San Mateo 3:7 - Q'eqchi Bible

⁷ Ab'an naq kiril naq naab'aleb' laj Pariseey ut laj Saduseey yookeb' chi chalk rik'in re raj naq te'kub'siiq xha', kixye reheb': “Ex ral q'anb'olay, ani xk'utuk cheru elelik chiru li josq'il chaalel sa' eeb'een?

Li Santil hu

⁷ Nak quiril nabaleb xcomoneb laj fariseo ut xcomoneb laj saduceo yo̱queb chi cuulac yal re nak teꞌcubsi̱k xhaꞌeb, quixye reheb: —La̱ex chanchanex li ral li cꞌambolay. ¿Ani xyehoc e̱re la̱ex nak ta̱ru̱k te̱col e̱rib chiru lix joskꞌil li Dios li ta̱cha̱lk saꞌ e̱be̱n?

San Mateo 3:7 ပူးပေါင်းရင်းမြစ်များ

San Mateo 12:34

Ex ral q'anb'olay, chan ta wi' ru naq teeye chaab'il aatin, naq moko usex ta? Xb'aan naq rik'in li xnumnujenaqil li ch'oolej na'aatinak li xtz'uumal re li winq.

1 Ts 1:10

jo'wi' re royb'eninkil li Ralal taak'ulunq chaq sa' choxa, a' li kiwaklesiik xb'aan li Yos sa' xyanqeb' li kamenaq, a'an li Jesus li nokooxkol chiru li josq'il chaalel.

Romanos 1:18

Li xjosq'il li Yos yo chaq chi k'utunk toj sa' choxa sa' xb'eeneb' chixjunil li maak ut sa' xb'een chixjunil li xmaa'usilaleb' li tenamit li neke'ramok re li yaal rik'in xmaak'a'il li tiikilal.

San Mateo 23:33

“Ex k'anti', ralex q'anb'olay! Chanru naq tex'eleliq chiru li tojb'amaak sa' xb'alb'a?

Romanos 5:9

Anaqwan tiikob'resinb'il qach'ool xb'aan xkik'el li Kriist: ma toja' ta chik ink'a' tooxkol li Yos chiru li tojb'amaak sa' xk'ab'a' A'an?

San Mateo 22:23

Sa' li kutan a'an wankeb' aj Saduseey ke'wulak rik'in li Jesus (eb' a'an neke'xye naq ink'a' te'wakliiq chi yo'yo eb' li kamenaq), ut ke'xpatz' re:

San Mateo 16:6

Toja' naq li Jesus kixye reheb': —Chek'ehaq reetal, chekolaq eerib' chiru li xch'amaleb' laj Pariseey ut eb' laj Saduseey.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

San Juan 9:40

Wankeb' aj Pariseey te'ochb'eeninq re, ut naq ke'rab'i a'in, ke'xye re: —Ma mutz'o ajwi' laa'o chi jo'kanan?

Jeremías 51:6

“Elenqex sa' li tenamit Babilonia ut kolomaq eerib', re naq ink'a' texkamq xb'aan li xmaa'usilal. Ak xkutankil li eeqajunk anaqwan, ut tinq'ajkamu Babilonia jo' chanru li xyehom ut xb'aanuhom.

Jeremías 6:10

Ut laa'in kinye: “Ani taa'ab'inq we, at Qaawa'? Ani twaatinaheb' re xyeeb'al li esilal a'in? Tz'aptz'ookeb' li xxik ut ink'a' neke'ab'ink; neke'xse'e laawaatin ut ink'a' nawulak chiruheb'.

Hebreos 11:7

Sa' xk'ab'a' li xpaab'aal laj Noé kirab'i resil li k'aru toj maji' na'ilmank ru; kixxiwa ru li Yos ut kixyiib' li jukub' kab'l re xkolb'al li xjunkab'al. Ut sa' xk'ab'a' li xpaab'aal kixtz'eqtaana li ruuchich'och' ut koxreechani li tiikilal li nachalk xb'aan li paab'aal.

Hechos 26:5

Eb' a'an neke'xnaw wu chalen chaq junxilaj ut, wi te'raj, truuq te'xch'olob' xyaalal a'in chiwix: naq laa'in kinwank jo' aj Pariseey, sa' xyanqeb' li jun ch'uut li q'axal neke'xk'e xch'ool sa' li qapaab'aal.

