San Mateo 3:2 - Q'eqchi Bible

² “Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

Li Santil hu

² —Chiyotꞌekꞌ e̱chꞌo̱l ut chejal e̱cꞌaꞌux xban nak yo̱ chak chi cha̱lc li ta̱qꞌuehekꞌ saꞌ xcuanquil xban li Dios. Ut aꞌan chic ta̱cua̱nk xcuanquil saꞌ xbe̱neb li ralal xcꞌajol.—

San Mateo 3:2 ပူးပေါင်းရင်းမြစ်များ

San Mateo 4:17

Chalen utan li Jesus kixtikib' xpuktesinkil li esilal a'in: “Cheyot' eech'ool chejal eek'a'uxl, xb'aan naq li xnimajwal wankilal li choxa ak nach' wank”, chan.

San Marcos 1:15

“Xtz'aqlok xkutankil, li xnimajwal awab'ejihom li Yos ak nach' wank -chan-. Yot'omaq eech'ool jalomaq eek'a'uxl, ut paab'omaq li Chaab'il Esilal”.

Daniel 2:44

“Chiru li xyu'amileb' li awab'ej a'an, li xYos li choxa tixwaklesi chaq jun awab'ejihom li maajun wa taajuk'manq, chi moko taakanaaq rub'el xwankil jalan chik tenamit. Tixjuk'i ut tixputz'iheb' li awab'ejihom junch'ol, ut a'an wanq xwankil chi junelik.

San Lucas 24:47

ut taapuktesimanq resil A'an re naq chixjunileb' li tenamit te'sutq'iiq rik'in li Yos ut te'kuymanq te'sachmanq li xmaakeb', taatiklaaq a'an arin Jerusalén».

San Mateo 6:10

chichalq ta laanimajwal awab'ejihom, chi'uxq ta laawajom arin sa' ruuchich'och' jo' sa' choxa.

2 Corintios 7:10

Li rahil ch'oolej jo' naraj li Yos naxyoob' chi junajwa li yot'b'ach'oolej jalb'ak'a'uxl ut naxk'am chaq li kolb'a ib'; ab'an li rahil ch'oolej jo' chanru naraj li ruuchich'och', a'an naxyoob' li kamk.

San Mateo 10:7

Ut naq yooqex chi xik, puktesiiq resil naq li xnimajwal wankilal li choxa ak xnach'ok chaq.

Hechos 3:19

Yot'omaq b'i' eech'ool ut jalomaq eek'a'uxl re naq te'kuymanq te'sachmanq leemaak.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

San Lucas 13:3

Ninye eere naq ink'a'; wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex.

San Lucas 11:20

Ab'anan, wi rik'in ruq' li Yos nawisiheb' laj tza, naraj naxye naq li xnimajwal awab'ejihom li Yos xol'elq eerik'in.

2 Pedro 3:9

Li Qaawa' ink'a' nab'ayk chi xk'eeb'al li b'arwan kixyeechi'i. Wankeb' neke'k'oxlank re naq yo chi b'ayk, ab'an moko yaal ta. Nim xkuyum li Yos eerik'in; ink'a' naraj naq taasachq junaq, naraj b'an naq chixjunileb' te'yot'e'q xch'ool ut te'xjal xk'a'uxl.

Hechos 17:30

Anaqwan li Yos xtz'eq chirix xch'ool eb' li kutan xe'numje'k, naq eb' li tenamit xe'wank sa' xmajelal xna'leb'eb', ut naxye resil naq yalaq b'ar tento naq chixjunileb' te'xyot' xch'ool te'xjal xk'a'uxl.

Hechos 11:18

Naq ke'rab'i a'in, eb' laj paab'anel aj Jerusalén ke'k'ojlaak xch'ool ut ke'xnima ru li Yos: —A'in naraj naxye naq li Yos xk'e ajwi' reheb' li maawa'eb' aj Judiiy naq te'xyot' xch'ool te'xjal xk'a'uxl ut te'ok sa' li yu'am, chankeb'.

Hechos 2:38

Laj Pedro kixchaq'b'eheb' ut kixye: —Cheyot' eech'ool chejal eek'a'uxl ut chikub'eeq eeha' chejunjunqal sa' xk'ab'a' li Jesus li Kriist, re te'kuymanq te'sachmanq leemaak; ut teek'ul li xsimaatan li Santil Musiq'ej.

San Lucas 6:20

Li Jesus kixtaqsi li rilob'aal wankeb' wi' li xtzolom ut kixye: “Us xaq eere li neb'a'ex, xb'aan naq eere li xnimajwal awab'ejihom li Yos.

