San Mateo 5:34 - Q'eqchi Bible

³⁴ A'ut laa'in ninye eere: maajun wa teek'e jurament sa' xk'ab'a' li choxa, xb'aan naq a'an xk'ojarib'aal li Yos;

Li Santil hu

³⁴ Abanan la̱in tinye e̱re tento te̱ba̱nu li cꞌaꞌru te̱yechiꞌi ut me̱ba̱nu li juramento chi ma̱cꞌaꞌ rajbal. Me̱patzꞌ xcꞌabaꞌ li choxa xban nak aꞌan xnaꞌaj li Dios.

San Mateo 5:34 ပူးပေါင်းရင်းမြစ်များ

Santiago 5:12

Ex was wiitz'in, xb'een xb'een ninye eere: Meeye jurament sa' xk'ab'a' li choxa, chi moko sa' xk'ab'a' li ruuchich'och', chi moko sa' xk'ab'a' junaq chik k'a'aq re ru. Naq teeye “yaal”, yaalaq; ut naq teeye “ink'a'”, ink'a'aq, re naq ink'a' taachalq raqb'a aatin sa' eeb'een.

Isaías 66:1

Jo'ka'in kixye li Qaawa': “Li choxa a'an link'ojarib'aal, ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we, malaj k'a' chi na'ajejil teek'e cho'q inhilob'aal?

Eclesiastés 9:2

Juntaq'eet te'xk'ul chixjunileb': jo' li tiik xch'ool jo'wi' li ink'a' tiik xch'ool, jo' li chaab'il xna'leb' ut li ink'a' us xna'leb', jo' li naxpaab' li Chaq'rab' ut li ink'a' naxpaab', jo' li namayejak ut li ink'a' namayejak, jo' li saq ru xch'ool ut laj maak, jo' li naxb'aanu jurament ut li ink'a' naxb'aanu.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Salmos 11:4

Li Qaawa' wank sa' li xloq'laj ochoch, li Qaawa' wank xk'ojarib'aal sa' li choxa; naril chaq chixjunil li ruuchich'och' ut naxk'e reetal chixjunil li qab'aanuhom.

Hechos 7:49

«Li choxa a'an link'ojarib'aal ut li ruuchich'och' a'an li xxaqleb'aal li woq. K'aru chi ochochil teeyiib' laa'ex cho'q we? -chan li Qaawa'-. B'ar wank li na'ajej tinhilanq wi'?