqtaananb'il xb'aan, taasache'q chi junajwa.

Salmos 37:9

xb'aan naq eb' laj b'aanuhom maa'usilal te'sache'q chi junajwa, a'ut li k'ojk'ookeb' xch'ool rik'in li Qaawa' te'reechani li chaab'il na'ajej.

1 Pedro 3:4

Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

Isaías 11:4

Taaraqoq b'an aatin sa' tiikilal chirixeb' li maak'a'eb' xwankil ut tixkoleb' li neb'a' li wankeb' sa' li tenamit. Yal rik'in li raatin tixrahob'tesi li ink'a' us xna'leb' ut rik'in li xmusiq' tixsach ru li nab'aanunk maa'usilal.

Salmos 25:13

Chi jo'kan sahaq sa' xch'ool chi junelik, ut eb' li ralal xk'ajol te'reechani li ruuchich'och'.

1 Timoteo 6:11

A'ut laa'at aj raholat re li Yos, maab'aanu a'in; chayal b'an aaq'e chi xsik'b'al li tiikilal ut li roxloq'inkil li Yos; chasik' li paab'ank, li rahok, li kuyuk ut li tuulanil.

Salmos 69:32

A'an q'axal tixk'ulub'an wi' chik ru li Qaawa' chiru junaq wakax, malaj chiru junaq ral wakax li wanq xxukub' ut rixi'ij.

Salmos 37:29

Ab'an li tiikeb' xch'ool te'reechani li chaab'il na'ajej, ut aran te'wanq junq'e junq'e kutan.

Salmos 37:34

Kawaq aach'ool rik'in li Qaawa' ut b'aanu li rajom: taak'ehe'q aaloq'al ut taaweechani li chaab'il na'ajej; laa'at toxaawil xsachik li ink'a' useb' xna'leb'.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Romanos 4:13

Naq li Yos kixyeechi'i chaq re laj Abrahán jo'wi' reheb' li ralal xk'ajol naq te'reechani li ruuchich'och', relik chi yaal naq moko sa' xk'ab'a' ta li Chaq'rab' naq ki'uxk li yeechi'om a'in, sa' xk'ab'a' b'an li tiikil ch'oolej kixk'ul rik'in naq kixpaab'.

Salmos 147:6

Li Qaawa' naxwaklesi li kub'enaq xwankil; ab'an naxk'utzub' toj sa' pojtz' li ink'a' us xch'ool.

San Mateo 21:5

“Yehomaq re li xrab'in Sión: «We' chaq aawik'in laaRey, tuulan ut k'ojk'o chaq chirix jun li b'uur ut chirix ral jun li xul aj iiqonel»”.

Isaías 60:21

“Chixjunileb' li wanqeb' sa' laatenamit tiikaqeb' xch'ool ut te'reechani li na'ajej a'in chi junajwa. Laa'in kinyoob'tesink reheb' re naq te'xk'ut linloq'al: chanchaneb' li xtuxm li awimq li kiwaw laa'in.

Isaías 61:1

Li xMusiq' li Qaawa' wank sa' inb'een xb'aan naq li Yos xinxyul ut xinxtaqla chaq chi xyeeb'al li Chaab'il Esilal reheb' li neb'a', re xk'ojob'ankil xch'ooleb' li ra wankeb', re xpuktesinkil resil li kolb'a ib' reheb' li wankeb' sa' tz'alam ut li rach'ab'ankileb' li wankeb' chi tz'aptz'o;

Salmos 22:26

Tinnima aawu sa' li nimla ch'utam; chiruheb' chixjunil li neke'paab'ank aawe tink'e jo'nimal li xinyeechi'i sa' jurament.