San Mateo 27:3 - Q'eqchi Bible

³ Toja' naq laj Judas, a' li kiq'axtesink re li Jesus, kiril naq kiteneb'aak kamk sa' xb'een li Jesus, kiyot'e'k xch'ool ut kixq'ajsi li lajeeb' xka'k'aal chi tumin plaat reheb' li xb'eenil aj tij ut reheb' li cheekel winq:

Li Santil hu

³ Ut laj Judas li quikꞌaxtesin re li Jesús, cꞌajoꞌ nak quiyotꞌeꞌ xchꞌo̱l riqꞌuin li quixba̱nu nak quiril nak quiteneba̱c ca̱mc saꞌ xbe̱n li Jesús. Quixkꞌajsi li laje̱b xcaꞌcꞌa̱l chi tumin plata reheb lix be̱nil aj tij ut reheb li nequeꞌcꞌamoc be saꞌ xya̱nkeb laj judío.

San Mateo 27:3 ပူးပေါင်းရင်းမြစ်များ

2 Corintios 7:10

Li rahil ch'oolej jo' naraj li Yos naxyoob' chi junajwa li yot'b'ach'oolej jalb'ak'a'uxl ut naxk'am chaq li kolb'a ib'; ab'an li rahil ch'oolej jo' chanru naraj li ruuchich'och', a'an naxyoob' li kamk.

San Juan 18:3

Kiwulak laj Judas aran rochb'eeneb' jun teepeb' aj puub' ut rochb'eeneb' laj k'aak'alenel taqlanb'ileb' chaq xb'aaneb' li xb'eenil aj tij ut xb'aaneb' laj Pariseey. Wankatqeb' chaq xxam sa' ruq'eb' ut sa' ru'ujatq che', ut wankeb' ajwi' xch'iich'eb'.

San Juan 13:27

Ut chirix li jun hab'ok chi wa ki'ok laj tza rik'in. Toja' naq li Jesus kixye re: —Li k'aru taab'aanu, b'aanu chi junpaat.

San Juan 13:2

Yookeb' chi wa'ak ewu, ut laj Tza ak xk'e sa' xk'a'uxl laj Judas Iskariote, ralal laj Simón, naq tixq'axtesi li Jesus.

Li xHu LAJ JOB 20:5

Chalen naq li winq kiyoob'tesiik xb'aan li Yos, junpaat ajwi' xsahilal li ink'a' us xna'leb'.

Éxodo 21:32

Ut wi li b'ooyx tixxeq' junaq aj mun winq malaj aj mun ixq, laj eechal re li b'ooyx tixtoj lajeeb' xka'k'aal chi tumin plaat re laj eechal re laj mun, ut li b'ooyx taakamsiiq chi pek.

Zacarías 11:13

Ut li Qaawa' kixye we: “K'e li tumin a'in sa' li k'uuleb'aal re li rochoch li Yos. Q'axal terto xine'xtoj wi!”. Toja' naq kinxok li lajeeb' xka'k'aal chi tumin, ut koxink'e sa' xk'uuleb'aal li rochoch li Yos.

Hechos 1:18

Kixloq' jun xna'aj chiru xtz'aq li xmaa'usilal ut koxsik' li xkamik: kit'ane'k chi xulxu, kichire'k sa' xyi ut ki'elk chixjunil sa' li xsa'.