San Mateo 4:16 - Q'eqchi Bible

¹⁶ Li tenamit li wankeb' chaq sa' li aak'ab' ke'ril jun xnimal ru saqenk, ut li wankeb' chaq sa' xq'oqyinkil li kamk jun li saqenk kikutano'k sa' xb'eeneb'”.

Li Santil hu

¹⁶ li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

San Mateo 4:16 ပူးပေါင်းရင်းမြစ်များ

Isaías 9:2

Li tenamit li yookeb' chaq chi b'eek sa' li aak'ab' ke'ril jun xnimal saqenk; eb' li wankeb' chaq sa' xmuheel li kamk sa' kutan chik wankeb' anaqwan.

Miqueas 7:8

Matsaho'k rik'in linrahilal, at tenamit li xik' nakat-ilok we, xb'aan naq us ta xint'ane'k, tinwakliiq wi' chik; us ta wankin sa' aak'ab', li Qaawa' a'an linsaqenk.

San Lucas 2:32

a'an saqenk re xkutanob'resinkileb' li junch'ol chik, ut xnimal xloq'al laatenamit Israel”.

Amós 5:8

Li Qaawa', a'an li kiyiib'ank reheb' li k'iila chahim, Pléyades ut Oryón li xk'ab'a'eb', ut aak'ab' naxkanab' wi' li kutan. A'an naxjunaji li xha'el li palaw ut naxpaji chaq sa' xb'een li ruuchich'och'. A'an li nasachok xwankil eb' li kaweb' rib' ut naxjuk' li kawub'resinb'il tenamit. Li xk'ab'a' a'an Qaawa'.

Li xHu LAJ JOB 34:22

Maak'a' junaq q'oqyinkil ru na'ajej te'xmuq wi' rib' li neke'b'aanunk maa'usilal.

Jeremías 13:16

Loq'onihomaq ru li Qaawa' leeYos, naq toj maji' naq'oqyino'k ut nekextichk'oq sa'eb' li aak'ab'il tzuul. Laa'ex nekeroyb'eni li kutan saqenk, ab'an li Qaawa' tixjal ru cho'q aak'ab' ut cho'q q'oqyinkil choql.

Li xHu LAJ JOB 10:22

xik we rik'ineb' li wankeb' sa' xmu li kamk, b'arwi' wank li rahil ch'oolej chi junelik”.

Li xHu LAJ JOB 3:5

Li aak'ab' ut li mu chisutunq re, li choql chimuheelanq re ut chixib'esiiq xb'aan xmuhenkil rib'eb' li saq'e ut li po.

Salmos 44:19

Ink'a' xoosutq'iik chiqix re aakanab'ankil, chi moko xoo'elk ta sa' laab'e re aatz'eqtaanankil.

Isaías 9:1

Jo' chaq sa' xtiklajik naq li Yos kixrahob'tesi eb' li tenamit re Sabulón ut Neftalí, jo'kanaq ajwi' chiruheb' li kutan chaalel tixk'e xloq'al li b'e naxik chire li palaw, toj junpak'al li nima' Jordán, sa' xteepaleb' li jalanil tenamit.