Hechos 20:31

Jo'kan utan, chexyo'leq ut jultikaq eere naq chiru oxib' chihab' ink'a' xinhilank chi xk'eeb'al eena'leb' chejunjunqal, chi q'eq ut chi kutan, rik'inatq xya'al wu.

Hechos 15:5

Ab'anan wankeb' xkomoneb' laj Pariseey li xq'axtesihomeb' rib' sa' li tz'aqal paab'aal, ke'xaqliik chi xyeeb'al: —Tento naq eb' li maawa'eb' aj Judiiy te'xk'ul li sirkunsisyon. Tento ajwi' xpatz'b'al reheb' naq te'xpaab' li xChaq'rab' laj Moisés.

Hechos 5:17

Toja' naq kixaqliik li xyuwa'il aj tij rochb'een chixjunileb' li xkomon, a'aneb' laj Saduseey,

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

San Juan 1:24

Sa' xyanqeb' li ke'taqlaak chaq aran, wankeb' ajwi' aj Pariseey.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

San Lucas 7:30

A'ut eb' laj pariseey ut eb' laj nahol Chaq'rab' ke'xsach xwankil li xnimal rajom li Yos sa' xb'eeneb', naq ink'a' ke'xk'ulub'an naq te'kub'siiq xha'eb'.

San Marcos 12:18

Wankeb' aj Saduseey ke'wulak rik'in li Jesus (eb' a'an neke'xye naq ink'a' te'wakliiq chi yo'yo eb' li kamenaq), ut ke'xpatz' re:

San Marcos 12:13

Wankeb' aj Pariseey ut eb' li neke'okenk chirix laj Herodes ke'taqlaak rik'in li Jesus re xchapb'al sa' aatin.

San Marcos 8:15

Ut li Jesus kixjultika reheb': —Chek'ehaq reetal, chekolaq eerib' chiru li xch'amaleb' laj Pariseey jo'wi' laj Herodes.

San Mateo 22:34

Naq eb' laj Pariseey ke'rab'i naq li Jesus kixtz'ap xsa' reheb' laj Saduseey, ke'xch'utub' rib',

San Mateo 22:15

Toja' naq eb' laj Pariseey koheb' ut ke'xch'utub' rib' chi xk'uub'ankil chan raj ru naq te'xchap li Jesus sa' aatin.

San Mateo 12:24

Ab'anan eb' laj Pariseey, naq ke'rab'i a'an, ke'xye: “Ch'olch'o naq a'in narisiheb' laj tza rik'in xwankilal laj Beelsebul, li xyuwa'ileb' laj tza”.

San Mateo 5:20

“Xb'aan naq ninye eere: wi leetiikilal ink'a' naxq'ax ru li xtiikilaleb' laj tz'iib' ut eb' laj pariseey, ink'a' tex'ok sa' li xnimajwal wankilal li choxa.

Isaías 59:5

Neke'xyoob' li lab'alil jo' namolb'ek li k'anti', ut neke'k'uub'ank maa'usilal jo' xkemom x'am. Ani taatzekanq re li mol a'an, taakamq; ut wi taapuk'manq li mol a'an, taayo'laaq k'anti' li nakamsink.

Génesis 3:15

Tink'e naq xik' teeril eerib' laa'at ut li ixq. Jo'kanaq ajwi' eb' laawal ut eb' li ralal xk'ajol li ixq: ut jun reheb' tixpitz' laajolom naq laa'at taakut aawib' chi rit roq”.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

San Mateo 15:12

Toja' naq eb' li xtzolom ke'jilok chi xk'atq ut ke'xye re: —Ma nakanaw naq eb' laj Pariseey ra xe'reek'a naq xe'rab'i laawaatin?

Proverbios 28:4

Li naxtz'eqtaana li chaq'rab' nasaho'k xch'ool chirixeb' li ink'a' useb' xna'leb'; ab'an li tiik xch'ool xik' narileb'.

San Mateo 16:1

Eb' laj Pariseey ut eb' laj Saduseey ke'jilok chi xk'atq li Jesus yal re xyalb'al rix, ut ke'relaji ru naq chixk'ut junaq eetalil taachalq sa' choxa.