San Mateo 13:52

Ut a'an kixye reheb': —Jo'kan naq chixjunil laj tz'iib' li x'ok cho'q xtzolom li xnimajwal wankilal li choxa chanchan jun li winq aj eechal kab'l li narisi chaq sa' li xk'uuleb'aal li k'aru ak' ut li k'aru q'eel.

San Mateo 13:47

“Jo'kan ajwi' li xnimajwal wankilal li choxa chanchan jun li yooy li kikutmank sa' palaw ut kixch'utub' k'iila paay chi kar.

San Mateo 13:33

Jun chik li jaljookil ru aatin kixye reheb': “Li xnimajwal wankilal li choxa chanchan kach'in xyu li kaxlan wa. Jun li ixq kichapok re ut koxk'e sa' jun aroow chi k'aj, toj reetal kisipook chixjunil”.

San Mateo 12:41

Eb' laj Nínive te'wakliiq chaq sa' xkutankil li raqb'a aatin rochb'eeneb' li tenamit a'in ut te'xteneb' tojb'amaak sa' xb'eeneb', xb'aan naq eb' laj Nínive ke'xyot' xch'ool ke'xjal xk'a'uxl naq ke'rab'i li xpuktesihom laj Jonás; ut arin wank li naxq'ax ru laj Jonás.

2 Timoteo 2:25

Chixnaw xtzolb'aleb' sa' tuulanil eb' li xik' neke'ilok re. Mare anchal li Yos tixk'e chi xyot'b'aleb' xch'ool ut chi xjalb'aleb' xk'a'uxl re naq te'xnaw chi us li yaal.

Colosenses 1:13

A'an ki'isink qe sa' xwankil li aak'ab' ut kooroksi sa' li x'awab'ejihom li xraarookil Alal

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

San Lucas 15:7

“Ninye eere naq jo'kan ajwi' sa' choxa. Q'axal nim chik li sahil ch'oolej taawanq naq junaq aj maak tixyot' xch'ool tixjal xk'a'uxl, chiruheb' li b'eleelaju ro'k'aal tiikeb' xch'ool li moko aajel ta chik ru naq te'xjal xk'a'uxeb'.

San Lucas 13:5

Ninye eere naq ink'a'; ut wi ink'a' teeyot' eech'ool teejal eek'a'uxl, juntaq'eet naq tex'oso'q chejunilex”.

San Lucas 9:2

Ut kixtaqlaheb' chi xpuktesinkil resil li xnimajwal awab'ejihom li Yos ut chi k'irtasink.

San Marcos 6:12

Eb' a'an koheb' ut ke'xpuktesi resil naq che'xyot' xch'ool che'xjal xk'a'uxl:

San Marcos 1:4

Ut jo'ka'in kik'ulmank: kox'okaq laj Jwan aj kub'sihom ha' sa' li chaqich'och', yo chi xyeeb'al reheb' chixjunil naq tento te'xyot' xch'ool te'xjal xk'a'uxl ut te'kub'siiq xha' re naq li Yos tixkuy tixsach li xmaakeb'.

San Mateo 5:10

Us xaq reheb' li rahob'tesinb'ileb' sa' xk'ab'a' li tiikilal, xb'aan naq reheb' a'an li xnimajwal wankilal li choxa.

San Mateo 5:3

“Us xaq reheb' li neb'a'eb' li xch'ool, xb'aan naq reheb' a'an li xnimajwal wankilal li choxa.

Ezequiel 33:11

Ab'anan, sa' xk'ab'a' linloq'al, laa'in li Qaawa' ninye li waatin naq ink'a' nawaj li xkamik laj maak, nawaj b'an naq tixyot' xch'ool tixjal xk'a'uxl ut wanq xyu'am. Ex aj Israel, jalomaq leek'a'uxl, kanab'omaq xb'aanunkil li maa'usilal. K'aru aj e naq texkamq?

Li xHu LAJ JOB 42:6

Jo'kan naq naraho'k ut nayot'e'k linch'ool; sa' li pojtz' ut cha tintoj rix linmaak”.

Apocalipsis 2:21

Xinxaqab' xkutankil chiru re raj tixyot' xch'ool tixjal xk'a'uxl, ab'anan ink'a' naraj xjalb'al xk'a'uxl chirix li muxuk ib'.

San Mateo 13:31

Jun chik li jaljookil ru aatin kixye reheb': “Li xnimajwal wankilal li choxa chanchan jun t'orol li mostaas li kixxok jun li winq ut kiraw sa' li xch'och'.

