San Mateo 3:6 - Q'eqchi Bible

⁶ Neke'xxooto li xmaakeb', ut laj Jwan naxkub'siheb' xha' sa' li nima' Jordán.

Li Santil hu

⁶ Queꞌxxo̱to xma̱queb ut laj Juan naxcubsiheb xhaꞌ saꞌ li nimaꞌ Jordán.

San Mateo 3:6 ပူးပေါင်းရင်းမြစ်များ

Hechos 19:18

Naab'aleb' sa' xyanqeb' li okenaqeb' chi paab'ank ke'chalk chi xxootoninkil li xmaakeb' ut chi xch'olob'ankil li ink'a' us ke'xb'aanu;

1 Juan 1:9

Ab'an wi naqaxooto li qamaak, li Yos chaab'il ut tiik xch'ool chi xkuyb'al xsachb'al qamaak ut chi qach'ajob'resinkil chiru chixjunil qamaa'usilal.

Hebreos 9:10

chixjunil a'an yal ruuchich'och'il chaq'rab' li na'aatinak chirix tzekemq, uk'a', jo'wi' chirix li k'iila paay chi ch'ajob'resink ib', ut kiwank xwankil toj kiwulak xq'ehil xjalb'al chixjunil.

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

Hebreos 6:2

miqak'e chik li tzolok chirixeb' li kub'iha', li xk'eeb'al li uq'ej sa' xb'een jolomej, li xwaklijikeb' wi' chik eb' li kamenaq ut li raqb'a aatin sa' roso'jikeb' li kutan.

Colosenses 2:12

Eerechmuqb'al li Kriist sa' li kub'iha', eerochb'een ajwi' A'an naq xexwakliik chi yo'yo xb'aan naq xepaab' li xnimal xwankil li Yos li kiwaklesink chi yo'yo li Kriist sa' xyanqeb' li kamenaq.

1 Corintios 10:2

Chixjunileb' ke'kub'siik xha' sa' li choql ut sa' li palaw re xtaaqenkil laj Moisés,

Hechos 22:16

Ut anaqwan, k'a' naq nakab'ay aawib'? Waklin ut chikub'eeq laaha'! Chayaab'a xk'ab'a' li Qaawa' ut ch'ajeb' laamaak».

Hechos 11:16

Toja' naq kijultiko'k we li aatin kixye li Qaawa': «Laj Jwan kikub'sink ha' yal rik'in ha', a'ut laa'ex taakub'siiq eeha' rik'in Santil Musiq'ej».

Hechos 1:5

Laj Jwan kikub'sink ha' rik'in ha', ut laa'ex taakub'siiq eeha' rik'in Santil Musiq'ej, ink'a' chik k'iila kutan chirix a'in.

San Lucas 3:16

Kichaq'ok ut laj Jwan ut kixye reheb': “Laa'in ninkub'si eeha' yal rik'in ha', ab'an chalk re li q'axal nim xwankil chiwu laa'in, li moko ink'ulub' ta xhitb'al xk'aamal li xxaab'. A'an tixkub'si eeha' rik'in Santil Musiq'ej ut xam.

San Marcos 1:5

Chixjunileb' laj Judea jo'wi' chixjunileb' laj Jerusalén neke'wulak rik'in laj Jwan; neke'xxooto li xmaakeb' ut a'an naxkub'siheb' xha' sa' li nima' Jordán.

Daniel 9:4

Kinxooto li qamaak chiru li Qaawa' linYos ut kinye re: «At Qaawa', at Nimajwal Yos nim aawankil, laa'at junelik nakapaab' laaSumwank ut nakak'ut naq xaqxo laarahom rik'ineb' li neke'rahok aawe ut neke'xpaab' laachaq'rab'.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Números 5:7

Jo'kan naq tento tixxooto li xmaak xb'aanu; tixtoj rix rik'in tumin ut oob' jachal chik xkomon tixk'e.

Levítico 26:40

“Toja' naq te'xch'olob' li xmaakeb' ut li xmaa'usilaleb' li xna' xyuwa', chanru naq xe'xq'etq'eti rib' ut xe'jipunk chiwu.

Levítico 16:21

tixk'e li ruq' sa' xb'een xjolom li xul ut tixxooto chixjunil li xmaakeb' laj Israel, chixjunil li xyib'aleb' ru xna'leb' ut li xnimob'resinkil rib'eb'. Chi jo'kan tixk'eheb' li maak sa' xb'een xjolom li chib'aat, ut tixxaqab' jun poyanam re xk'amb'al ut xkoq'b'al sa' li chaqich'och'.

1 Pedro 3:21

Li ha' a'an reetalil li kub'iha' kolb'ilex wi' laa'ex anaqwan: a'an maawa' yal risinkil xtz'ajnil li tib'elej, a'an b'an xtz'aamankil jun chaab'il ch'oolej cho'q re li Yos sa' xk'ab'a' li xwaklijik chi yo'yo li Jesukriist,

Santiago 5:16

Chech'olob'aq b'i' leemaak cherib'il eerib' ut chextijoq cherix cherib'il eerib' re naq texk'iraaq. Li xtij li tiik xch'ool q'axal na'ab'iik, wi na'uxmank chi anchalil ch'oolej.

Esdras 10:1

Wiq'wo laj Esdras chiru rochoch li Yos, yo chi yaab'ak, chi tijok ut chi xxootoninkil li xmaak. Toja' naq jun tuub'eb' aj Israel, jo' winq, ixq ut kok'al, ke'xch'utub' rib' chi xsutam, k'ajo'eb' chi yaab'ak.

San Lucas 1:16

ut naab'aleb' li ralal xk'ajol laj Israel tixsutq'isiheb' chaq rik'in li Qaawa' li xYoseb'.