San Mateo 27:1 - Q'eqchi Bible

¹ Naq kisaqewk, ke'xch'utub' rib' chixjunileb' li xb'eenil aj tij ut eb' li xcheekel winqilaleb' li tenamit chi xk'uub'ankil chan raj ru naq te'xkamsi li Jesus.

Li Santil hu

¹ Ut nak quisake̱u, queꞌxchꞌutub ribeb chixjunileb lix be̱nil aj tij ut eb laj cꞌamol be saꞌ xya̱nkeb laj judío. Queꞌxcꞌu̱b rib chanru teꞌxba̱nu re nak ta̱camsi̱k li Jesús.

San Mateo 27:1 ပူးပေါင်းရင်းမြစ်များ

San Marcos 15:1

Naq kisaqewk, eb' li xb'eenil aj tij rochb'eeneb' li cheekel winq, jo'wi' eb' laj tz'iib' ut chixjunileb' li xninqaleb' ru aj raqol aatin, junpaat ke'xk'uub' xch'utameb'; ke'xk'am li Jesus chi b'ak'b'o ut ke'xq'axtesi sa' ruq' laj Pilaat.

San Juan 18:28

Naq kisaqewk, ke'risi li Jesus sa' rochoch laj Kaifás ut ke'xk'am sa' li raqleb'aal aatin. Eb' laj Judiiy ink'a' ke'ok sa' li raqleb'aal aatin re naq ink'a' te'xtz'ajni rib'eb': a' ke'raj xtzekankil li Paswa.

San Lucas 22:66

Naq kikutano'k, ke'xch'utub' rib' li xcheekel winqilaleb' li tenamit, li xb'eenileb' aj tij ut eb' laj tz'iib'; ke'xk'am li Jesus sa' li xnimal raqleb'aal aatin

Miqueas 2:1

Ra chaalel sa' xb'eeneb' li ink'a' neke'b'aanunk li tiikilal! Naq yokyookeb' sa' li xwarib'aaleb', neke'xk'uub' li maa'usilal; ut naq nawulak xkutankil, neke'xb'aanu li xk'uub'ahomeb' xb'aan naq wank li xwankileb'.

Salmos 2:2

Neke'xk'amchi'i rib'eb' li x'awab'ej li ruuchich'och', eb' laj jolominel wotz neke'k'uub'ank raaxiik' chirix li Qaawa' ut li Sik'b'il ru xb'aan:

San Mateo 23:13

“Ra chaalel sa' eeb'een laa'ex aj tz'iib' ut aj Pariseey aj ka'pak'al uhex: neketz'ap li xnimajwal wankilal li choxa chiruheb' li tenamit! Xb'aan naq ink'a' nekex'ok laa'ex, ut nekeram chiruheb' li neke'raj raj ok.

Hechos 5:21

Eb' li apóstol ke'xpaab' a'an: toj hik'ho koxe'okaq sa' rochoch li Yos ut ke'xtikib' xtzolb'aleb' li tenamit. Naq kiwulak li xyuwa'il aj tij ut eb' li rochb'een, ke'xch'utub' li xninqaleb' ru aj raqol aatin ut chixjunil li xcheekel winqilaleb' laj Israel, ut ke'xtaqla xsik'b'aleb' sa' tz'alam re naq te'k'ame'q chaq.

1 Samuel 19:11

Tikto laj Saúl kixtaqlaheb' winq chi xk'aak'alenkil laj David sa' rochoch re raj naq eq'la tixkamsi, ab'anan lix Mikal li rixaqil kixye re laj David: “Wi ink'a' toxaakol aawib' sa' ajwi' li q'oqyink a'in, wulak tatkamq”.

Jueces 16:2

Naq eb' laj Gasa ke'rab'i resil li xk'ulunik laj Sansón, ke'xsut li na'ajej wan wi' ut chiru chixjunil li kutan a'an yookeb' chi xk'aak'alenkil li rokeb'aal li tenamit. Chiru li q'oqyink ke'ok chi hilank, yookeb' chi xyeeb'al: “Hik'e'q wan li kutan, tojo' naq tqakamsi”, chankeb'.

Salmos 31:13

Tz'eqb'ilin chirix ch'oolej jo' na'uxk re junaq kamenaq, kama'in aj chik junaq jorol sek'.

Salmos 71:10

Xb'aan naq k'ajo' neke'aatinak chiwix eb' li xik' neke'ilok we; eb' li neke'ajok inkamsinkil neke'k'uub'ank ut neke'xye:

San Lucas 13:1

Sa' ajwi' li honal a'an wan ke'wulak rik'in li Jesus chi xyeeb'al k'aru ke'xk'ul eb' laj Galilea, naq laj Pilaat kixkamsiheb' naq yookeb' chi mayejak chiru li Yos.