San Mateo 13:11

Kixsumeheb' ut kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal wankilal li choxa, ab'an ink'a' k'eeb'il reheb' a'an.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Apocalipsis 2:5

K'e b'i' reetal b'ar t'anjenaqat chaq; yot' aach'ool jal aak'a'uxl ut b'aanu laak'anjel jo' xab'aanu xb'enwa. Wi ut ink'a', tinxik aawik'in ut twisi li xna'aj kanteel sa' li na'ajej b'ar wank wi' anaqwan.

Hebreos 6:1

Jo'kan utan, qakanab'aq xk'oxlankil li xb'een tzolok chirix li Kriist, ut q'axonqo chi xk'oxlankil li tz'aqal re ru. Miqak'e chik li rub'elankil li qapaab'aal, a' li yot'b'ach'oolej jalb'ak'a'uxl chirix li kamenaqil k'anjel jo'wi' chirix li xpaab'ankil li Yos;

Hechos 26:20

kohin b'an xb'enwa rik'ineb' laj Damaask; chirix chik a'an rik'ineb' laj Jerusalén ut sa' chixjunil xsutam Judea jo' ajwi' rik'ineb' li maawa'eb' aj Judiiy, chi xyeeb'al naq che'xyot' xch'ool che'xjal xk'a'uxl. Xinye ajwi' reheb' naq che'sutq'iiq rik'in li Yos ut che'wanq jo' xk'ulub' wi' li yot'b'ach'oolej jalb'ak'a'uxl.

San Mateo 22:2

“Li xnimajwal wankilal li choxa chanchan jun li awab'ej li kixninq'ehi xsumlajik li ralal.

San Mateo 25:1

“Li taak'ulmanq sa' li xnimajwal wankilal li choxa chanchan li kik'ulmank sa' jun li sumlaak. Lajeeb' chi tuq'ixq ke'xk'am xsaqenkeb' naq ke'elk chi xk'ulb'al li b'eelomej.

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

San Mateo 20:1

“Xb'aan naq li xnimajwal wankilal li choxa chanchan jun li winq aj eechal junkab'al li ki'elk toj eq'la chi xsik'b'aleb' aj k'anjel re li rawimq.

San Mateo 18:23

“Jo'kan naq li xnimajwal wankilal li choxa chanchan jun li awab'ej li kiraj xpatz'b'al reheb' li xmoos li xk'aseb'.

San Mateo 11:20

Toja' naq li Jesus ki'ok chi xq'usb'aleb' chi kaw li tenamit b'arwi' kixb'aanu naab'al sachb'ach'oolej, xb'aan naq ink'a' ke'xyot' xch'ool, ink'a' ke'xjal xk'a'uxl. Kixye reheb' chi jo'ka'in:

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

San Lucas 21:31

Jo'kan ajwi' laa'ex, naq teeril naq talajk'ulmanq a'in, chenawaq naq li xnimajwal awab'ejihom li Yos ak nach' wan chaq.

San Lucas 16:30

“Ut a'an kixye: «Ink'a', at inyuwa' Abrahán. Ab'an wi taaxik junaq reheb' li kamenaq rik'ineb', te'yot'e'q raj xch'ool te'xjal raj xk'a'uxl».

San Mateo 25:14

“Li taak'ulmanq sa' li xnimajwal wankilal li choxa chanchan ajwi' li kik'ulmank naq jun li winq koho chi najt; kixb'oqeb' li xmoos ut kixq'axtesi li xjunkab'lal sa' ruq'eb'.

San Mateo 13:24

Jun chik jaljookil ru aatin kixye reheb': “Li xnimajwal wankilal li choxa chanchan jun li winq kiraw chaab'il iyaj sa' li xch'och'.

San Mateo 4:23

Li Jesus kixb'eeni chixjunil Galilea, yo chi xtzolb'aleb' sa'atqeb' li xch'utleb'aal kab'l. Naxpuktesi li xchaab'il esil li xnimajwal wankilal li xchoxa ut naxk'irtasi chixjunil li rahilal ut yajel sa' xyanqeb' li tenamit.

San Lucas 1:16

ut naab'aleb' li ralal xk'ajol laj Israel tixsutq'isiheb' chaq rik'in li Qaawa' li xYoseb'.

Li xHu LAJ JOB 39:12

Ma taak'ojob' aach'ool chirix re naq tixb'eela ru laawawimq ut tixmol ajwi' laatriiw sa' laak'uuleb'aal?