San Mateo 5:4 - Q'eqchi Bible

⁴ Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

Li Santil hu

⁴ Us xak reheb li nequeꞌya̱bac xban xrahileb xchꞌo̱l xban nak eb aꞌan ta̱cꞌojoba̱k xchꞌo̱leb.

San Mateo 5:4 ပူးပေါင်းရင်းမြစ်များ

Apocalipsis 21:4

Tixchaqihob'resi chixjunil li xya'aleb' ru, ut ink'a' chik taawanq kamk, chi moko yaab'ak, chi moko japok e malaj rahilal, xb'aan naq li najter ruuchich'och' ak xnume'k”.

Isaías 57:18

Ak xwil li xb'aanuhom, ab'an tink'irtasi, tinb'eresi ut tink'ojob' xch'ool a'an jo'wi' li neke'yaab'ak chirix;

San Lucas 6:21

“Us xaq eere li nekextz'okaak anaqwan, xb'aan naq texnujob'resiiq moqon. “Us xaq eere li nekexyaab'ak anaqwan, xb'aan naq texse'eq moqon.

Santiago 1:12

Us xaq reheb' li neke'xkuy li yale'k! Xb'aan naq, chirix xq'axb'al ru a'an, te'xk'ul xq'ajkamunkileb', a' li yu'am yeechi'inb'il chaq xb'aan li Qaawa' reheb' li neke'rahok re.

Isaías 25:8

ut tixsach chi junajwa xwankil li kamk. Li Qaawa' tixmes li xya'al ruheb' chixjunil li poyanam ut tixsach li xxutaan li xtenamit junsut junrub'el choxa. Li Qaawa' kiyehok re a'in.

Isaías 66:10

“Sahoqex rik'in Jerusalén, chejunilex li nekexrahok re, chiwanq sahil ch'oolej sa' eeyanq. Wotzomaq li xsahilal xch'ool eerochb'een, jo'k'ihalex li xexyaab'ak chirix.

Ezequiel 9:4

ut kixye re: “B'eeni li tenamit Jerusalén ut k'e reetalileb' chi xpeekem eb' li yookeb' chi yaab'ak ut tz'uyink xb'aan li k'iila maa'usilal na'uxmank aran”.

Isaías 35:10

Eb' li kolb'ileb' xb'aan li Qaawa' te'sutq'iiq chaq, te'ok Sión yooqeb' chi b'ichank, ut chi xnaq' ruheb' taak'utunq li xsahilaleb' xch'ool chi junelik. Nimla sahilal taa'ochb'eeninq reheb' ut maak'a'aq chik li yaab'ak ut li rahil ch'oolej sa' xyanqeb'.

Isaías 30:19

Ex aj Jerusalén, mexyaab'ak chik. Li Qaawa' taaruxtaana eeru naq trab'i xyaab' leekux; ka'ajwi' texrab'i chi tz'aamank ut elajink, texsume.

San Lucas 16:25

“Ut laj Abrahán kixye re: «At walal, chijultiko'q aawe naq sa xatwank chaq chiru laayu'am, ut laj Lázaro ra xk'ul chaq. Anaqwan nak'ojob'aak xch'ool arin ut laa'at q'axal ra wankat.

Ezequiel 7:16

Eb' li te'ruhanq chi elelik, te'xb'eeni rib' sa'atqeb' li k'iche', tz'uyuynaqeb' xb'aan li xmaakeb', jo'qeb' li mukuy xib'esinb'ileb'.

San Lucas 6:25

“Ra chaalel sa' eeb'een li nujenaqex chi tzekemq anaqwan, xb'aan naq textz'okaaq moqon. “Ra chaalel sa' eeb'een li nekexse'ek anaqwan, xb'aan naq taayot'e'q eech'ool ut texyaab'aq moqon.

Isaías 12:1

Sa' li kutan a'an taaye: “Ninb'anyoxink chawu, at Qaawa', xb'aan naq xatjosq'o'k chiwu, ab'anan xch'anaak laajosq'il ut xak'ojob' wi' chik linch'ool.

San Lucas 7:50

Ab'anan li Jesus kixye re li ixq: —Laapaab'aal xkolok aawe; ayu sa' tuqtuukil usilal.

San Lucas 7:38

koxk'e rib' chirix li Jesus, chi roq, ut ki'ok chi yaab'ak ut chi xt'aqresinkileb' li roq rik'in li xya'al ru. Chirix chik a'an kixchaqihob'resiheb' li roq rik'in rismal xjolom, yo chi xtz'ub'aleb' ut xyulb'aleb' rik'in li sununkil b'an.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

Isaías 66:2

Laa'in kinyiib'ank re chixjunil a'in, ut jo'kan naq wankeb' -chan li Qaawa'-. “Li ani nink'e sa' xnaq' wu, a'an li neb'a' ut li q'un xch'ool, a' li na'oxloq'ink re li waatin.