San Mateo 3:9 - Q'eqchi Bible

⁹ ut meeb'alaq'i eerib' chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

Li Santil hu

⁹ Me̱cꞌoxla nak incꞌaꞌ te̱cꞌul xjoskꞌil li Dios yal xban nak la̱ex ralal xcꞌajol laj Abraham. La̱in tinye e̱re nak li Dios ta̱ru̱k tixyoꞌobtesi li pec aꞌin chokꞌ ralal xcꞌajol laj Abraham.

San Mateo 3:9 ပူးပေါင်းရင်းမြစ်များ

San Lucas 3:8

Chik'utunq b'i' sa' leeyu'am li naruuchin li yot'b'ach'oolej jalb'ak'a'uxl, ut mex'ok chi xyeeb'al sa' leech'ool: «A' laj Abrahán a'an qayuwa'». Xb'aan naq ninye eere naq li Yos taaruhanq chi risinkil sa'eb' li pek a'in ralal xk'ajol laj Abrahán.

San Juan 8:33

Ke'chaq'ok eb' a'an: —Laa'o ralal xk'ajolo laj Abrahán. Maajun wa eechaninb'ilo xb'aan anihaq. Chan put ru naq nakaye laa'at: «Toxexwanq chi ach'ab'anb'il»? chankeb' re.

Romanos 4:1

K'a' put ru tqaye chirix laj Abrahán li qaxe'toonil yuwa'?

Hechos 13:26

“Ex was wiitz'in, ex ralal xk'ajol li yo'lajenaqeb' rik'in laj Abrahán jo'wi' laa'ex li nekexiwa ru li Yos, qik'in laa'o taqlanb'il chaq li Aatin a'in aj k'ehol kolb'a ib'.

San Lucas 16:24

Toja' naq kixjap re chi xyeeb'al: «At inyuwa' Abrahán, chawuxtaana wu! Taqla chaq laj Lázaro ut xt'aqresihaq chaq li ru'uj ruq' re naq tolxkehob'resi li ru'uj waq', xb'aan naq q'axal ra wankin sa' li xam a'in».

San Juan 8:53

Ma q'axal nim tab'i' laawankil chiru li qayuwa' laj Abrahán li kikamk? Eb' li propeet ajwi' ke'kamk. Anihat naq nakaye aawib'?

San Lucas 5:22

Kixnaw li Jesus k'aru yookeb' chi xk'oxlankil ut kixye reheb': —K'a'ut naq nekek'oxla a'an sa' leech'ool?

San Marcos 7:21

xb'aan naq chisa' li xch'ool na'elk chaq li ink'a' usil na'leb': li ko'b'eetak yumb'eetak, elq'ak, kamsink,

Ezequiel 33:24

“At kaamel winq, eb' li wankeb' sa' xyanq li po'lem, sa' xteepal Israel, yookeb' chi xyeeb'al: «Laj Abrahán a'an jun ajwi' chi winq ut kireechani li na'ajej a'in. Ma toja' ta chik laa'o toxqeechani li na'ajej xb'aan naq naab'alo», chankeb'.

Hechos 15:14

Laj Simehón ak xseeraq'i qe chanru naq li Yos chalen chaq sa' xtiklajik kirileb' li maawa'eb' aj Judiiy re xsik'b'al sa' xyanqeb' jun tenamit cho'q re A'an.

San Lucas 19:40

Kichaq'ok a'an ut kixye: —Ninye eere: wi eb' a'in ch'anch'o te'kanaaq, a'eb' chik li pek te'xjap re.

San Lucas 7:39

Naq kiril a'an laj pariseey li kib'oqok re li Jesus, kixye sa' xch'ool: “Wi ta propeet a'in, naxnaw raj ani ut k'a' chi ixqul a'an li yo chi ch'e'ok re, xb'aan naq aj maak”.

San Lucas 12:17

Ut a'an yo chi xk'oxlankil sa' xch'ool: «K'aru tinb'aanu? Xb'aan naq maak'a' b'ar tinch'utub' wi' ru li wawimq».

San Juan 8:37

Ninnaw chi us naq ralal xk'ajolex laj Abrahán; ab'an nekeraj inkamsinkil xb'aan naq li waatin ink'a' naxtaw xna'aj sa' leech'ool.