San Mateo 5:12 - Q'eqchi Bible

¹² Chexsaho'q, chiwanq xnimla sahil eech'ool, xb'aan naq leeq'ajkamunkil nimaq sa' choxa. Jo'kan ajwi' naq ke'rahob'tesiik eb' li propeet li ke'wank chaq junxil cheru laa'ex.

Li Santil hu

¹² Mirahoꞌ e̱chꞌo̱l. Chisahokꞌ ban e̱chꞌo̱l riqꞌuin li cꞌaꞌru ta̱uxk e̱re xban nak kꞌaxal nim le̱ kꞌajca̱munquil ta̱qꞌuehekꞌ e̱re saꞌ choxa. Moco caꞌaj cuiꞌ ta la̱ex yo̱quex chi cꞌuluc re li raylal. Joꞌcan aj ban cuiꞌ queꞌxcꞌul li profeta li queꞌcuan junxil.

San Mateo 5:12 ပူးပေါင်းရင်းမြစ်များ

San Lucas 6:23

Chexsaho'q, chiwanq xnimal xsahil eech'ool sa' li kutan a'an, xb'aan naq leeq'ajkamunkil nimaq sa' choxa: jo'kan ajwi' ke'xb'aanu li xna' xyuwa'eb' reheb' li propeet.

Santiago 1:2

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'.

Colosenses 3:24

nekenaw naq li Qaawa' tixk'e eere li choxahil maatan cho'q eeq'ajkamunkil. Laj eechal eere li nekek'anjela ru, a'an li Kriist.

1 Pedro 4:13

Chexsaho'q b'an rik'in naq yookex chi tz'aqonk sa' li xrahilal li Kriist, re naq, sa' li xk'utb'esinkil rib' li xnimal xloq'al, k'ajo'aq ajwi' xsahil sa' eech'ool.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

Li xHu LIX RUT 2:12

Li Qaawa' chik'ehoq aawe reeqaj li chaab'il k'anjel xab'aanu! A' taxaq li Qaawa', xYos laj Israel, li rub'el li xwankil xulaak'e aawib' chi xmuheela, chiq'ajkamunq aawe jo' aak'ulub', chan.

Salmos 58:11

K'ajo' naq taasaho'q li tiik xch'ool chi rilb'al li eeqajunk, naq tixch'aj li roq sa' xkik'el li ink'a' us xna'leb'!

Isaías 3:10

Us xaq re li tiik xch'ool xb'aan naq tixyal xsahil li xchaab'il k'anjel.

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Hebreos 11:6

Ab'anan wi maak'a' qapaab'aal, ink'a' naru naq li Yos taasaho'q xch'ool qik'in, xb'aan naq ani najilok chi xk'atq li Yos tento tixpaab' naq wank li Yos ut a'an naxq'ajkamuheb' li neke'sik'ok re.

1 Ts 2:15

Eb' a'an ke'xkamsi li Qaawa' Jesus jo'wi' eb' li propeet, ut xoohe'xrahob'tesi laa'o. Neke'xb'aanu li raaxiik' reheb' chixjunil, ut li Yos ink'a' nawulak chiru li xna'leb'eb';

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

1 Reyes 18:13

Ma maji' neke'xseeraq'i aawe, a Elías, chirix li xinb'aanu naq lix Jesabel ki'ok chi xkamsinb'ileb' li xpropeet li Qaawa'? Laa'in xinmuqeb' o'k'aal chi propeet sa' wiib' ochoch pek: lajeeb' roxk'aal wankeb' sa' jun li ochoch pek ut lajeeb' roxk'aal sa' li jun chik. Ut xinch'oolaniheb' rik'in wa ut ha'.

2 Corintios 4:17

Li rahilal naqak'ul, a'an junpaat ajwi' ut moko aal ta riiqankil; ut a'an k'ajo' xnimal li junelik loq'al yo xkawresinkil cho'q qe laa'o,

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

San Mateo 6:16

“Naq tex'ayuuniq, moko jo'kaqex ta eb' laj ka'pak'al u li neke'xpak' xrahilaleb' xch'ool: neke'xpo' li rilob'aaleb' yal re naq taak'utunq chiruheb' li tenamit naq yookeb' chi ayuunik. Relik chi yaal ninye eere naq ak xe'xk'ul li xq'ajkamunkileb'.

1 Corintios 3:8

Li na'awok ut li nat'aqresink juntaq'eeteb' xloq'al, ab'an li junjunq toxk'ul xq'ajkamunkil a' yaal chanru xk'anjelak.

San Lucas 6:35

“A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Nehemías 9:26

“Ab'anan chirix a'an ke'xq'et laawaatin, ke'xq'etq'eti rib' chawu ut ke'xtz'eqtaana laachaq'rab'. Ke'xkamsiheb' li propeet li ke'xch'olob' chiruheb' naq te'sutq'iiq wi' chik aawik'in, ut k'ajo' naq kate'xmajewa.

Hechos 16:25

Tuqtu q'oqyink laj Pablo ut laj Silas yookeb' chi tijok ut chi b'ichank re xloq'oninkil li Yos, ut eb' li wankeb' sa' tz'alam yookeb' chi ab'ink.

San Lucas 13:34

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Jeremías 2:30

Maak'a' rajb'al naq xeb'inq'us chi kaw leeralal eek'ajol, xb'aan naq ink'a' xe'xtaw ru. Laa'ex xekamsi chi ch'iich' eb' li propeet jo' naq li kaqkoj naxt'upi li xtzak.

Salmos 19:11

q'axal atawanb'ileb' ru chiru li oor, chiru li oor q'axal chaab'il; jwal ki'eb' chik chiru li xya'al kab', chiru li na'elk chaq sa' rochoch li kab'.

2 Crónicas 16:10

K'ajo' naq kijosq'o'k laj Asá rik'in li propeet, ut kixk'e sa' tz'alam, xb'aan naq yo xjosq'il rik'in. Ut chiruheb' li kutan a'an laj Asá kixrahob'tesi ajwi' jalaneb' chik poyanam sa' xyanqeb' li tenamit.

1 Reyes 18:4

xb'aan naq junxil naq lix Jesabel yo xkamsinkileb' li xpropeet li Qaawa', kixkoleb' o'k'aal chi propeet ut kixmuqeb' sa' wiib' ochoch pek, lajeeb' roxk'aal kixmuq sa' li junjunq chi ochoch pek, ut kixch'oolaniheb' rik'in wa ut ha'.

Jeremías 26:8

Ab'anan naq kiraqe'k laj Jeremías chi xyeeb'al chixjunil li xchaq'rab'iik wi' xb'aan li Qaawa', kichape'k xb'aaneb' laj tij, eb' li propeet ut xb'aaneb' chixjunil li tenamit, ut kiyehe'k re: “Relik chi yaal naq tatkamq.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

Hebreos 11:26

Naxk'oxla naq q'axal chik loq' li b'ihomal nachalk sa' xk'ab'a' li xnimal xrahilal li Kriist chiru chixjunil li xb'ihomal li tenamit Ejiipt, xb'aan naq kaw xch'ool chirix li xq'ajkamunkil.

2 Reyes 1:9

Tikto laj Okosías kixtaqla jun xjolomileb' laj puub' rochb'eeneb' lajeeb' roxk'aal chi winq. Koheb' wan wi' laj Elías ut koxe'xtaw chi k'ojk'ook sa' xb'een jun li tzuul: “At xtaql li Yos, li awab'ej xye chaq naq tatkub'eeq”, chan li xjolomileb' laj puub'.

1 Reyes 19:2

Toja' naq lix Jesabel kixtaqla xyeeb'al re: “Chine'xkamsihaq eb' li yos, wi wulaj sa' ajwi' li honal a'in ink'a' tatinkamsi jo' naq xakamsiheb' li xpropeet laj Bahal”.

Jeremías 37:14

Kichaq'ok laj Jeremías ut kixye: “Tik'ti' a'an, laa'in ink'a' ninq'axonk sa' xyanqeb' laj Kaldeha”, chan. Ab'an laj Irías ink'a' kixpaab' li kiyehe'k re; kixchap li propeet ut kixk'am rik'ineb' laj k'amol b'e.

Filipenses 1:29

Xb'aan naq laa'ex k'eeb'il eemaatan sa' xk'ab'a' li Kriist, moko ka'aj ta wi' re xpaab'ankil li Kriist, re aj b'an wi' xk'ulb'al li rahilal sa' xk'ab'a' A'an;

Hebreos 10:34

Laa'ex xewotz chaq xrahilaleb' li xe'wank sa' tz'alam, ut chi sa sa' eech'ool xekuy ajwi' naq xmaq'e'k li k'aru eere, xb'aan naq nekenaw naq sa' choxa wank eeb'ihomal q'axal chik loq' ut ink'a' taalajq taa'oso'q.

Hebreos 11:33

Sa' xk'ab'a' li paab'aal eb' a'an ke'reechani xninqal ru tenamit, ke'xb'aanu li tiikilal, koxe'xtaw li xyeechi'om li Yos, ke'xtz'apatq xsa' reheb' li kaqkoj,

Santiago 5:10

Ex was wiitz'in, chek'am eere rik'ineb' li propeet li ke'aatinak sa' xk'ab'a' li Qaawa': eb' a'an ke'k'uluk rahilal ut xe'xkuy rik'in xnimal xkuyumeb'.